Ãẽ̱xgacügü ga guxchaxü̃güarü mexẽxẽruü̃gü 4:3 - Tupanaarü Ore

³ Rü nüma ga Yabíü̃ rü nüxü̃́ nayexma ga 900 ga daiwexü̃ ga fierunaxca̱x ga cowaru itúgüne. Rü 20 ga taunecü poraãcü chixri Iraétanüxü̃maxã inacua̱x. Rü yemaca̱x ga yema Iraétanüxü̃ rü düxwa Cori ya Tupanaarü ngü̃xẽẽca̱x ínacagüe.

Ãẽ̱xgacügü ga guxchaxü̃güarü mexẽxẽruü̃gü 4:3 Referans Kwoze

Ãẽ̱xgacügü ga guxchaxü̃güarü mexẽxẽruü̃gü 1:19

Rü Cori ya Tupanaarü ngü̃xẽẽmaxã nüma ga Yudátanüxü̃ nayapugü ga yema máxpü̱xanexü̃. Natürü taxucürüwa nayapugü ga yema doxonexü̃, yerü yema duü̃xü̃gü ga yéma maxẽxü̃ rü nüxü̃́ nayexmagü ga carugü ga fierunaxca̱x ixĩgüne.

Wiyaegü 106:42

Rü yema norü uanügü rü nüxü̃ narüporamae rü chixri namaxã inacua̱xgü.

Wiyaegü 78:34

Rü yexguma Tupana napoxcueguama ga yema duü̃xü̃gü rü yexgumama poraãcü naxca̱x nadaugü rü naxca̱x nawoegu. Rü nüxna nacua̱xãchie ya yimá Tupana ya Guxü̃étüwa Ngẽxmacü ga norü dauruxü̃ rü norü poxü̃ruxü̃ ixĩcü.

Wiyaegü 50:15

¡Rü cha̱u̱xca̱x peca ega ngẽxguma guxchaxü̃ pexü̃ ngupetügu! Rü choma rü tá pexü̃ íchapoxü̃ rü pema rü tá choxü̃ picua̱xüü̃gü —ñanagürü ya Tupana.

1 Chamué 7:8

Rü Chamuéxü̃ ñanagürügü: —¡Taxṹ i nüxü̃ curüchauxü̃ nax tórü Cori ya Tupanamaxã quidexaxü̃ nax naxme̱xwa tüxü̃ ínanguxü̃xẽẽxü̃ca̱x i ngẽma Firitéugü! —ñanagürügü.

Ãẽ̱xgacügü ga guxchaxü̃güarü mexẽxẽruü̃gü 10:16

Rü nüma ga Iraétanüxü̃ rü nüxna nixĩgachi ga yema togü ga nachixü̃anegüarü tupananetagü rü wenaxarü Cori ga Tupanaxü̃ nicua̱xüü̃gü. Rü nüma ga Cori ya Tupana rü marü tama yáxna namaxã naxĩnü nax poraãcü ngúxü̃ yangegüxü̃ ga Iraétanüxü̃, rü wenaxarü nüxü̃ narüngü̃xẽxẽ.

Ãẽ̱xgacügü ga guxchaxü̃güarü mexẽxẽruü̃gü 5:8

Rü yexguma yema Iraétanüxü̃ tomare ga tupanaxü̃ yacua̱xüü̃gügu rü nüma ga Canaáü̃tanüxü̃ rü tórü ĩanearü ĩã̱xgüwa nangugü nax tüxü̃ nada̱i̱xü̃ca̱x. Rü woo 40,000 ga Iraétanüxü̃ ga churaragü tüxü̃́ nayexmagü, natürü natanüwa rü nataxuma ga bai ga wüxi ga poxü̃ruxü̃ rü bai ga wüxi ga wocae.

Yochué 17:16

Rü yexguma ga nümagü rü ñanagürügü: —Aixcüma nixĩ i tama nagu imexü̃ i ñaa torü naane i máxpü̱xanexü̃. Natürü ngẽma Canaáü̃cüã̱xgü i ngẽma ínadoxonexü̃wa maxẽxü̃ rü nüxü̃́ nangẽxma ya carugü ya fierunaxca̱x. Rü ngẽxgumarüxü̃ ta i ngẽma duü̃xü̃gü i Bex-cheáü̃wa rü norü ĩanexacügüwa rü Yereéarü doxonexü̃wa maxẽxü̃ rü nüxü̃́ nangẽxma ya carugü ya fierunaxca̱x —ñanagürügü.

Wenaxarü naxümatü ga Tupanaarü mugü 28:33

Rü ngẽma curü naanegu cutoxü̃ i cunetüarü o i curü puracüwa ne ũxü̃, rü duü̃xü̃gü i ü̃paacü taguma nüxü̃ cucuáxü̃ tá nüxchiama nanangõ̱xgü. Rü ngẽmaãcü guxü̃gutáma chixri cumaxã inacua̱xgü rü chixri cumaxã nachopetü.

Wenaxarü naxümatü ga Tupanaarü mugü 28:29

Rü ñoma duü̃xü̃ i ngexetüxü̃ i nuxica rü puxü̃rüxü̃ tá pixĩgü. Rü guxü̃ma i perü puracü i pexüxü̃wa rü taxũtáma mea pexü̃́ ínanguxuchi. Rü guxü̃gutáma togü pemaxã inacua̱x rü tá pexü̃́ nangĩ̱x rü taxúetama pexü̃ tarüngü̃xẽxẽ.

Ãẽ̱xgacügü ga guxchaxü̃güarü mexẽxẽruü̃gü 4:4

Rü yexgumaxü̃cüü rü wüxi ga nge ga Déboragu ãégacü iyixĩ ga Iraétanüxü̃maxã icua̱xcü. Rü ngĩma rü Tupanaarü orearü uruxü̃ iyixĩ rü Lapidóx nixĩ ga ngĩte.

Ínachoxü̃xü̃chiga 2:23

Rü yexgumayane ga Equítuanecüã̱xarü ãẽ̱xgacü rü yoxni nayu. Natürü ga yema Iraétanüxü̃ rü guxchaxü̃wa nayexmagüecha, rü Tupanape̱xewa naxauxe naxca̱x ga yema ngúxü̃ nax yangegüxü̃. Rü yemaca̱x ga Tupana rü nüxü̃́ nüxü̃ naxĩnü ga norü axu, yerü nüxna nacua̱xãchi ga norü uneta ga Abraáü̃maxã rü Ichaámaxã rü Acóbumaxã naxueguxü̃.

Ãẽ̱xgacügü ga guxchaxü̃güarü mexẽxẽruü̃gü 6:6

Rü yemaacü ga yema Madiáü̃tanüxü̃gagu ga Iraétanüxü̃ rü taxü̃ ga guxchaxü̃wa nayexmagü. Rü düxwa Cori ya Tupanaarü ngü̃xẽẽca̱x ínacagü.

Ãẽ̱xgacügü ga guxchaxü̃güarü mexẽxẽruü̃gü 10:10

Rü yexguma ga Iraétanüxü̃ rü Cori ya Tupanana ngü̃xẽẽca̱x nacagüe rü ñanagürügü: —Pa Tórü Tupanax, cupe̱xewa chixexü̃ taxügü rü cuxna tixĩgachi nax nüxü̃ ticua̱xüü̃güxü̃ca̱x i ngẽma tupananetagümare —ñanagürügü.