Ãẽ̱xgacügü ga guxchaxü̃güarü mexẽxẽruü̃gü 4:7 - Tupanaarü Ore

⁷ Rü choma rü tá nüxna chaxĩnü i Chíchara ya Yabíü̃arü churaragüarü ãẽ̱xgacü nax Quichóü̃arü doxonexü̃wa naxũxü̃ca̱x nax ngẽmaãcü norü churaragümaxã rü naweü̃gümaxã cuxca̱x nax íyaxü̃ãchixü̃ca̱x. Natürü i choma ya Cori ya Tupana rü tá cuxü̃́ chanatauxchaxẽxẽ nax cunada̱i̱xü̃ca̱x”, ñanagürü cuxü̃ ya Tupana —ngĩgürügü.

Ãẽ̱xgacügü ga guxchaxü̃güarü mexẽxẽruü̃gü 4:7 Referans Kwoze

Nüxíraxü̃xü̃ ga popera ga ãẽ̱xgacügüchiga 18:40

Rü yexguma ga Ería rü yema duü̃xü̃güxü̃ ñanagürü: —¡Ípenayauxü̃ i guxü̃ma i Baáxarü orearü uruü̃gü rü taxuxü̃táma niña! —ñanagürü. Rü nüma ga duü̃xü̃gü rü ínanayauxü̃. Rü yexguma ga Ería rü natüxacü ga Quichóü̃wa nanagagüxẽxẽ rü yexma nayadaü̃naxã.

1 Chamué 24:18

Rü ñu̱xma rü aixcümaxü̃chi choxü̃ cunawe̱x nax cuma rü naxca̱x cudauxü̃ nax mexü̃ chomaxã cuxüxü̃. Erü nüma ya Cori ya Tupana rü marü cuxme̱xgu choxü̃ nangu̱xẽẽchire̱x, natürü tama choxü̃ quima̱x.

1 Chamué 24:10

Pa Chorü Ãẽ̱xgacüx, ñu̱xmawaxix nixĩ i aixcüma nüxü̃ cucuáxü̃ nax tama cuxü̃ chimáxchaü̃. Rü woo Cori ya Tupana rü cho̱xme̱xgu cuxü̃ nax nangu̱xẽẽchirexü̃ i nua ma̱xpǘnearü ãxmaxü̃wa, natürü i choma rü tama cuxü̃ chiima̱x, Pa Ãẽ̱xgacüx. Erü nagu charüxĩnü nax cuma rü ãẽ̱xgacü quixĩxü̃ erü Cori ya Tupana rü marü ngẽmaca̱x cuxü̃ naxuneta.

Ãẽ̱xgacügü ga guxchaxü̃güarü mexẽxẽruü̃gü 4:14

Rü yexguma ga ngĩma ga Débora rü Baráxü̃ ngĩgürügü: —Ñu̱xmawaxix nixĩ namexü̃ nax Chícharaca̱x quixũxü̃, erü nüma ya Cori ya Tupana rü curü churaragüpe̱xegu tá nixũ, rü tá cuxü̃́ nanatauxchaxẽxẽ nax Chícharaxü̃ curüporamaexü̃ —ngĩgürügü. Rü nüma ga Baráx rü guma ma̱xpǘne ga Tabóxwa nayarüxüe namaxã ga yema 10,000 ga norü churaragü.

Yochué 10:8

Rü nüma ga Cori ya Tupana rü ñanagürü nüxü̃: —¡Taxṹ i nüxü̃ cumuü̃xü̃! Erü choma rü tá cuxme̱xgu chanayixẽxẽ i ngẽma Amoréutanüxü̃. Rü bai tá i wüxi i cuxü̃ rüporamaexü̃ —ñanagürü.

Yochué 8:7

Rü ngẽxguma i pema rü tá peyayi i ngẽma ípicu̱xgüxü̃wa rü yima ĩanegu tá pichocu, erü Cori ya tórü Tupana rü pexme̱xgu tá nananguxẽxẽ ya yima ĩane.

Ínachoxü̃xü̃chiga 21:13

Natürü ngẽxguma texé wüxíexü̃ ima̱xcüraxü̃gu rü woetama Tupana ngẽmaãcü tümamaxã nanaxuegu nax ngẽmaãcü tayuxü̃ca̱x, rü tá cumaxã nüxü̃ chixu nax ngextá tá yanacúxü̃ nax tama yama̱xgüãxü̃ca̱x.

Ínachoxü̃xü̃chiga 14:4

Natürü i choma rü tá Faraóü̃xü̃ íchanataiãchiarü maxü̃ã̱xẽxẽ rü nüma rü tá pewe nangẽ. Rü ngẽxguma i choma rü Faraóü̃pe̱xewa rü guxü̃ma i norü churaragüpe̱xewa tá ichanawe̱x i chorü pora nax ngẽmaãcü nüxü̃ yacua̱xãchitanüxü̃ca̱x i ngẽma Equítuanecüã̱xgü nax choma rü aixcüma Cori ya Tupana chixĩxü̃ —ñanagürü.

Yochué 11:20

Rü nüma ga Cori ya Tupana rü nananuexẽxẽ ga yema uanügü nax Iraétanüxü̃maxã nügü nada̱i̱xü̃ca̱x. Rü yemaca̱x Iraétanüxü̃axü̃́ nanatauxchaxẽxẽ nax nadaiaxü̃ca̱x ga guxü̃ma ga yema duü̃xü̃gü rü taxuxü̃ma nüxü̃́ ngechaxü̃tümüxü̃güxü̃ yerü yemaacü nixĩ ga Cori ya Tupana ga Moichémaxã nüxü̃ yaxuxü̃.

Yochué 11:6

Natürü nüma ga Cori ya Tupana rü ñanagürü Yochuéxü̃: —¡Taxṹ i nüxü̃ cumuü̃xü̃ erü choma rü tá cuxü̃ charüngü̃xẽxẽ! Erü moxü̃arü ngunexü̃ i ñaatama oragu rü cuxme̱xgu tá chanayixẽxẽ rü guxü̃xü̃táma cudai. ¡Rü ngẽma norü cowarugü rü inapoepara, rü yima naweü̃gü ya daiwa namaxã naxĩxü̃ne rü ínagu! —ñanagürü.

Ãẽ̱xgacügü ga guxchaxü̃güarü mexẽxẽruü̃gü 4:8

Rü nüma ga Baráx nanangãxü̃ga rü ñanagürü ngĩxü̃: —Ngéma tá chaxũ ega cuma rü ta ngéma cuxũxgu. Natürü ngẽxguma tama ngéma cuxũxgu i cumax, rü taxũtáma ngéma chaxũ —ñanagürü ngĩxü̃.

Ínachoxü̃xü̃chiga 14:8

Rü nüma ga Tupana rü Faraóü̃xü̃ ínanataiãchiarü maxü̃ã̱xẽxẽ, rü yemaca̱x tama inaxĩnüchaü̃ rü Iraétanüxü̃we nangeama woo nüma ga Faraóü̃ nüxü̃ nax nadauxü̃ ga ñuxãcü Tupanaarü poramaxã ínachoxü̃xü̃ ga Iraétanüxü̃.

Ínachoxü̃xü̃chiga 14:17

Rü choma rü tá Faraóü̃xü̃ íchanataiãchiarü maxü̃ã̱xẽxẽ nax tama pega naxĩnüexü̃ca̱x i ngẽma Equítuanecüã̱xgü rü pewe yangexü̃tanüxü̃ca̱x. Rü ngẽmaãcü tá chanango̱xẽxẽ i chorü pora. Rü pema tá nüxü̃ pedau i ngẽma namaxã ngupetüxü̃ i Faraóü̃, rü guxü̃ma i norü churaragü i nacutügu ĩmarexü̃, rü ngẽma norü churaragü i cowaruétügu ĩxü̃, rü ngẽma norü churaragü i cowaru itúgüxü̃ i carugu ĩxü̃.