Ãẽ̱xgacügü ga guxchaxü̃güarü mexẽxẽruü̃gü 4:5 - Tupanaarü Ore

⁵ Rü ngĩma ga Débora rü wüxi ga cucutüü̃wa irütooxü̃, rü yemaca̱x ga yema cucu rü Déboraarü cucu nixĩ ga naéga. Rü yema cucu rü Efraíü̃anearü ma̱xpǘneanewa nayexma ga ĩanegü ga Ramá rü Betéarü ngãxü̃machate̱xewa. Rü yéma nixĩ ga ngĩxca̱x naxĩĩxü̃́xü̃ ga Iraétanüxü̃ nax norü guxchaxü̃gü namexẽẽgüxü̃ca̱x.

Ãẽ̱xgacügü ga guxchaxü̃güarü mexẽxẽruü̃gü 4:5 Referans Kwoze

Yeremía 31:15

Rü nüma ya Cori ya Tupana rü ñanagürü: —Ĩane ya Ramáwa nüxü̃ taxĩnüe nax poraãcü naxauxexü̃ i duü̃xü̃gü. Rü ngẽma rü Raquétanüxü̃ nixĩ i naxacügüca̱x auxexü̃ erü marü nayue i nanegü rü naxacügü. Rü ngẽmaca̱x i ngẽma Raquétanüxü̃ rü tama nanaxwa̱xe nax texé nataãẽxẽẽgüxü̃.

1 Chamué 1:1

Efraíü̃arü ma̱xpǘneanewa nayexma ga wüxi ga nachica ga Ramágu ãégaxü̃. Rü yexma naxãpata ga wüxi ga yatü ga Chúxtanüxü̃ ixĩcü ga Ercanágu ãégacü. Rü nüma ga Ercaná rü Yeruáü̃ nane nixĩ, rü Eriútaxa nixĩ. Rü norü o̱xinatü nixĩ ga Tóu. Rü nüma ga Tóu rü Chúx ga Efraíü̃tanüxü̃ ixĩcü nane nixĩ.

Yochué 18:25

Rü naétü nüxna naxǘ ga daa ĩanegü: Gabaóü̃, rü Ramá, rü Beerúx, rü Mispá, rü Quefirá rü Mochá, rü Requéü̃, rü Ipeé, rü Tarará, rü Cherá, rü Érex, rü Yebú (Rü to ga naéga rü Yerucharéü̃ nixĩ), rü Guibeá, rü Quiriáx. Rü guxü̃wama rü 14 ga ĩanegü nixĩ rü naétü ga norü ĩanexacügü. Rü yema nixĩ ga yema naane ga Bẽyamíü̃tücumüna üxü̃ naxẽ̱xpü̱x nax ñuxre yixĩxü̃ ga natanüxü̃.

Yochué 16:2

Rü Beté rü to ga naéga rü Lúx nixĩ. Rü guma ĩanewa rü inida rü Arquítanüxü̃arü naanewa nadapetü ñu̱xmata Atarúwa nangu. Rü yéma rü oéstewaama nada. Rü Yapéxtanüxü̃arü naanewa narüdae ñu̱xmata Bex-oróü̃wa nangu. Rü yéma rü nadapetü ñu̱xmata Guéchewa nangu. Rü yéma rü inida ñu̱xmata Már Mediteráneugu nayacua̱x ga yema üyeane.

Ínachoxü̃xü̃chiga 18:26

Rü yemagü nixĩ ga guxü̃guma duü̃xü̃güaxü̃́ namexẽẽxü̃ ga norü guxchaxü̃gü. Rü yema guxchaxü̃gü ga guxchaxüchixü̃ rü Moichéme̱xẽwa nanangegü, natürü yema guxchaxü̃gü ga tauxchaxü̃ rü nümagütama nanamexẽẽgü.

Ínachoxü̃xü̃chiga 18:19

¡Dücax, irüxĩnü i ñaa chorü ucu̱xẽ i tá cumaxã nüxü̃ chixuxü̃, rü Tupana cuxü̃ rüngü̃xẽxẽ! ¡Rü cuma rü Tupanape̱xewa nüxü̃ ixu i ngẽma duü̃xü̃güarü guxchaxü̃gü!

Ínachoxü̃xü̃chiga 18:13

Rü nawena ga yema ngunexü̃ rü nüma ga Moiché rü ínarüto nax yemaacü naxĩnüxü̃ca̱x rü namexẽẽãxü̃ca̱x ga yema Iraétanüxü̃arü guxchaxü̃gü. Rü yema duü̃xü̃gü rü guxü̃ma ga ngunexü̃ yexma Moichépe̱xegu nachigüecha nax Moichémaxã nüxü̃ yaxugüxü̃ca̱x ga norü guxchaxü̃ ñu̱xmata nachüta.

Naanearü ügüchiga 35:8

Rü yema nachicagu ta nixĩ ga nayuxü̃ ga Débora ga Rebécaarü dauruxü̃, rü nai ga taxü̃ ga Betéarü ngaicamawa yexmaxü̃tüü̃gu ngĩxü̃ nata̱xgü. Rü yemaca̱x ga Acóbu rü yema nachica rü Nai i Taxü̃gu nanaxüéga.

1 Chamué 25:1

Rü nüma ga Chamué rü nayu. Rü yexguma nayu̱xgu rü guxü̃ma ga Iraéanecüã̱xgü rü naxĩtaque̱xe rü naxauxe. Rü napatagu nanata̱xgü ga ĩane ga Ramáwa. Rü yemawena ga Dabí rü yema chianexü̃ ga Paráü̃wa naxũ.

1 Chamué 1:19

Rü moxü̃ãcü ga ngunetüü̃ ga Tupanapatawa nax naxĩxü̃ nax nüxü̃ yanacua̱xüü̃güxü̃ca̱x, rü yemawena rü napataca̱x nawoegu ga ĩane ga Ramáwa. Rü nüma ga Ercaná rü naxma̱x ga Ánaxü̃ nape. Rü nüma ga Tupana rü nanangãxü̃ ga ngĩrü yumüxẽ.

Ãẽ̱xgacügü ga guxchaxü̃güarü mexẽxẽruü̃gü 4:4

Rü yexgumaxü̃cüü rü wüxi ga nge ga Déboragu ãégacü iyixĩ ga Iraétanüxü̃maxã icua̱xcü. Rü ngĩma rü Tupanaarü orearü uruxü̃ iyixĩ rü Lapidóx nixĩ ga ngĩte.

1 Chamué 22:6

Rü yexguma ga Chaú rü Guibeáwa nayexma. Rü guma maxü̃newa rüxüxü̃ ga pamatüxü̃wa narüto. Rü norü wocae rü nanange, rü guxü̃ma ga norü churaragüerugü rü nüxü̃ ínachimaeguãchi. Rü yexguma nüxü̃ nacua̱xgu nax ngextá nayexmagüxü̃ ga Dabí namaxã ga yema yatügü ga naxümücügüxü̃, rü nüma ga Chaú rü ñanagürü nüxü̃ ga norü churaragüerugü ga nüxü̃ íchimaeguãchixü̃: —Pa Yatügü i Bẽyamíü̃tanüxü̃x, ¡choxü̃ iperüxĩnüe! ¿Ẽ̱xna pema nüxü̃ pecua̱xgu rü Ichaxí nane i Dabí rü tá guxãna nanaxã i perü naanegü rü perü úbanecügu, rü tá pexü̃ naxuneta ya guxãma i pema nax norü churaragüeru pixĩgüxü̃ca̱x?

1 Chamué 7:17

Rü ñu̱xũchi norü ĩane ga Ramáca̱x nataeguü̃xü̃, yerü yexma nixĩ ga naxãchiü̃xü̃. Rü yéma nixĩ ga Iraéanecüã̱xgümaxã inacuáxü̃. Rü yexma nanaxü ga Cori ya Tupanaarü ãmarearü guruxü̃ ga nawa naxü̃nagü ínaguxü̃.