Ãẽ̱xgacügü ga guxchaxü̃güarü mexẽxẽruü̃gü 3:10 - Tupanaarü Ore

¹⁰ Rü Cori ya Tupanaãxẽ rü Otoniéwa nangu. Rü nüma ga Otonié rü Iraétanüxü̃maxã inacua̱x. Rü inaxũãchi nax Cucháü̃-richataíü̃maxã nügü yadaixü̃. Rü Cori ya Tupana rü pora nüxna naxã rü Cucháü̃-richataíü̃ narüporamae.

Ãẽ̱xgacügü ga guxchaxü̃güarü mexẽxẽruü̃gü 3:10 Referans Kwoze

1 Chamué 11:6

Rü yexguma yema orexü̃ naxĩnügu ga Chaú, rü Tupanaãxẽ nüxna nangu rü poraãcü nanu ga Chaú.

Ãẽ̱xgacügü ga guxchaxü̃güarü mexẽxẽruü̃gü 14:19

Rü yexgumatama ga Cori ya Tupanaãxẽ ya Üünexü̃ rü Chanchóü̃maxã inacua̱x. Rü nüma ga Chanchóü̃ rü ĩane ga Acharóü̃wa naxũ rü 30 ga yatü yexma nayadai. Rü yema napuxü̃xü̃ ga naxchirumaxã nüxü̃́ nanaxütanü ga yema yatügü ga dexa ga ẽxü̃guxü̃arü ngãxü̃gaxü̃ cua̱xgüxü̃. Rü yemawena ga Chanchóü̃ rü nuãcüma nanatüchiü̃ca̱x nataegu.

Ãẽ̱xgacügü ga guxchaxü̃güarü mexẽxẽruü̃gü 14:6

Rü yexgumatama ga Cori ya Tupanaãxẽ rü Chanchóü̃xü̃ naporaxẽxẽ. Rü ñoma wüxi ga chíbuxacüxü̃ yamáxü̃rüxü̃ rü ngexneãcüma yema aixü̃ nima̱x. Natürü ga yema nüxü̃ ngupetüxü̃ rü tama nanatümaxã rü naémaxã nüxü̃ nixu.

Ãẽ̱xgacügü ga guxchaxü̃güarü mexẽxẽruü̃gü 13:25

Rü wüxi ga ngunexü̃gu ga Chanchóü̃ ga yexguma Dáü̃tanüxü̃arü churaragüarü pegüchicawa naxũxgu ga ĩanegü ga Chorá rü Etaóü̃arü ngãxü̃wa, rü Tupanaãxẽ ya Üünecü inanaxügü nax Chanchóü̃maxã inacuáxü̃.

Ãẽ̱xgacügü ga guxchaxü̃güarü mexẽxẽruü̃gü 11:29

Rü Yeténa nangu ga Tupanaãxẽ. Rü nüma ga Yeté rü Garaáxanegu rü Manachétanüxü̃anegu ínayaxüegu, rü Garaáxarü ĩane ga Mispáwa naxüpetü nax Amóü̃tanüxü̃arü naanegu naxücuxü̃ca̱x.

Ãẽ̱xgacügü ga guxchaxü̃güarü mexẽxẽruü̃gü 6:34

Natürü ga Cori ya Tupanaãxẽ ya Üünecü rü Yedeóü̃maxã inacua̱x. Rü nüma ga Yedeóü̃ rü carnéruchata̱xcuxregu nicue nax naxü̃tawa naxĩxü̃ca̱x ga Abiéchetanüxü̃ nax íyaxümücügüãxü̃ca̱x.

Norü taxre ga to ga popera ga ãẽ̱xgacügüchiga ümatüxü̃ 15:1

Cori ya Tupanaãxẽ nüxna naxĩnü ga Acharía ga Odé nane.

Iraétanüxü̃arü muxchiga 24:2

Rü yexguma nüxü̃ nadauyane ga yema Iraétanüxü̃ nax nügütanüxü̃chigüãcüma naxãpatagüxü̃, rü Tupanaãxẽ ya Üünexü̃ rü Balaáü̃na nangu rü namaxã inacua̱x.

Popera ga Yudíugü ga yaxõgüxü̃ca̱x ümatüxü̃ 6:4

Natürü ngẽxguma chi wüxíe Cristuaxü̃́ yaxõxgu, rü chi meama Tupanaxü̃ tacua̱xgu, rü chi Naãxẽ ya Üünexü̃ tüxna nguxgu rü chi mexü̃ tümawa naxü̱xgu, rü chi Tupanaarü orexü̃ tacua̱xgu, rü chi nüxü̃ tacua̱xgu i ngẽma pora i tá ínguxü̃, natürü ngẽxguma chi Cristuna tixũgachigu, rü marü taxucürüwama texé wenaxarü Tupanaca̱x tüxü̃ tataeguxẽxẽ, erü tüma rü ñoma wena Tupana Nanexü̃ curuchawa tayapotaxü̃rüxü̃ tayaxĩxẽxẽ, rü guxü̃ i duü̃xü̃güpe̱xewa ãne nüxü̃ tingexẽxẽ.

Wiyaegü 51:11

¡Rü taxṹ i cugüna choxü̃ cuyáxü̃guxẽxẽxü̃! ¡Rü taxṹ i choxna cuyaxũgachixẽxẽxü̃ i Cuãxẽ i Üünexü̃!

Norü taxre ga to ga popera ga ãẽ̱xgacügüchiga ümatüxü̃ 20:14

Rü yéma nayexma ga wüxi ga chacherdótegüarü ngü̃xẽẽruxü̃ ga Yaachiégu ãégaxü̃. Rü nüma ga Yaachié rü Chacaría nane nixĩ. Rü yema Yaachiéarü o̱xigü rü ñaagü nixĩ: Achá rü Matanía rü Yeié rü Benaía rü Chacaría. Rü nüma ga Yachié rü Tupanaãxẽ nawa nidexa rü ñanagürü:

1 Chamué 16:13

Rü nüma ga Chamué rü nanayaxu ga yema carnéruchatacu̱xre ga chíxü̃maxã ããcuxü̃, rü Dabíerugu nanaba ga naenexẽgüpe̱xewa. Rü yexgumatama ga Tupanaãxẽ rü Dabína nangu rü namaxã inacua̱x. Rü yemawena ga nüma ga Chamué rü narümoxẽ rü norü ĩane ga Ramáca̱x nataegu.

1 Chamué 10:6

Rü ngẽxguma tátama cuxna nangu i Tupanaãxẽ ya Üünecü, rü tá cumaxã inacua̱x naxrüxü̃ i ngẽma togü i Tupanaarü orearü uruü̃gü. Rü tá Tupanaarü oremaxã quidexa rü to i ĩnü tá cuxü̃́ nangẽxma.

Iraétanüxü̃arü muxchiga 27:18

Rü nüma ga Cori ya Tupana rü Moichéxü̃ nangãxü̃ rü ñanagürü: —Yochué i Núü̃ nane rü wüxi i yatü i chauãxẽ nawa ngẽxmaxü̃. ¡Rü naerugu naxǘxme̱x!

Iraétanüxü̃arü muxchiga 11:29

Natürü nüma ga Moiché rü nanangãxü̃ rü ñanagürü: —¿Ẽ̱xna choxü̃ quinuxü̃? ¡Chierüx nüma ya Cori ya Tupana rü guxü̃ma i duü̃xü̃güna nangu̱xẽẽãgu i ngẽma Naãxẽ nax ngẽmaãcü guxü̃ma i duü̃xü̃gü Tupanaarü orearü uruü̃gü yaxĩgüxü̃ca̱x! —ñanagürü.

Iraétanüxü̃arü muxchiga 11:25

Rü yexguma ga nüma ga Cori ya Tupana rü yema caixanexü̃gu ínarüxĩ rü Moichémaxã nidexa. Rü ñu̱xũchi yema Moichéwa yexmaxü̃ ga Naãxẽ ya Üünexü̃ rü yematama Naãxẽ nixĩ ga Tupana nüxna ningu̱xẽẽchigüxü̃ ga yema 70 ga yaxguã̱xgü. Rü yexguma yema 70 ga yaxguã̱xgüna yanguxchigügu ga Naãxẽ ya Üünexü̃ rü inanaxügüe nax yadexagüxü̃ ñoma Tupanaarü orearü uruü̃gürüxü̃. Natürü ga yema rü taguma wena yemaacü namaxã nangupetü ga yema yaxguã̱xgü.

Iraétanüxü̃arü muxchiga 11:17

Rü choma rü tá ngẽxma ícharüxĩ, rü ngéma tá cumaxã chidexa. Rü tá ngẽma ãẽ̱xgacügüna chanaxã i ngẽma Chauãxẽ i cuwa ngẽxmaxü̃ nax nümagü cuxü̃ nangü̃xẽẽgüxü̃ca̱x nax namaxã inacua̱xgüxü̃ i ñaa duü̃xü̃gü. Rü ngẽxguma rü marü taxũtáma cuxica namaxã icucua̱x.

Ãẽ̱xgacügü ga guxchaxü̃güarü mexẽxẽruü̃gü 3:8

Rü yemagagu nixĩ ga Cori ya Tupana ga Iraétanüxü̃maxã nanuxü̃ rü Cucháü̃-richataíü̃ ga Mechopotámiaarü ãẽ̱xgacüme̱xẽwa nayexmagüxẽẽãxü̃. Rü 8 ga taunecü yema ãẽ̱xgacüme̱xẽwa nayexmagü rü nüxü̃́ napuracüe ñu̱xmata wena Cori ya Tupanana nacua̱xãchie rü nüxü̃ naca̱a̱xü̃gü nax ínanguxü̃xẽẽãxü̃ca̱x. Rü nüma ga Cori ya Tupana rü Otoniéxü̃ naxuneta nax Iraétanüxü̃xü̃ ínanguxü̃xẽẽxü̃ca̱x. Rü Otonié rü Quená nane nixĩ. Rü nüma ga Quená rü Caréxenexẽ ga rübumaecü nixĩ.

Ãẽ̱xgacügü ga guxchaxü̃güarü mexẽxẽruü̃gü 3:11

Rü yemawena rü 40 ga taunecü taguma nayexma ga dai ga yema naanewa. Rü yemawena nayu ga Otonié ga Quená nane.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 12:18

Rü Tupanaãxẽ nüxna nangu ga Amachái ga namaxã icuácü ga yema 30 ga Dabíarü churaragü ga rüporamaegüxü̃, rü ñanagürü: —Pa Dabíx Pa Ichaxí Nanex, toma rü curü ngü̃xẽẽruü̃gü tixĩgü, rü tanaxwa̱xe nax mea cuxü̃́ ínanguxuchixü̃ i guxü̃ma i nagu curüxĩnüxü̃wa. Rü tanaxwa̱xe i mea nüxü̃ naxüpetüxü̃ i guxü̃ma i ngẽma cuwa ügüxü̃, erü yimá curü Tupana cuxü̃ narüngü̃xẽxẽ —ñanagürü. Rü yexguma nüma ga Dabí rü nanade rü norü churaragüeruxü̃ nayaxĩgüxẽxẽ.

Ãẽ̱xgacügü ga guxchaxü̃güarü mexẽxẽruü̃gü 11:32

Yeté rü norü churaragümaxã Amóü̃tanüxü̃arü naanegu naxücu, rü nanadai. Rü Cori ya Tupana rü pora nüxna taxã rü yemaca̱x Amóü̃tanüxü̃xü̃ narüporamae.

Ãẽ̱xgacügü ga guxchaxü̃güarü mexẽxẽruü̃gü 15:14

Rü yexguma Leíwa nangugügu ga yema Chanchóü̃xü̃ iyauxgüxü̃, rü nüma ga Firitéugü rü taãẽmaxã aita naxüe. Natürü Cori ya Tupanaãxẽ rü Chanchóü̃maxã inacua̱x, rü yema napana̱xã ga namaxã yana̱i̱xgüãxü̃ rü ñoma tünütarüxü̃ inacaũgü rü napü̱xme̱xẽwa ínayi.

1 Chamué 10:10

Rü yexguma Chaú rü yema norü duü̃xü̃maxã Guibeáwa nangugügu, rü nüxü̃ nadaugü ga yema orearü uruü̃gü ga yexma nügü namaxã nangauxü̃. Rü Tupanaãxẽ rü Chaúna nangu, rü nüma rü ta inanaxügü ga Tupanaarü oremaxã nax yadexaxü̃.