Ãẽ̱xgacügü ga guxchaxü̃güarü mexẽxẽruü̃gü 3:3 - Tupanaarü Ore

³ Rü yéma nayaxügü ga 5 ga Firitéugüarü ãẽ̱xgacügü, rü guxü̃ma ga yema Canaáü̃tanüxü̃ ga taxũta napuarü ĩaneã̱xgüxü̃, rü yema Chidóü̃tanüxü̃, rü yema Ebéutanüxü̃ ga máxpü̱xanexü̃ ga Líbanuanewa maxẽxü̃. Rü norü naane ga nawa nayexmagüxü̃ ga yema Ebéutanüxü̃ rü Baá-emóü̃wa inaxügü ñu̱xmata Amáwa nangu.

Ãẽ̱xgacügü ga guxchaxü̃güarü mexẽxẽruü̃gü 3:3 Referans Kwoze

Yochué 13:5

Rü ngẽxgumarüxü̃ ta ínayaxü i Guebácüã̱xgüarü naane rü guxü̃ma i Líbanuarü naane i éstewaama. Rü ngẽma naane rü yima ma̱xpǘne ya Ermóü̃pechinüwa ngẽxmane i Baá-gáxwa inaxügü, rü nida ñu̱xmata ĩane i Amáca̱x íxücuxü̃wa nangu.

1 Chamué 29:2

Rü yema Firitéugüarü churaragüerugü rü ñu̱xũchi norü churaragü rü 100 gu rü ñu̱xũchi 1,000 gu nügü ininu nax inaxĩãchixü̃ca̱x. Rü nüma ga Dabí rü norü duü̃xü̃gümaxã Aquíweama nixĩxü̃tanü.

1 Chamué 13:5

Rü nüma ga Firitéugü rü nügü nanutaque̱xe nax nügü nada̱i̱xü̃ca̱x namaxã ga Iraéanearü churaragü. Rü nüxü̃́ nayexma ga 30,000 ga daixwexü̃ ga carugü ga cowaru itúgüne, rü 6,000 ga churaragü ga cowarugu ĩxü̃, rü ñu̱xũchi muxũchixü̃ ga churaragü ga nacutügumare ĩxü̃. Rü norü mu ga yema churaragü rü ñoma márpechinüwa ngẽxmacü ya naxnücüte̱xerüxü̃ nixĩ i norü mu. Rü guxü̃ma ga yemagü rü Mixmáwa naxĩ rü yexma napegü ga Bex-abéü̃arü éstewaama.

1 Chamué 6:18

Rü yema ü̃cachicüna̱xãgü ga úirunaxca̱x rü nae̱xpü̱x nixĩ ga guma Firitéugüarü ĩanegü ga meama ípoxegugüne ga yema 5 ga ãẽ̱xgacügü namaxã icua̱xgüne. Rü naétü namaxã nangau ga guma ĩanexacügü ga tama ípoxegugüne. Rü yimá nuta ya tacü ga naétügu naxü̃́nagüãcü ga yema baú ga Tupanaarü mugüchixü̃, rü ñu̱xma rü ta ngéma nangẽxma nawa i ngẽma Yochuéarü naane i ĩane ya Bex-cheméwa yexmaxü̃.

Ãẽ̱xgacügü ga guxchaxü̃güarü mexẽxẽruü̃gü 18:7

Rü nüma ga yema 5 ga ngugütaeruü̃gü rü inaxĩãchi rü Láiwa naxĩ. Rü yema duü̃xü̃gü ga guma ĩanecüã̱xgü rü taxuxü̃ma ga ãũcümaxü̃gu narüxĩnüe yema Chidóü̃cüã̱xgürüxü̃. Rü ínataãxẽgü rü taxuxü̃ma i guxchaxü̃ nügümaxã ínaxüe Rü taxúema ítanachixewegü, rü taxúema nagu tidauxcüraxü̃gü. Rü taxuxü̃ma nüxü̃́ nataxu. Rü Chidóü̃cüã̱xgüarü yáxü̃wa nayexmagü. Rü tama to ga duü̃xü̃gümaxã naxãmücü.

Ãẽ̱xgacügü ga guxchaxü̃güarü mexẽxẽruü̃gü 14:4

Rü tüma ga nanatü rü naé rü tama nüxü̃ tacua̱xgü nax Cori ya Tupana rü woetama yemaacü naxueguãxü̃, yerü naxca̱x nadau ga ñuxãcü Firitéugüna guxchaxü̃ nax naxãxü̃. Rü yexgumaü̃cüxü nixĩ ga Iraétanüxü̃ ga Firitéugüme̱xẽwa nayexmagüxü̃.

Ãẽ̱xgacügü ga guxchaxü̃güarü mexẽxẽruü̃gü 10:7

Rü yemaca̱x nüma ga Cori ya Tupana rü namaxã nanu rü Firitéugüme̱xẽwa rü Amóü̃tanüxü̃me̱xẽwa nanayexmagüxẽxẽ nax namaxã inacua̱xgüxü̃ca̱x.

Ãẽ̱xgacügü ga guxchaxü̃güarü mexẽxẽruü̃gü 4:2

Rü yemaca̱x ga nüma ga Cori ya Tupana rü wüxi ga Canaáü̃tanüxü̃ ga ãẽ̱xgacü ga Yabíü̃me̱xẽgu nanayixẽxẽ ga yema Iraétanüxü̃. Rü nüma ga Yabíü̃ rü ĩane ga Achóxarü ãẽ̱xgacü nixĩ. Rü yema norü churaragüarü ãẽ̱xgacü rü Chíchara nixĩ ga naéga. Rü nüma ga Chíchara rü Aróche-goíü̃gu naxãchiü̃.

Yochué 19:28

Rü yemaacü nawa nada ga Axdóü̃, rü Reóx, rü Amóü̃, rü Caná rü ñu̱xmata nawa nangu ga guma taxü̃ne ga ĩane ga Chidóü̃.

Wenaxarü naxümatü ga Tupanaarü mugü 3:9

(Rü guma ma̱xpǘne ga Ermóü̃ rü Chidóü̃cüã̱xgü rü Chirióü̃maxã nanaxugü, rü yema Amoréutanüxü̃ rü Chenímaxã nanaxugü.)

Wenaxarü naxümatü ga Tupanaarü mugü 1:7

¡Rü penade i perü ngẽmaxü̃gü rü ipexĩãchi nax ngẽma Amoréutanüxü̃arü máxpü̱xanexü̃wa pexĩxü̃! ¡Rü nawa pexĩ i guxü̃ma i ngẽma naanegü i norü ngaicamana ngẽxmagüxü̃! ¡Rü ngẽxgumarüxü̃ ta Arabáanewa, rü máxpü̱xanexü̃wa, rü doxonexü̃wa, rü Négueanewa, rü Már i Mediteráneupechinüwa, rü Canaáü̃tanüxü̃arü naanewa, rü Líbanuanewa rü ñu̱xmata taxtü i Eufrátewa pexĩ!

Iraétanüxü̃arü muxchiga 34:8

Rü ma̱xpǘne ya Óxwa tá peyadaxẽxẽ i ngẽma üyeane ñu̱xmatáta Amáca̱x íxücuxü̃wa nangu. Rü ngéma tá peyadaxẽxẽ ñu̱xmatáta Chedáxwa nangu.

Iraétanüxü̃arü muxchiga 13:29

Rü ngẽma Négueanewa rü ngẽxma naxãchiü̃gü i ngẽma Amaréxtanüxü̃. Rü ngẽma ínamáxpü̱xanexü̃gu rü naxãchiü̃gü i ngẽma Itítanüxü̃ rü Yebuchéutanüxü̃ rü Amoréutanüxü̃. Rü márcutügu rü natü i Yudáü̃cutügu nixĩ i naxãchiü̃güxü̃ i Canaáü̃tanüxü̃ —ñanagürügü.

Naanearü ügüchiga 49:13

“Rü Chaburóü̃ rü márcutügu tá naxãpata. Rü ngéma tá nangẽxma i türegü i wapurugü nawa ngugüxü̃. Rü ngẽma norü naanearü üye rü tá Chidóü̃wa nangu”.

Yochué 9:7

Rü nüma ga Iraétanüxü̃ rü Ebéutanüxü̃xü̃ nangãxü̃gü rü ñanagürügü: —Bexmana i pemax rü torü ngaicamagutama pipegü rü ñuxãcü tá i pemaxã mexü̃ i ĩnüwa tangugüxü̃ —ñanagürügü.

Yochué 11:19

Rü yema duü̃xü̃gü ga ĩane ga Gabaóü̃cüã̱x ga Ebéutanüxü̃xicatama nixĩ ga Iraétanüxü̃maxã nügümaxã namexẽẽgüxü̃ nax tama nügü nada̱i̱xü̃ca̱x. Rü nüma ga Iraétanüxü̃ rü daiwa guxü̃ma ga yema togü ga duü̃xü̃güxü̃ narüporamae.

Ãẽ̱xgacügü ga guxchaxü̃güarü mexẽxẽruü̃gü 3:2

Nüma ga Cori ya Tupana rü yéma Canaáü̃arü naanewa nayaxügüxẽxẽ ga yema duü̃xü̃gütücumü nax yemaacü daixü̃ yacuáxü̃ca̱x ga yema Iraétanüxü̃ ga taguma daiwa ĩxü̃.

1 Chamué 6:4

Rü nüma ga duü̃xü̃gü rü yema chacherdótegüna rü yuüxü̃güna nacagüe, rü ñanagürügü nüxü̃: —¿Ta̱xacü tá nixĩ i nüxna taxãmarexü̃ nax namaxã tanangüxmüxẽẽxü̃ca̱x? —ñanagürügü. Rü nümagü ga chacherdótegü rü yuüxü̃gü nanangãxü̃gü rü ñanagürügü: —Penaxwa̱xe i penaxü i 5 i naxchicüna̱xãgü i úirunaxca̱x i nataixnapü̱xügüraxü̃xü̃. Rü ngẽma naxchicüna̱xãgü rü ngẽma 5 i perü ãẽ̱xgacügüe̱xpü̱x tá nixĩ i penaxüxü̃. Rü ñu̱xũchi 5 i ü̃cachicüna̱xã i úirunaxca̱x tá pexü. Erü ngẽma taixnagümaxã nixĩ ya Tupana i pexü̃ yada̱xaweexẽẽxü̃, rü ü̃cagümaxã nixĩ i guxchaxü̃ pexna naxãxü̃ i guxãma i pemax rü perü ãẽ̱xgacügü.

1 Chamué 6:16

Rü nüma ga yema 5 ga ãẽ̱xgacügü ga Firitéugü rü yáxü̃wa nüxü̃ narüdaunü. Rü yexguma marü nüxü̃ nadaugügu ga marü Iraéanecüã̱xgüme̱xẽwa nax nanguxü̃ ga yema baú, rü yemawena rü Ecróü̃ca̱x nawoegu ga yematama ngunexü̃gu.

2 Chamué 24:7

Rü yemawena rü ĩane ga Tíruarü dauxü̃taechicawa nangugü. Rü ñu̱xũchi nawa naxĩ ga guxü̃nema ga Ebéutanüxü̃arü ĩanegü rü Canaáü̃tanüxü̃arü ĩanegü ñu̱xmata Yudáanearü súrwaama yexmane ga ĩane ga Bechébawa nangugü.

Nüxíraxü̃xü̃ ga popera ga ãẽ̱xgacügüchiga 8:65

Yexguma nixĩ ga yexma Charomóü̃maxã nangutaque̱xegü ga muxũchixü̃ma ga duü̃xü̃gü ga guxü̃wama ga Iraéanewa ne ĩxü̃. Rü Amáwa inaxügü ga nórtewaama ne ĩxü̃ rü ñu̱xmata Equítuarü natüwa nangu ga súrwaama ne ĩxü̃. Rü yexguma naxüchigagüãgu ga guma Tupanapata ga taxü̃ne, rü 7 ga ngunexü̃ nagu ningegü. Rü yexgumarüxü̃ ta Tupanaarü cua̱xüü̃xü̃ca̱x nanaxüchigagü ga düxenüchiga ga to ga 7 ga ngunexü̃ nagu yangegüxü̃. Rü yemaacü guxü̃wama 14 ga ngunexü̃wa nangu nax naxüchigagüãxü̃.

Echequié 47:20

Rü ngẽma Iraéanearü üyeane i oéstewaama rü Equítuanearü üyeanewa tá inaxügü. Rü Már i Mediteráneupechinügu tá nida ñu̱xmata Amáanearü üyeanewa nangu. Rü ngẽma tá nixĩ i Iraéanearü üyeane i oéstewaama ngẽxmaxü̃.

Nüxíraxü̃xü̃ ga popera ga ãẽ̱xgacügüchiga 9:20

Rü yemaca̱x ga Charomóü̃ rü puracü ga yáxü̃wa nanapuracüexẽxẽ ga yema tama Iraétanüxü̃ ixĩgüxü̃ ga Amoréutanüxü̃, rü Itítanüxü̃ rü Ferechéutanüxü̃, rü Ebéutanüxü̃, rü Yebuchéutanüxü̃ ga Iraéanewa yexmagüxü̃. Rü yema nixĩ ga nataagü ga nawena Iraéaanewa yaxǘgüxü̃ ga Iraétanüxü̃ tama guxẽẽxü̃ nanada̱i̱xü̃. Rü ngẽmaãcü nixĩ i woo i ñaagü i ngunexü̃gügu.