Ãẽ̱xgacügü ga guxchaxü̃güarü mexẽxẽruü̃gü 3:7 - Tupanaarü Ore

⁷ Rü yema nacümagü ga Iraétanüxü̃ nagu maxẽxü̃ rü Cori ya Tupanape̱xewa rü poraãcü nachixe. Yerü Cori ya Tupanaxü̃ inarüngümae rü Baáchicüna̱xãgüxü̃ rü Acheráchicüna̱xãgüxü̃ nicua̱xüü̃gü.

Ãẽ̱xgacügü ga guxchaxü̃güarü mexẽxẽruü̃gü 3:7 Referans Kwoze

Ínachoxü̃xü̃chiga 34:13

Rü chanaxwa̱xe nax nagu nüxü̃́ pepogüexü̃ i ngẽma norü ãmarearü guruü̃gü rü noxtacüma peyanaxoxẽẽxü̃ i ngẽma norü nutagü rü naigü i namaxã natupanaã̱xgüxü̃.

Norü taxre ga popera ga ãẽ̱xgacügüchiga 23:6

Rü ñu̱xũchi Yerucharéü̃wa ínanata̱xüchi ga yema Acheráchicüna̱xã ga nainaxca̱x ga Tupanapata ga taxü̃negu üxü̃, rü nayagu ga natü ga Chedróü̃arü doxonexü̃wa ñu̱xmata tanimacaxica yaxĩ. Rü yemawena rü guma ĩanearü tauxquegu nayagüchigü ga norü tanimaca.

Norü taxre ga to ga popera ga ãẽ̱xgacügüchiga ümatüxü̃ 33:19

Rü norü yumüxẽchiga, rü norü yumüxẽarü ngãxü̃chiga, rü ñuxãcü nax chixexü̃ naxüxü̃chiga, rü ñuxãcü ma̱xpǘnegügu tupananetagüca̱x ínaxüxü̃ãxü̃ ga ngutaque̱xechicagüchiga, rü ñuxãcü yemagu yanuaxü̃ ga Acheráchicüna̱xã rü togü ga tupananetachicüna̱xãgüchiga, rü yema naxü naxü̃pa ga nax Cori ya Tupanamaxã nüxü̃ yaxuxü̃ ga norü chixexü̃ rü nape̱xegu nügü ínaxíraxü̃, rü guxü̃ma i ngẽma rü Tupanaarü orearü uruü̃gü ümatüxü̃ i poperagu naxümatü.

Norü taxre ga to ga popera ga ãẽ̱xgacügüchiga ümatüxü̃ 33:3

Rü nüma rü wena nayamexẽẽgü ga yema nachicagü ga nawa tupananetachicüna̱xãgüxü̃ yacua̱xüü̃güxü̃ ga nanatü ga Echequía nagu ipogügüxü̃. Rü Baáca̱x ínanaxüxü̃ ga ãmarearü guruü̃gü. Rü tupananeta ga Acheráchicüna̱xãgü ínaxüxü̃. Rü ñu̱xũchi nüxü̃ nicua̱xüxü̃ ga guxcüma ga woramacurigü ga daxũwa ngẽxmagücü.

Norü taxre ga to ga popera ga ãẽ̱xgacügüchiga ümatüxü̃ 24:18

Rü yemaca̱x ga nüma ga ãẽ̱xgacü rü yema Yudáanearü ãẽ̱xgacügü rü Tupanana nixĩgachi rü yéma nanata̱xgümare ga guma napata ga norü o̱xigüarü Tupanapata ga taxü̃ne. Rü inanaxügüe nax Acheráchicüna̱xãxü̃ yacua̱xüü̃güxü̃ rü ñu̱xũchi togü ga tupananetachicüna̱xãgüxü̃ yacua̱xüü̃güxü̃. Rü Cori ya Tupana rü yema chixexü̃ ga naxügüxü̃ca̱x rü Yudáanecüã̱xgümaxã rü Yerucharéü̃cüã̱xgümaxã nanu.

Norü taxre ga to ga popera ga ãẽ̱xgacügüchiga ümatüxü̃ 15:16

Rü Achá rü norü noxẽ ga Maacána nanayaxu nax ãẽ̱xgacü tixĩxü̃, yerü wüxi ga Acheráchicüna̱xã duü̃xü̃güxü̃ taxüxẽxẽ. Rü nüma ga Achá rü nagu napogü ga yema Acheráchicüna̱xã rü íxraxü̃gu inanapoxü̃gü. Rü natü ga Chedróü̃wa nayanagu.

Norü taxre ga popera ga ãẽ̱xgacügüchiga 23:14

Rü yemawena rü guma nutagü ga duü̃xü̃güca̱x üünegücü rü nagu nipogügü, rü guma naigü ga naxca̱x üünegüne rü nayawa̱xgüxẽxẽ. Rü yema nachicagü ga yema nutagü rü naigü nawa yexmagüchiréxü̃ rü duü̃xẽchina̱xãmaxã nanapaxẽxẽ.

Nüxíraxü̃xü̃ ga popera ga ãẽ̱xgacügüchiga 18:19

¡Rü ñu̱xma rü curü duü̃xü̃güxü̃ namu nax ma̱xpǘne ya Carmérugu nangutaque̱xegüxü̃ca̱x i guxü̃ma i Iraéanecüã̱xgü namaxã i ngẽma 450 i Baáxarü orearü uruü̃gü rü 400 i Acheráarü orearü uruü̃gü i Yechabé nüxü̃ rüngü̃xẽẽxü̃! —ñanagürü ga Ería.

Nüxíraxü̃xü̃ ga popera ga ãẽ̱xgacügüchiga 16:33

Rü yexgumarüxü̃ ta Chamáriawa nanaxü ga tupananeta ga Acheráchicüna̱xã. Rü yemamaxã poraãcü Cori ya Iraéanecüã̱xgüarü Tupanaxü̃ nanuxẽxẽ, guxü̃ ga yema nüxíraxü̃xü̃ ga Iraéanecüã̱xgüarü ãẽ̱xgacügüarü yexera.

Ãẽ̱xgacügü ga guxchaxü̃güarü mexẽxẽruü̃gü 6:25

Rü yematama chütaxü̃gu rü Cori ya Tupana rü Yedeóü̃xü̃ ñanagürü: —Chanaxwa̱xe i cuyayaxu i wüxi i cunatüarü woca i yatüxü̃ rü ngẽma to i woca i yatüxü̃ i 7 ya taunecü nüxü̃́ ngẽxmaxü̃. ¡Rü ngẽma taxre i wocamaxã yatúxuchi rü nagu napogü i ngẽma Baáxarü ãmarearü guruxü̃ i cunatü nawa Baáca̱x yaguxü̃ i ãmaregü! ¡Rü ngẽxgumarüxü̃ ta natuxuchi rü yawa̱xẽxẽ i ngẽma tupananeta i Acheráchicüna̱xã i nainaxca̱x i ngẽma Baáarü ãmarearü guruü̃xü̃tawa ngẽxmaxü̃!

Ãẽ̱xgacügü ga guxchaxü̃güarü mexẽxẽruü̃gü 3:12

Nawena ga nax nayuxü̃ ga Otonié, rü Iraétanüxü̃ rü wenaxarü Cori ya Tupanape̱xewa chixexü̃ i nacümagu namaxẽ. Rü yemaca̱x nüma ga Cori ya Tupana rü Eglóü̃ ga Moáanearü ãẽ̱xgacüna pora naxã nax Iraétanüxü̃xü̃ naporamaexü̃ca̱x.

Wenaxarü naxümatü ga Tupanaarü mugü 16:21

Rü ngẽxguma Tupanaarü ãmarearü guruxü̃ pexü̱xgu nax tórü Cori ya Tupanaxü̃ picua̱xüü̃güxü̃ca̱x, ¡rü taxũtáma naxü̃tagu penaxü i tupananeta i Acheráchicüna̱xã! ¡Rü taxũtáma nügüétü penanugü ya nutagü nax namaxã petupanaã́xü̃ca̱x! Erü nüma ya Cori ya perü Tupana rü poraãcü ngĩmachi naxai.

Wenaxarü naxümatü ga Tupanaarü mugü 4:9

¡Rü ngẽmaca̱x pexuãẽgü nax tama nüxü̃ iperüngümaexü̃ca̱x i ngẽma nüxü̃ pedaugüxü̃, rü woo peãẽwa tagutáma nüxü̃ iperüngümae i ngẽma Tupana pexca̱x üxü̃! Rü name nixĩ i pexacügüxü̃ rü petaagüxü̃ namaxã pengúexẽẽxü̃.

Norü taxre ga to ga popera ga ãẽ̱xgacügüchiga ümatüxü̃ 34:7

Rü yema tupananetagüarü ãmarearü guruü̃gügu nipogügü. Rü Acheráchicüna̱xãgügu, rü yema togü ga naxchicüna̱xãgügu nipogügü ñu̱xmata yaxãchicute̱xe. Rü ñu̱xũchi nagu nipogügü ga guxü̃ma ga yema pumarate̱xearü guruü̃gü ga guxü̃ ga Iraéanewa yexmagüxü̃. Rü yemawena rü Yerucharéü̃ca̱x nataegu.

Norü taxre ga to ga popera ga ãẽ̱xgacügüchiga ümatüxü̃ 34:3

Rü yexguma marü 8 ga taunecü ãẽ̱xgacü yixĩxgu rü woo nax nangextü̱xüxü̃ ga Yochía, rü inanaxügü nax nũxcümaü̃cü ga norü o̱xi ga Dabíarü Tupanaca̱x nadauxü̃. Rü yexguma marü 12 ga taunecü ãẽ̱xgacü yixĩxgu rü Yudáanewa rü Yerucharéü̃wa inanaxügü nax nagu napogüxü̃ ga yema nachicagü ga ma̱xpǘnegüwa yexmagüxü̃ ga nawa tupananetagüxü̃ yacua̱xüü̃güxü̃. Rü ínanawogü ga Acheráchicüna̱xãgü, rü yema togü ga naxchicüna̱xãgü rü yema naxchicüna̱xãgü ga bróũchewa naxügüxü̃.

Ãẽ̱xgacügü ga guxchaxü̃güarü mexẽxẽruü̃gü 3:8

Rü yemagagu nixĩ ga Cori ya Tupana ga Iraétanüxü̃maxã nanuxü̃ rü Cucháü̃-richataíü̃ ga Mechopotámiaarü ãẽ̱xgacüme̱xẽwa nayexmagüxẽẽãxü̃. Rü 8 ga taunecü yema ãẽ̱xgacüme̱xẽwa nayexmagü rü nüxü̃́ napuracüe ñu̱xmata wena Cori ya Tupanana nacua̱xãchie rü nüxü̃ naca̱a̱xü̃gü nax ínanguxü̃xẽẽãxü̃ca̱x. Rü nüma ga Cori ya Tupana rü Otoniéxü̃ naxuneta nax Iraétanüxü̃xü̃ ínanguxü̃xẽẽxü̃ca̱x. Rü Otonié rü Quená nane nixĩ. Rü nüma ga Quená rü Caréxenexẽ ga rübumaecü nixĩ.

Ãẽ̱xgacügü ga guxchaxü̃güarü mexẽxẽruü̃gü 8:34

Rü norü Cori ya Tupanaxü̃ narüngümae woo nüma ga Tupana rü naxme̱xwa ínananguxü̃xẽxẽ ga guxü̃ma ga norü uanügü ga nüxna ngaicamagüxü̃

1 Chamué 12:9

Natürü ga nümagü rü norü Cori ya Tupanaxü̃ narüngümae. Rü yemaca̱x nüma ga Tupana rü ĩane ga Achóxarü ãẽ̱xgacü ga Yabíü̃arü churaragüeru ga Chícharame̱xẽwa nanayexmagüxẽxẽ. Rü ñu̱xũchi Firitéugüme̱xẽwa rü Moáarü ãẽ̱xgacüme̱xẽwa nanayexmagüxẽxẽ. Rü yexmagü nixĩ ga perü o̱xigümaxã nügü daixü̃.

1 Chamué 12:10

Natürü nüma ga Iraétanüxü̃ rü noxtacüma Tupanamaxã nüxü̃ nixugüe nax chixexü̃ naxügüxü̃ rü nüxna yaxĩgachitanüxü̃. Rü ñanagürügü: “Cupe̱xewa chixexü̃ taxü erü cuxü̃ ítata̱xgü rü ñu̱xũchi nüxü̃ ticua̱xüü̃gü i naxchicüna̱xãgü i Baá rü Ataré. Rü ngẽmaca̱x cuxü̃ taca̱a̱xü̃ nax naxme̱xwa toxü̃ ícunguxü̃xẽẽxü̃ i ngẽma torü uanügü. Rü cumaxã nüxü̃ tixugüe nax cuxü̃xicatama tá ticua̱xüü̃güxü̃”, ñanagürügü.

Wiyaegü 106:7

Rü nüma ga torü o̱xigü rü tama aixcüma nagu narüxĩnüe ga yema taxü̃gü ga mexü̃gü ga curü poramaxã cuxüxü̃. Rü nüxü̃ inayarüngümae nax cuma rü nüxü̃ cungechaü̃xü̃. Rü yema Már ga Dauchíüxü̃cutüwa rü cumaxã nayanue.

Yeremía 23:27

Rü ngẽma nanegügü i nügümaxã nüxü̃ yaxugüexü̃maxã choxü̃ nüxü̃ inarüngü̃maexẽẽchaxü̃ i chorü duü̃xü̃gü, yexgumarüxü̃ ga yema nũxcümaü̃güxü̃ ga norü o̱xigü nax choxü̃ iyanangümaexü̃ nax Baáwe naxĩxü̃ca̱x.

Wenaxarü naxümatü ga Tupanaarü mugü 8:11

¡Rü pexuãẽgü nax tama nüxü̃ perüngümaexü̃ca̱x ya perü Cori ya Tupana! ¡Rü taxṹ i nüxü̃ perüxoexü̃ i ngẽma norü mugü rü norü ucu̱xẽgü i ñu̱xma pexü̃ chamuxü̃!

Wenaxarü naxümatü ga Tupanaarü mugü 8:18

Rü name i nüxna pecua̱xãchie ya yimá perü Cori ya Tupana, erü nüma nixĩ i pexna naxããxü̃ i pora nax pexü̃́ nangẽxmaxü̃ca̱x i perü ngẽmaxü̃gü. Rü nüma i ñu̱xma rü ngẽmaãcü nixĩ i pemaxã yanguxẽẽãxü̃ ga yema norü uneta ga nũxcüma perü o̱xigümaxã nüxü̃ yaxuxü̃.

Ãẽ̱xgacügü ga guxchaxü̃güarü mexẽxẽruü̃gü 8:33

Rü yexguma Yedeóü̃ yuxguwena, rü nümagü ga Iraétanüxü̃ rü wena Tupanana nixĩgachi. Rü naguxü̃raü̃xü̃ ga Baáchicüna̱xãxü̃ nicua̱xüü̃gü, rü Baá-beríxü̃ nayauxgü nax norü tupana yixĩxü̃ca̱x.

Wiyaegü 106:35

Natürü namaxã naxãmücügüama, rü namaxã nixãtegü, rü namaxã naxãxma̱xgü ga yema duü̃xü̃gü ga tama Tupanaaxü̃́ yaxõgüxü̃. Rü nacümagü ga chixexü̃güca̱x nangúe.

Wiyaegü 106:36

Rü yema duü̃xü̃güarü tupananetachicüna̱xãgüxü̃ nicua̱xüü̃gü rü yemagagu chixexü̃gu nayi.