Ãẽ̱xgacügü ga guxchaxü̃güarü mexẽxẽruü̃gü 5:6 - Tupanaarü Ore

^6-7 Rü yexguma Chamgáx ga Anáx nane maxü̃gu rü Yaé maxü̃gu rü yema Canaáü̃tanüxü̃gagu naxãũcüma ga yema namagü ga ítáxü̃, rü yemaca̱x ga duü̃xü̃gü rü íxraxü̃ ga namagu naxĩ. Rü guxema ĩanexacügüwa maxẽxe rü marü taxuacüma tümaanegüwa tapuracüe yerü yema Canaáü̃tanüxü̃xü̃ tamuü̃e. Rü tataxuma ya texé ya Iraétanüxü̃xü̃ ípoxü̃xẽ. Rü yemaca̱x ga choma i Débora, rü pora chaxü nax íchanapoxü̃güxü̃ca̱x i chautanüxü̃ i Iraétanüxü̃ ñoma wüxi i mama i naxacügüxü̃ ípoxü̃xü̃rüxü̃.

Ãẽ̱xgacügü ga guxchaxü̃güarü mexẽxẽruü̃gü 5:6 Referans Kwoze

Ichaía 33:8

Rü ngẽma namagü rü düxwa nangeãcumare rü taxuxü̃ma nagu naxĩ. Rü yema Achíriaanemaxã namexẽẽgüxü̃ nax tama Yerucharéü̃ca̱x íyaxü̃ãchixü̃ca̱x rü tama nayanguxẽxẽ. Rü taxúega naxĩnüe i ngẽma Achíriaanecüã̱xgü.

Ãẽ̱xgacügü ga guxchaxü̃güarü mexẽxẽruü̃gü 3:31

Rü Aóxwena rü to ga Iraétanüxü̃maxã icuáxü̃ rü Chamgáx ga Anáx nane nixĩ. Rü nüma rü wüxi ga naixmena̱xã ga fierumaxã ãmaguxü̃maxã nanadai ga 600 ga Firitéugü. Rü yemaacü nüma ga Chamgáx rü ta rü Iraétanüxü̃xü̃ ínanguxü̃xẽxẽ.

Auxexü̃chiga 1:4

Rü ngẽma Chióü̃arü namagü rü taxü̃ i ngechaü̃ nixĩgü erü nachianemare. Rü nataxuma i duü̃xü̃gü i petagü ga Tupana nüxü̃ unetaxü̃wa ĩxü̃. Rü ngẽma Yerucharéü̃arü poxeguxü̃arü ĩã̱xgüwa rü nachianemare. Rü ngẽma chacherdótegü rü naxauxe. Rü ngẽma paxü̃gü rü nanaxĩ̱xãchiãẽgü. Rü yima ĩane ya Yerucharéü̃ rü guxchaxü̃wa nangẽxma.

Lebítanüxü̃arü puracüchiga 26:22

Rü tá pexca̱x íchayachoõchixẽxẽ i naeü̃gü i düraexü̃ nax pexacügüxü̃ nangõ̱xcuxü̃ca̱x rü ngẽmaãcü pingexacügüxü̃ca̱x. Rü perü wocagügu tá nawagüe, rü pegu tá nawagüe ñu̱xmatáta pigú rü ngẽmaãcü taxúetama namagu tixũ.

Miquéa 3:12

Pa Ãẽ̱xgacügüx, pegagu rü yima ma̱xpǘne ya Chióü̃ rü wüxi i naane i ngẽxma maxẽmaxã rüxümarexü̃ tá nixĩ. Rü yima ĩane ya Yerucharéü̃ rü naxtapü̱xgüxica tá ngẽxma naxãũxchita —ñanagürü.

Auxexü̃chiga 4:18

Rü torü uanügü rü toxca̱x nadauxü̃taegü, rü yemaca̱x taxucürüwa ĩanearü namagüwa taxĩ. Rü marü ningaica nax tayuexü̃ rü marü nawa nangu i ora nax toxü̃ nada̱i̱xü̃.

Wiyaegü 125:5

Natürü ngẽma duü̃xü̃gü i chixexü̃ i nacümagu ĩxü̃ ¡rü poxcu namaxã naxuegu! Erü ngẽmatama nixĩ i woetama naxca̱x ixĩxü̃ i ngẽma chixexü̃ ügüxü̃. ¡Rü Iraétanüxü̃na naxã i taãxẽ!

Norü taxre ga to ga popera ga ãẽ̱xgacügüchiga ümatüxü̃ 15:5

Rü yema ngunexü̃gügu rü nataxuma ga duü̃xü̃ ga taãẽwa yexmaxü̃. Rü guxü̃ma ga nachixü̃anegüwa rü naxãũcüma nax ngextá naxĩxü̃ ga duü̃xü̃gü, yerü guxü̃wama nayexma ga ngĩ́ta̱xagüxü̃.

Yeremía 6:25

¡Rü taxṹ i naanewa pexĩxü̃! ¡Rü taxṹ i namagüwa pexĩxü̃! Erü ngẽma uanügü rü nixãxne. Rü guxü̃wama nangẽxma i muü̃ —ñanagürügü.