Ãẽ̱xgacügü ga guxchaxü̃güarü mexẽxẽruü̃gü 3:12 - Tupanaarü Ore

¹² Nawena ga nax nayuxü̃ ga Otonié, rü Iraétanüxü̃ rü wenaxarü Cori ya Tupanape̱xewa chixexü̃ i nacümagu namaxẽ. Rü yemaca̱x nüma ga Cori ya Tupana rü Eglóü̃ ga Moáanearü ãẽ̱xgacüna pora naxã nax Iraétanüxü̃xü̃ naporamaexü̃ca̱x.

Ãẽ̱xgacügü ga guxchaxü̃güarü mexẽxẽruü̃gü 3:12 Referans Kwoze

1 Chamué 12:9

Natürü ga nümagü rü norü Cori ya Tupanaxü̃ narüngümae. Rü yemaca̱x nüma ga Tupana rü ĩane ga Achóxarü ãẽ̱xgacü ga Yabíü̃arü churaragüeru ga Chícharame̱xẽwa nanayexmagüxẽxẽ. Rü ñu̱xũchi Firitéugüme̱xẽwa rü Moáarü ãẽ̱xgacüme̱xẽwa nanayexmagüxẽxẽ. Rü yexmagü nixĩ ga perü o̱xigümaxã nügü daixü̃.

Ãẽ̱xgacügü ga guxchaxü̃güarü mexẽxẽruü̃gü 2:19

Natürü yexguma nayu̱xgu ga yema ãẽ̱xgacü ga Tupana nüxü̃ unetaxü̃, rü nümagü ga Iraétanüxü̃ rü wena chixexü̃ca̱x nawoegu rü nanatügüarü yexera chixexü̃ naxügü rü togümare ga tupananetagüxü̃ nicua̱xüü̃gü. Rü tama nüxü̃ narüxoechaü̃ ga yema chixexü̃ nax naxügüxü̃, rü tama ínanata̱xgüchaü̃ ga nacüma ga chixexü̃.

Ore i mexü̃ ga Cuáü̃ ümatüxü̃ 19:11

Rü Ngechuchu nanangãxü̃, rü ñanagürü: —Taxũchima cuxme̱xwa changexma ega tama Tupana naxwa̱xegu. Rü ngẽmaca̱x i ngẽma cuxna choxü̃ muxü̃ rü curü yexera poraãcü napecaduã̱x —ñanagürü.

Ochéa 6:4

Rü nüma ya Cori ya Tupana rü ñanagürü: —¿Ta̱xacü tá pemaxã chaxü Pa Efraíü̃tanüxü̃x? ¿Rü ta̱xacü tá pemaxã chaxü Pa Yudáanecüã̱xgüx? Rü ngẽma nax choxü̃ pengechaxü̃xü̃ rü ñoma caixanexü̃ i ẽxü̃wa paxaãchi ngóxü̃rüxü̃ nixĩ, rü yima cherena ya ngunetüxü̃ paxaãchi rüngucürüxü̃ nixĩ.

Danié 5:18

Rü nüma ya Tupana ya Guxãétüwa Ngẽxmacü, rü cunatü ga Nabucudonochóna nanaxã nax nüma ãẽ̱xgacü ga poracü rü cua̱x nüxü̃́ yexmacü nax yixĩxü̃ca̱x.

Danié 4:22

Rü yema nai ga taxüchixü̃ ga cunegüwa nüxü̃ cudauxü̃, rü cuchiga nixĩ, Pa Ãẽ̱xgacüx. Rü cuma i ñu̱xmax rü cuporaxüchi rü ngẽma curü ngẽmaxü̃gü rü cunanutaque̱xe ñu̱xmata dauxü̃guxü̃ i naanewa nangu, rü ngẽmaãcü guxü̃ i nachixü̃anegümaxã icucua̱x.

Echequié 38:16

Rü tá naxca̱x ícuyagoõchi i chorü duü̃xü̃gü i Iraétanüxü̃. Rü cumax, Pa Góx, rü curü churaragümaxã tá cunapaxẽxẽ i norü naane ñoma wüxi i caixanexü̃ i waemaxü̃rüxü̃. Rü ngẽma nawa iyacuáxü̃ i ngunexü̃gügu rü tá cuxü̃́ chanatauxchaxẽxẽ nax naxca̱x ícuyagoõchixü̃ca̱x i chorü naane. Rü ngẽmaãcü tá chanaxü nax ngẽma togü i nachixü̃anegü cugagu choxü̃ cua̱xgüxü̃ca̱x i ngẽxguma nape̱xewa tá ichanawe̱xgu i chorü üüne’ ”, ñanagürü ya Tupana.

Ichaía 37:26

¿Natürü tama e̱xna nüxü̃ cucua̱x, Pa Chenáquerix, nax choma yixĩxü̃ ga cuxna chanaxãxü̃ ga pora nax cunaxüxü̃ca̱x ga guxü̃ma ga yema? Rü nũxcümacürüwatama rü marü nagu charüxĩnü i ngẽma ñu̱xma chaxüxü̃. Rü yemaca̱x nixĩ ga cuyanaxoxẽẽgüxü̃ ga guma ĩanegü ga ípoxegugüne rü natüchigüxicatama cuyaxĩxgüxẽẽxü̃.

Ichaía 10:15

Natürü taxucürüwa i wüxi i yuema nügügu narüxĩnü nax norü yora i namaxã icuáxü̃arü yexera nax yixĩxü̃. Rü taxucürüwa i wüxi i chera nügügu narüxĩnü nax norü yora i namaxã puracüxü̃arü yexera nax yixĩxü̃. Rü taxucürüwa i wüxi i caxü̃ruxü̃ i naimare ixĩxü̃ nagu narüxĩnü nax norü yoramaxã inacuáxü̃.

Norü taxre ga popera ga ãẽ̱xgacügüchiga 5:1

Rü nüma ga Naamáü̃ rü guma Chíriaanearü ãẽ̱xgacü ga réiarü churaragüeru nixĩ. Rü norü ãẽ̱xgacü rü poraãcü nüxü̃ nangechaü̃ rü nüxü̃ narüngü̃xẽxẽ yerü muẽ̱xpü̱xcüna rü norü churaragümaxã norü uanügüxü̃ narüporamae. Natürü nüma ga Naamáü̃ rü chaxünemaxã nida̱xawe.

Ãẽ̱xgacügü ga guxchaxü̃güarü mexẽxẽruü̃gü 2:14

Rü yemaca̱x ga nüma ga Cori ya Tupana rü poraãcü yema Iraétanüxü̃maxã nanu rü nüxna nixũgachi nax yema ingĩ́ta̱a̱xgüxü̃ rü norü yemaxü̃güca̱x nangĩ̱xgüxü̃ca̱x, rü yema norü uanügü ga Iraéanearü ngaicamagu ngẽxmagüxü̃ rü guxü̃guma nüxü̃ naporamaegüxü̃ca̱x. Rü nüma ga Iraétanüxü̃ rü taxucürüwama nügü ínapoxü̃gü.

Ãẽ̱xgacügü ga guxchaxü̃güarü mexẽxẽruü̃gü 2:11

Rü nüma ga Iraétanüxü̃ rü Tupanape̱xewa chixexü̃ naxügü, rü inanaxügüe ga Baáchicüna̱xãxü̃ nax yacua̱xüü̃güxü̃.

Ínachoxü̃xü̃chiga 9:16

Rü ñu̱xmarüta cuxü̃ chamaxẽxẽ rü tama cuxü̃ chiima̱x, erü cuxü̃ nüxü̃ chadauxẽẽchaü̃ nax ñuxãcü chaporaxüchixü̃. Erü chaugü nüxü̃ chacua̱xẽẽchaü̃ i guxü̃ma i duü̃xü̃gü i ñaa naanewa maxẽxü̃.

Ãẽ̱xgacügü ga guxchaxü̃güarü mexẽxẽruü̃gü 3:11

Rü yemawena rü 40 ga taunecü taguma nayexma ga dai ga yema naanewa. Rü yemawena nayu ga Otonié ga Quená nane.