Ãẽ̱xgacügü ga guxchaxü̃güarü mexẽxẽruü̃gü 5:12 - Tupanaarü Ore

¹² ¡Naba̱i̱xãchi, Pa Déborax, naba̱i̱xãchi! ¡Rü nagu nawiyae i wüxi i wiyae! Rü cumax, Pa Baráx Pa Abinuáü̃ Nanex, ¡Írüda rü poxcuwa yagagü i ngẽma curü uanügü i ícuyauxü̃xü̃!

Ãẽ̱xgacügü ga guxchaxü̃güarü mexẽxẽruü̃gü 5:12 Referans Kwoze

Efesios 4:8

Rü ngẽmaca̱x i Tupanaarü ore i ümatüxü̃wa rü ñanagürü: “Rü yexguma daxũguxü̃ ga naanewa naxũxgu, rü yéma tüxü̃ nagagü ga guxema marü tüxü̃ ínanguxü̃xẽxẽ. Rü duü̃xü̃güna nanaxã ga cua̱xgü”, ñanagürü i ngẽma ore.

Wiyaegü 68:18

Pa Tupanax, yexguma Chióü̃ ya ma̱xpǘnegu cuxĩnagügu rü cugüwe cuyagagü i ngẽma ícuyauxü̃xü̃ i curü uanügü. Rü duü̃xü̃gütanüwa cunayaxu i ãmaregü. Rü woo i ngẽma tama cuga ĩnüechaü̃xü̃ rü natanüwa cunayaxu i ãmaregü nax ngéma Chióü̃wa cuxãpataxü̃ca̱x.

Wiyaegü 57:8

Rü pa̱xmama tá ícharüda naxca̱x i chorü paxetaruü̃gü i árpa rü árpaxacü. Rü ngẽmaãcü tá íchanabaixgü i ngẽma ngexwacaxü̃xü̃ i ngunexü̃.

Norü taxre ga popera ga Timutéuca̱x naxümatüxü̃ ga Pauru 2:26

Erü Tupana nanaxwa̱xe nax naãẽxü̃ yacua̱xãchitanüxü̃ i ngẽma duü̃xü̃gü rü na̱xcha̱xwa yabuxmüxü̃ca̱x i ngẽma chixexü̃ i ngo̱xo i Chataná nagu nayixẽẽxü̃ nax ngẽmaãcü norü ngúchaü̃ ngẽma duü̃xü̃gümaxã naxüxü̃ca̱x i Chataná.

Efesios 5:14

Erü guxü̃ma rü ngẽxguma ngóonexü̃wa nangẽxmagu, rü meama nango̱x nax nañuxraxü̃xü̃. Rü ngẽmaca̱x i Tupanaarü orewa rü ñanagürü: “¡Naba̱i̱xãchi i cuma nax cupexü̃, rü írüda i cumax nax icuyarütaxuxü̃! Rü Cristu tá cuxca̱x nanangóonexẽxẽ”, ñanagürü i ngẽma ore.

1 Corintios 15:34

Rü name nixĩ i mea pegüãẽgu perüxĩnüe rü nüxü̃ perüxoe i ngẽma perü chixexü̃gü. Rü wüxi i perü ãne nixĩ nax pemaxã nüxü̃ chixuxü̃ nax ñuxre i pemax rü tama aixcüma Tupanaxü̃ pecua̱xgüxü̃.

Yeremía 31:26

Rü yexguma ga choma ga Yeremía rü chabaixãchi rü chidauchi. Rü yema chaunegümaxã chataãxẽ.

Ichaía 60:1

¡Íperüdagü, Pa Yerucharéü̃cüã̱xgüx! Erü wena ngóonexü̃wa pengẽxmagü. Rü Tupanaarü pora rü petanüwa nangẽxma.

Ichaía 51:17

¡Peba̱i̱xãchie Pa Yerucharéü̃cüã̱xgüx! ¡Peba̱i̱xãchie rü íperüdagü i pema nax Tupana pemaxã nuxü̃! Rü poraãcü ngúxü̃ pingexü̃ rü ñu̱xma rü pengearü poraã̱x.

Ichaía 51:9

¡Pa Tupanax, paxa nango̱xẽxẽ i curü pora! ¡Rü inawe̱x i curü pora ga yexguma nũxcüma icunawe̱xgurüxü̃! ¿Tama ẽ̱xna cuma yixĩxü̃ ga cunada̱i̱xü̃ ga yema Equítuanecüã̱xgü ga yexguma cuyapayexẽẽgu ga már rü natamawa cuyachoü̃xẽẽgu ga curü duü̃xü̃gü ga Equítuanecüã̱xme̱xẽwa ícunguxü̃xẽxẽxü̃?

Ichaía 33:1

Pa Achíriaanex, wüxi i ngechaü̃ tá nixĩ i cuxca̱x. Cuma rü cunadaiãcu i togü i ĩanegü, natürü taguma togü curü ĩane nadaiãcu. Cuma rü cutogüechitawa̱xe, natürü taguma togü nacuechitawa̱xegü. Natürü nawena nax togüxü̃ cuda̱i̱xü̃ rü cuma rü tá ta cuxü̃ nima̱xgü. Rü nawena nax cutogüechitawa̱xexü̃ rü cuma rü tá ta nacuechitawa̱xegü.

Ichaía 14:2

Rü nüma i Iraétanüxü̃ rü tá ínanayauxü̃ ga yema duü̃xü̃gü ga ü̃paacü ínayauxü̃xü̃. Rü muxü̃ma i ngẽma nachixü̃anecüã̱xgü ga noxri Iraétanüxü̃maxã icua̱xgüxü̃ rü tá Iraétanüxü̃xü̃we narüxĩ rü tá nüxü̃ narüngü̃xẽẽgü nax nachixü̃aneca̱x nawoeguxü̃ca̱x i Iraétanüxü̃. Rü nüma i Iraétanüxü̃ rü ngẽxguma marü nachixü̃ane i Cori ya Tupana nüxna ãgüxü̃wa nangugügu rü tá norü mugüruü̃güxü̃ nayaxĩgüxẽxẽ i ngẽma duü̃xü̃gü ga noxri namaxã icua̱xgüxü̃.

Ãẽ̱xgacügü ga guxchaxü̃güarü mexẽxẽruü̃gü 5:13

Rü narüchoü̃ ga yema Iraétanüxü̃arü ãẽ̱xgacügü rü yema duü̃xü̃gü ga Tupanaarü churaragü ixĩgüxü̃ nax chauxü̃tawa naxĩxü̃ca̱x nax yema uanügü ga iporaexü̃maxã nügü nada̱i̱xü̃ca̱x.

Wiyaegü 57:9

Pa Cori Pa Tupanax, chautanüxü̃pe̱xewa tá cuxü̃ chicua̱xüxü̃. Rü chorü wiyaegümaxã tá cuxü̃ chicua̱xüxü̃ natanüwa i ngẽma togü i nachixü̃anecüã̱x i duü̃xü̃gü.