Ãẽ̱xgacügü ga guxchaxü̃güarü mexẽxẽruü̃gü 5:11 - Tupanaarü Ore

¹¹ ¡Rü yea puchugüwa rü guxü̃ne ya ĩanewa, rü pepaxetagüãcü rü pewiyaegüãcü nüxü̃ pixu nax Cori ya Tupana rü naporamaexü̃, rü Iraétanüxü̃ rü norü uanügüxü̃ naporamaegüxü̃!

Ãẽ̱xgacügü ga guxchaxü̃güarü mexẽxẽruü̃gü 5:11 Referans Kwoze

Miquéa 6:5

¡Pa Chorü Duü̃xü̃güx, nüxna pecua̱xãchie i ngẽma Baláx ga Moáarü ãẽ̱xgacü nagu rüxĩnüxü̃, rü ñu̱xũchi yema norü ngãxü̃ ga Balaáü̃ ga Beúx nane nüxna ãxü̃! Rü yexguma Chitíü̃wa pengugügu nax Guirigáwaama pexĩxü̃ca̱x, rü choma nixĩ ga pora pexna chaxãxü̃ nax nüxü̃ perüporamaegüxü̃ca̱x ga perü uanügü —ñanagürü ya Tupana.

1 Chamué 12:7

Rü pema rü ípemexẽẽgü erü Cori ya Tupanape̱xewa tá pexna nüxü̃ chacua̱xãchixẽxẽ i guxü̃ma i nüma pexca̱x rü perü o̱xigüca̱x naxüxü̃ woo tama aixcüma naga pexĩnüe.

Ãẽ̱xgacügü ga guxchaxü̃güarü mexẽxẽruü̃gü 5:8

Rü yexguma yema Iraétanüxü̃ tomare ga tupanaxü̃ yacua̱xüü̃gügu rü nüma ga Canaáü̃tanüxü̃ rü tórü ĩanearü ĩã̱xgüwa nangugü nax tüxü̃ nada̱i̱xü̃ca̱x. Rü woo 40,000 ga Iraétanüxü̃ ga churaragü tüxü̃́ nayexmagü, natürü natanüwa rü nataxuma ga bai ga wüxi ga poxü̃ruxü̃ rü bai ga wüxi ga wocae.

Auxexü̃chiga 5:9

Rü ngẽxguma chianexü̃gu õnaca̱x tadaugügu rü guxü̃guma ãũcümaxü̃wa tangexmagü.

Auxexü̃chiga 5:4

Rü ñu̱xma yema dexá ga toxrüchire̱x ixĩxü̃ rü ñu̱xma rü naxca̱x tataxegü. Rü yema toxrüchire̱x ixĩgüxü̃ ga nai rü ñu̱xma naxca̱x tataxegü nax torü üxü yixĩxü̃ca̱x.

Yeremía 7:2

—¡Ngẽxma chopata ya taxü̃nearü ĩã̱xgu nachi rü ngéma duü̃xü̃gümaxã nüxü̃ ixu i ñaa ore! “Pa Duü̃xü̃gü i Yudátanüxü̃ i Ñaa ĩã̱xwa Ichocuxü̃ nax Corixü̃ Peyarücua̱xüü̃güxü̃ca̱x, rü dücax, rü iperüxĩnüe i norü ore ya Iraétanüxü̃arü Cori ya Tupana ya Guxü̃étüwa Ngẽxmacü! Rü nüma rü ñanagürü: ‘¡Penamexẽxẽ i perü maxü̃ rü nüxü̃ perüxoe i pecüma i chixexü̃ i chope̱xewa pexügüxü̃! Rü ngẽxguma i choma rü tá nawa pexü̃ chamaxẽxẽxẽ i ñaa naane rü taxũtáma pexü̃ íchawoxü̃.

Ichaía 28:6

Rü nüma ya Tupana rü tá ngẽma guxchaxü̃güarü mexẽẽruü̃güna nanaxã i cua̱x nax tama chixri namexẽẽgüãxü̃ca̱x i duü̃xü̃güarü guxchaxü̃gü. Rü ngẽma churaragü ya ĩane ípoxü̃güxü̃, rü nüma ya Tupana rü tá nüxna nanaxã i pora nax tama namuü̃exü̃ca̱x.

Ichaía 12:3

Rü pema rü tá taãẽãcüma nawa pexaxegü i ngẽma dexá i maxü̃ tüxna naxãxü̃.

Yox 29:7

Rü yexguma ĩanearü ãẽ̱xgacügütücumüwa chaxüxgu, rü nayexma ga chorü tochicaxü̃ i ĩanearü ngutaque̱xechicawa.

Wenaxarü naxümatü ga Tupanaarü mugü 22:24

rü ngẽma yatü rü ngẽma pacü rü tá ĩanearü ãẽ̱xgacügüpe̱xewa nanagagü nax namaxã naxuegugüãxü̃ca̱x nax nutamaxã ínamuxũchigüãxü̃ca̱x nax ngẽmaãcü nayuexü̃ca̱x. Rü ngĩma i ngẽma pacü rü tá ngĩxü̃ nima̱xgü erü ĩanewatama nangẽxmaãcü tama ngü̃xẽẽca̱x íica nax duü̃xü̃gü ngĩétüwa chogügüxü̃ca̱x. Rü nüma i ngẽma yatü rü tá nayu nagagu nax wüxi i pacü i to i yatümaxã ãtechaü̃cümaxã nax namaxü̃xü̃. Rü ngẽmaãcü tá peyanaxoxẽxẽ i ngẽma chixexü̃ i petanüwa ngẽxmaxü̃.

Wiyaegü 145:7

Rü duü̃xü̃gü rü tá cuxü̃ nixuchiga nax ñuxãcü cumecümaxü̃chixü̃. Rü tagaãcü tá nüxü̃ nixugügü nax cuma rü ãẽ̱xgacü i aixcüma mea guxãmaxã icuácü quixĩxü̃.

Naanearü ügüchiga 24:11

Rü nawena ga ñuxre ga ngunexü̃ nax iyaxũxü̃ rü yexguma nachütachaü̃gu rü guma Nacóxarü ĩanepechinüwa nangu naxü̃tawa ga wüxi ga puchu. Rü gumá puchuarü ngaicamagu nanangü̃ẽxẽxẽ ga norü caméyugü. Rü yema ora nixĩ ga ngexü̃gü yéma dexáwa naxĩxü̃.

Naanearü ügüchiga 29:2

Rü yema naanewa nüxü̃ nadau ga wüxi ga puchu. Rü gumá puchuxü̃tagu narüngü̃gü ga tomaepü̱xtücumü ga carnérugü, yerü gumá puchuwa nixĩ ga naxaxegüxü̃xü̃. Rü gumá puchu rü wüxi ga nuta ga tacümaxã narüxüta.

Naanearü ügüchiga 29:3

Rü yexguma yexma naxĩtaque̱xegügu ga carnérugü, rü yema norü dauruü̃gü rü ínanaxügachigüxü̃ ga gumá nuta nax norü carnérugü yaxaxegüxẽẽxü̃ca̱x. Rü ñu̱xũchi wenaxarü nanaxǘtaü̃güxü̃ ga gumá puchu.

Wenaxarü naxümatü ga Tupanaarü mugü 33:21

Rü pema i Gáxtanüxü̃ rü penayaxu i ngẽma naane i rümemaexü̃ ñoma duü̃xü̃güarü ãẽ̱xgacüna ixãxü̃rüxü̃. Rü yexguma nangutaque̱xegügu ga Iraétanüxü̃arü ãẽ̱xgacügü rü pema rü Tupanaga pexĩnüe rü peyangu̱xẽxẽ ga norü mugü rü ucu̱xẽgü ga norü duü̃xü̃güna naxãxü̃ —ñanagürü.

Ãẽ̱xgacügü ga guxchaxü̃güarü mexẽxẽruü̃gü 11:40

Rü yemaca̱x ga Iraétanüxü̃arü pacügü rü guxcü ya taunecügu ãgümücü i ngunexü̃ Yetéxacüca̱x ixauxe.

Wiyaegü 71:15

Rü wüxichigü i ngunexü̃gu rü tá nüxü̃ chixu nax cuma quixĩxü̃ nax toxü̃ cumaxẽxẽxẽxü̃ rü aixcüma toxü̃ curüngü̃xẽxẽxü̃. Rü ngẽma nax namuxũchixü̃ i ngẽma mexü̃gü i cha̱u̱xca̱x cuxüxü̃, rü taxucürüwama chayaxugü.