Ãẽ̱xgacügü ga guxchaxü̃güarü mexẽxẽruü̃gü 4:4 - Tupanaarü Ore

⁴ Rü yexgumaxü̃cüü rü wüxi ga nge ga Déboragu ãégacü iyixĩ ga Iraétanüxü̃maxã icua̱xcü. Rü ngĩma rü Tupanaarü orearü uruxü̃ iyixĩ rü Lapidóx nixĩ ga ngĩte.

Ãẽ̱xgacügü ga guxchaxü̃güarü mexẽxẽruü̃gü 4:4 Referans Kwoze

Ore i mexü̃ ga Luca ümatüxü̃ 2:36

Rü yéma ta iyexma ga wüxi ga ngecü ga Tupanaarü orearü uruxü̃. Rü Ána nixĩ ga ngĩéga. Rü Penuéxacü iyixĩ, rü Achétücumüwa ixü. Rü marü yaxguã̱xü̃chi iyixĩ. Rü yexguma napaxüchigutama ixãte. Natürü 7 ga taunecüguxicatama ngĩtexü̃tawa iyexma, yerü nayu ga ngĩte.

Norü taxre ga popera ga ãẽ̱xgacügüchiga 22:14

Rü nüma ga Irichía, rü Aicáü̃, rü Abúru, rü Chapáü̃, rü Achaía rü ngĩxü̃tawa naxĩ ga yema orearü uruxü̃ ga Úda ga Charúü̃ naxma̱x. Rü nüma ga Charúü̃ rü Tibá nane nixĩ rü Arátaxa nixĩ. Rü nüma ga Ará rü chacherdótegüchiruarü dauruxü̃ nixĩ. Rü ngĩma ga Úda rü Yerucharéü̃wa yema yexwaca̱xü̃ ga ĩanegu ĩ̱xãchiü̃.

Ínachoxü̃xü̃chiga 15:20

Rü yexguma ngĩma ga María ga Aróü̃eya̱x ga Tupana ngĩmaxã idexacü rü inayaxu ga wüxi ga panderu rü ipaxeta rü iwiyae. Rü yexgumarüxü̃ ta ga yema naigü ga ngecügü rü inapaxgü ga panderugü rü íyaxü̃ãchitanüxü̃.

Gálatas 3:28

Rü ñu̱xma rü Tupanape̱xewa rü nüetama nixĩ ega woo Yudíugü pixĩgügu rü ẽ̱xna tama. Rü nüetama ega woo wüxi i coriarü duü̃xü̃gü pixĩgügu rü ẽ̱xna taxúearü duü̃xü̃gü pixĩgügu. Rü nüetama ega woo piyatügu rü ẽ̱xna pingexgu. Erü ñu̱xma nax Ngechuchu ya Cristuarü duü̃xü̃gü nax pixĩgüxü̃, rü wüxitama i duü̃xü̃ pixĩgü i guxãma i pemax.

1 Corintios 11:5

Natürü ngẽxguma chi wüxi i ngecü ngutaque̱xewa yumüxẽgu rü ẽ̱xna Tupanaarü orexü̃ yaxuxgu, rü chi tama ngĩgü natüerugu, rü ngẽma rü wüxi i chixexü̃ nixĩ i ngĩtepe̱xewa naxüxü̃. Rü ñoma ngĩgü yadüeruxü̃rüxü̃ iyixĩ.

Ngechuchuarü ngúexü̃gü ga yamugüxü̃arü puracüchiga 21:9

Rü nüma nüxü̃́ iyexma ga ãgümücü ga naxacügü ga taguma ixãtecü ga Tupanaarü orexü̃ ixugüecü.

Miquéa 6:4

Rü choma nixĩ ga Equítuanewa pexü̃ íchagaxü̃xü̃ rü yema duü̃xü̃güme̱xẽwa pexü̃ íchanguxü̃xẽẽxü̃. Rü choma nixĩ ga petanüwa chamugüxü̃ ga Moiché, rü Aróü̃, rü María nax pemaxã inacua̱xgüxü̃ca̱x.

Neemía 6:14

Pa Chorü Tupanax, ¡taxṹ i cunangupetüxẽxẽmarexü̃ ga yema chixexü̃ ga naxügüxü̃ ga Chambaráx rü Tobía! ¡Rü ngẽxgumarüxü̃ ta taxṹ i cunangupetüxẽxẽmarexü̃ i ngĩrü chixexü̃ i ngẽma orearü uruü̃neta i Noadía, rü ñu̱xũchi ngẽma togü i orearü uruü̃güneta i choxü̃ muü̃xẽxẽgüchaü̃xü̃!

Ãẽ̱xgacügü ga guxchaxü̃güarü mexẽxẽruü̃gü 4:3

Rü nüma ga Yabíü̃ rü nüxü̃́ nayexma ga 900 ga daiwexü̃ ga fierunaxca̱x ga cowaru itúgüne. Rü 20 ga taunecü poraãcü chixri Iraétanüxü̃maxã inacua̱x. Rü yemaca̱x ga yema Iraétanüxü̃ rü düxwa Cori ya Tupanaarü ngü̃xẽẽca̱x ínacagüe.

Ãẽ̱xgacügü ga guxchaxü̃güarü mexẽxẽruü̃gü 4:5

Rü ngĩma ga Débora rü wüxi ga cucutüü̃wa irütooxü̃, rü yemaca̱x ga yema cucu rü Déboraarü cucu nixĩ ga naéga. Rü yema cucu rü Efraíü̃anearü ma̱xpǘneanewa nayexma ga ĩanegü ga Ramá rü Betéarü ngãxü̃machate̱xewa. Rü yéma nixĩ ga ngĩxca̱x naxĩĩxü̃́xü̃ ga Iraétanüxü̃ nax norü guxchaxü̃gü namexẽẽgüxü̃ca̱x.

Echequié 13:17

Rü nüma ga Cori ya Tupana rü ñanagürü choxü̃: —Rü ñu̱xma, Pa Yatüx, ¡natanüwa naxũ i ngẽma curü ĩanecüã̱x i ngexü̃gü i chauégagu nüxü̃ ixugüxü̃ i ore i nügüxãẽwatama nayauxgüxü̃ nax ta̱xacü tá ngupetüxü̃!

Ãẽ̱xgacügü ga guxchaxü̃güarü mexẽxẽruü̃gü 5:1

Rü yema ga ngunexü̃gu ngĩma ga Débora rü Baráx ga Abinuáü̃ nane rü ñaãcü nawiyaegü: