Ãẽ̱xgacügü ga guxchaxü̃güarü mexẽxẽruü̃gü 4:12 - Tupanaarü Ore

^12-13 Rü yexguma Chíchara nüxü̃ cua̱xgu ga Baráx rü ma̱xpǘne ga Tabóxwa nax naxũxü̃, rü nüma ga Chíchara rü nananutaque̱xe ga guxü̃ma ga norü churaragü rü gumá 900 ga carugü ga fierunaxca̱x. Rü gumágümaxã Aróche-goíü̃wa inaxũãchi rü ñu̱xmata doxonexü̃ ga Quichóü̃wa nangugü.

Ãẽ̱xgacügü ga guxchaxü̃güarü mexẽxẽruü̃gü 4:12 Referans Kwoze

Yeremía 46:18

Rü choma ya ãẽ̱xgacü ya Cori ya Tupana ya Guxãétüwa Ngẽxmacü rü chauégagu ichaxuneta rü ñachagürü: “Ngẽma uanü i tá pexca̱x íyaxüãchixü̃ rü ñoma ma̱xpǘne ya Tabóx ya naigü ya ma̱xpǘnexü̃ rümáchanemaenerüxü̃ tá nixĩ. Rü ñoma ma̱xpǘne ya Carméru i márpechinüwa máchanenerüxü̃ tá nixĩ i ngẽma uanü i tá pexca̱x ínguxü̃.

Wiyaegü 89:12

Rü cuma nixĩ i cunango̱xẽẽxü̃ i nórte rü súr. Rü yima ma̱xpǘnegü ya Tabóx rü Ermóü̃ rü ngẽma cuéga taãẽãcü nagu nicagüxü̃.

Yochué 19:34

Rü yema norü üyeane ga oéstewaama rü Achóx-tabóxwa nada. Rü yéma rü Ucóxwaama nada. Rü yemaacü ga Netaríarü naane rü norü súrcüwawaama rü Chaburóü̃tanüxü̃arü naanemaxã nixüye. Rü oéstewaama rü Achétanüxü̃anemaxã nixüye. Rü norü éstewaama ga yema Netaríarü naane rü natü ga Yudáü̃wa nangu.

Yochué 19:12

Rü yema norü üyeane rü Charíxarü éstewaama nada ñu̱xmata Quiróx-tabóxwa nangu. Rü yéma rü nadapetü rü Daberáxwa nangu. Rü yéma ínadaãchi rü ñu̱xmata Yapíawa nangu.

Ãẽ̱xgacügü ga guxchaxü̃güarü mexẽxẽruü̃gü 4:6

Rü wüxi ga ngunexü̃ ga Débora rü naxca̱x ingema ga wüxi ga yatü ga Baráxgu ãégacü ga Abinuáü̃ nane ixĩcü. Rü nüma ga Baráx rü naxãchiü̃ nagu ga wüxi ga ĩane ga Quédexgu ãégane ga Netaríanewa yexmane. Rü ngĩgürügü nüxü̃: —Cori ya Iraétanüxü̃arü Tupana rü cuxü̃ namu rü ñanagürü cuxü̃: “¡Rü Netarítanüxü̃wa rü Chaburóü̃tanüxü̃wa nade i 10,000 i yatügü, rü yima ma̱xpǘne ya Tabóxgu nangutaque̱xexẽxẽ!

Ãẽ̱xgacügü ga guxchaxü̃güarü mexẽxẽruü̃gü 4:11

Rü Quédexarü ngaicamagu ga Chaanaíü̃arü castañaarü ngaicamagu naxãchiü̃ ga Ébe ga wüxi ga Quenéutanüxü̃ ga natanüxü̃na ixũgachixü̃ rü nüxica tomagu ãchiü̃xü̃. Rü nüma ga Ébe rü gumá Moichéna̱xtü ga Obáxtanüxü̃ nixĩ.

Yochué 19:22

Rü yema Ichacátücumüarü üyeane rü Tabóxwa rü Chaachimáwa rü Bex-cheméwa nangu. Rü natü ga Yudáü̃cutügu nayacua̱x. Rü guxü̃wama rü 16 ga ĩanegü nüxü̃́ nayexma rü naétü ga norü ĩanexacügü.

Ãẽ̱xgacügü ga guxchaxü̃güarü mexẽxẽruü̃gü 8:18

Rü ñu̱xũchi nüma ga Yedeóü̃ rü Zébana rü Salmunána naca, rü ñanagürü: —¿Nañu̱xgüraü̃xü̃ ga yema yatügü ga Tabóxgu pedaixü̃? —ñanagürü. Rü nümagü rü Yedeóü̃xü̃ nangãxü̃gü rü ñanagürügü: —Yema yatügü rü nanacuraxü̃güraxü̃, rü nanaxãẽ̱xgacügüraxü̃ ga wüxichigü —ñanagürügü.

Wiyaegü 89:13

Rü yima cuchacüxü rü naporaxüchi. Rü yima curü tügünechacüxü rü napora rü yimamaxã nüxü̃ curüporamae i ngẽma cumaxã rüxuanügüxü̃.

Ochéa 5:1

Rü Cori ya Tupana rü ñanagürü ta: —¡Choxǘ iperüxĩnüe, Pa Chacherdótegüx! ¡Rü choxü̃́ iperüxĩnüe, Pa Iraéanecüã̱xgüx! ¡Rü choxü̃́ iperüxĩnüe Pa Ãẽ̱xgacügütanüxü̃ i Iraéanemaxã Icua̱xgüxü̃! Choma rü tá pexü̃ chapoxcue erü peyawomüxẽẽgü i chorü duü̃xü̃gü, rü yexeraãcü chixexü̃gu penayixẽxẽ i ngẽma Iraéanecüã̱xgü. Rü pemax, rü penamu nax yima ngutaque̱xepataü̃gü ya Mispáwa rü Tabóxwa ngẽxmagünewa tupananetagüxü̃ yacua̱xüü̃güxü̃.