Ãẽ̱xgacügü ga guxchaxü̃güarü mexẽxẽruü̃gü 4:6 - Tupanaarü Ore

⁶ Rü wüxi ga ngunexü̃ ga Débora rü naxca̱x ingema ga wüxi ga yatü ga Baráxgu ãégacü ga Abinuáü̃ nane ixĩcü. Rü nüma ga Baráx rü naxãchiü̃ nagu ga wüxi ga ĩane ga Quédexgu ãégane ga Netaríanewa yexmane. Rü ngĩgürügü nüxü̃: —Cori ya Iraétanüxü̃arü Tupana rü cuxü̃ namu rü ñanagürü cuxü̃: “¡Rü Netarítanüxü̃wa rü Chaburóü̃tanüxü̃wa nade i 10,000 i yatügü, rü yima ma̱xpǘne ya Tabóxgu nangutaque̱xexẽxẽ!

Ãẽ̱xgacügü ga guxchaxü̃güarü mexẽxẽruü̃gü 4:6 Referans Kwoze

Popera ga Yudíugü ga yaxõgüxü̃ca̱x ümatüxü̃ 11:32

¿Rü ñu̱xma rü ta̱xacü i togü i duü̃xü̃güchigaxü̃ tá pemaxã chixuxü̃? Rü changechica nax pemaxã nüxü̃ chixuxü̃ca̱x i nachiga ga yema nũxcümaü̃güxü̃ ga ãẽ̱xgacügü ga Yedeóü̃ rü Baráx rü Chanchóü̃ rü Yeté rü Dabí rü Chamué, rü guxü̃ma ga yema nũxcümaü̃güxü̃ ga Tupanaarü orearü uruü̃gü.

Ngechuchuarü ngúexü̃gü ga yamugüxü̃arü puracüchiga 13:47

Yerü yemaacü toxü̃ namu ga Cori, rü ñanagürü: “Duü̃xü̃gü i tama Yudíugü ixĩgüxü̃arü nangóonexẽẽruxü̃ marü cuxü̃ chixĩxẽxẽ, nax guxü̃wama i ñoma i naanewa cunangexü̃ca̱x i chorü ore i maxẽxẽẽruxü̃”, —ñanagürü.

Ãẽ̱xgacügü ga guxchaxü̃güarü mexẽxẽruü̃gü 8:18

Rü ñu̱xũchi nüma ga Yedeóü̃ rü Zébana rü Salmunána naca, rü ñanagürü: —¿Nañu̱xgüraü̃xü̃ ga yema yatügü ga Tabóxgu pedaixü̃? —ñanagürü. Rü nümagü rü Yedeóü̃xü̃ nangãxü̃gü rü ñanagürügü: —Yema yatügü rü nanacuraxü̃güraxü̃, rü nanaxãẽ̱xgacügüraxü̃ ga wüxichigü —ñanagürügü.

Ochéa 5:1

Rü Cori ya Tupana rü ñanagürü ta: —¡Choxǘ iperüxĩnüe, Pa Chacherdótegüx! ¡Rü choxü̃́ iperüxĩnüe, Pa Iraéanecüã̱xgüx! ¡Rü choxü̃́ iperüxĩnüe Pa Ãẽ̱xgacügütanüxü̃ i Iraéanemaxã Icua̱xgüxü̃! Choma rü tá pexü̃ chapoxcue erü peyawomüxẽẽgü i chorü duü̃xü̃gü, rü yexeraãcü chixexü̃gu penayixẽxẽ i ngẽma Iraéanecüã̱xgü. Rü pemax, rü penamu nax yima ngutaque̱xepataü̃gü ya Mispáwa rü Tabóxwa ngẽxmagünewa tupananetagüxü̃ yacua̱xüü̃güxü̃.

Yeremía 46:18

Rü choma ya ãẽ̱xgacü ya Cori ya Tupana ya Guxãétüwa Ngẽxmacü rü chauégagu ichaxuneta rü ñachagürü: “Ngẽma uanü i tá pexca̱x íyaxüãchixü̃ rü ñoma ma̱xpǘne ya Tabóx ya naigü ya ma̱xpǘnexü̃ rümáchanemaenerüxü̃ tá nixĩ. Rü ñoma ma̱xpǘne ya Carméru i márpechinüwa máchanenerüxü̃ tá nixĩ i ngẽma uanü i tá pexca̱x ínguxü̃.

Wiyaegü 89:12

Rü cuma nixĩ i cunango̱xẽẽxü̃ i nórte rü súr. Rü yima ma̱xpǘnegü ya Tabóx rü Ermóü̃ rü ngẽma cuéga taãẽãcü nagu nicagüxü̃.

Wiyaegü 7:6

Pa Corix ¡curü numaxã inachi rü chauétüwa nachogü, rü nadai i ngẽma chorü uanügü i choxü̃ ima̱xgüchaü̃xü̃! ¡Rü napoxcue i ngẽma duü̃xü̃gü i chixexü̃ ügüxü̃! ¡Rü chauétüwa nachogü!

1 Chamué 10:3

Rü ngéma nax cuxüpetüxü̃ rü ngẽxguma Tabóxarü castaña íngẽxmaxü̃wa cunguxgu, rü ngẽxma tá cuxü̃ nangaugü i tomaepü̱x ya yatü i ĩane i Betéwa ĩxü̃ nax Tupanaxü̃ yanacua̱xüü̃güxü̃ca̱x. Rü ngẽma wüxi rü tomaepü̱x i chíbu niga, rü ngẽma to rü tomaepü̱x i paũ ninge, rü ngẽma to rü wüxipüxü̃ ya bínu ninge.

Ãẽ̱xgacügü ga guxchaxü̃güarü mexẽxẽruü̃gü 5:1

Rü yema ga ngunexü̃gu ngĩma ga Débora rü Baráx ga Abinuáü̃ nane rü ñaãcü nawiyaegü:

Ãẽ̱xgacügü ga guxchaxü̃güarü mexẽxẽruü̃gü 4:10

Rü yexguma Quédexwa nangugügu, rü nüma ga Baráx rü naxca̱x nangema ga Chaburóü̃tanüxü̃ rü Netarítanüxü̃ ga yatügü nax churarawa naxĩxü̃ca̱x. Rü yemaacü nananutaque̱xe ga 10,000 ga yatügü. Rü Débora rü íiyaxümücü.

Yochué 21:32

Rü Netarítanüxü̃arü ĩanetanüwa rü tomaepü̱x ga ĩanegü nixĩ ga nüxna naxãgüne noxrütama wocachitaü̃gümaxãchigü. Rü guma ĩanegü rü daagü nixĩ: Quédex ga ĩane ga cu̱xchicaruxü̃ ixĩxü̃ne ga Gariréaanewa yexmane, rü ñu̱xũchi Amó-dox, rü Catáü̃.

Yochué 19:32

Yema norü 6 ga naane ga sortéuãcü iyanuxü̃ rü Netarítücumüarü duü̃xü̃güna naxǘ.

Yochué 1:9

Rü choma nixĩ i cuxü̃ chamuxü̃ nax cugü cuporaxẽẽxü̃ca̱x Rü tama name i cumuü̃xü̃ rü icuyarümaãchi, erü choma ya curü Cori ya Tupana rü tá cuxü̃tawa changexma i ngextá cuma ícuxũxü̃wa —ñanagürü ga Tupana.

Yochué 19:22

Rü yema Ichacátücumüarü üyeane rü Tabóxwa rü Chaachimáwa rü Bex-cheméwa nangu. Rü natü ga Yudáü̃cutügu nayacua̱x. Rü guxü̃wama rü 16 ga ĩanegü nüxü̃́ nayexma rü naétü ga norü ĩanexacügü.

Ãẽ̱xgacügü ga guxchaxü̃güarü mexẽxẽruü̃gü 6:35

Rü ñu̱xũchi duü̃xü̃güxü̃ namu nax Manachétücumüca̱x yacagüexü̃ca̱x nax nüxü̃ nangü̃xẽẽgüxü̃ca̱x. Rü yexgumarüxü̃ ta duü̃xü̃güxü̃ namu nax Achétücumü rü Chaburóü̃tücumü rü Netarítücumüca̱x yacagüexü̃ca̱x. Rü nümagü rü yéma naxĩ rü yexma naxĩtaque̱xe.

1 Chamué 12:11

Rü yemaca̱x ga Tupana rü Yerubaáxü̃ rü Baráxü̃ rü Yetéxü̃ rü Chamuéxü̃ yéma namu nax perü uanügüme̱xẽwa pexü̃ ínanguxü̃xẽẽxü̃ca̱x. Rü ngẽmaca̱x nixĩ i ñu̱xma rü taãẽwa pengẽxmagüxü̃.

Yochué 19:35

Rü ĩanegü ga ípoxegugüne ga nüxna ügünegütanüwa nayexma ga Chidíü̃, rü Chéx rü Amá rü Racáx rü Quinérex, rü Adamá, rü Ramá, rü Achóx, rü Quédex, rü Edréi, rü En-achóx, rü Iróü̃, rü Midáx-éx, rü Oréü̃, rü Bex-anáx, rü Bex-chemé. Rü guxü̃wama rü 19 ga ĩanegü nixĩ rü naétü ga norü ĩanexacügü.

Wiyaegü 89:13

Rü yima cuchacüxü rü naporaxüchi. Rü yima curü tügünechacüxü rü napora rü yimamaxã nüxü̃ curüporamae i ngẽma cumaxã rüxuanügüxü̃.