Ãẽ̱xgacügü ga guxchaxü̃güarü mexẽxẽruü̃gü 21:8 - Tupanaarü Ore

⁸ ¿Rü nangẽxma ngürüãchi i Iraé i duü̃xü̃gü ga tama Cori ya Tupanape̱xewa yexmaxü̃ ga Mispáwa ingutaque̱xegügu? —ñanagürügü. Rü nüxna nacua̱xãchie nax yema ngutaque̱xewa natauxexü̃ ga ĩane ga Yabécüã̱xgü ga Garaáxanewa yexmane.

Ãẽ̱xgacügü ga guxchaxü̃güarü mexẽxẽruü̃gü 21:8 Referans Kwoze

Ãẽ̱xgacügü ga guxchaxü̃güarü mexẽxẽruü̃gü 21:7

¿Ta̱xacü ixüexü̃ nax yaxãmaxü̃ca̱x i ngẽma Bẽyamíü̃tanüxü̃ i maxẽxü̃? Yixemagü rü Cori ya Tupanape̱xewa tanaxuegu nax tama inaxwa̱xexü̃ nax taxacügü rü namaxã yaxãtegüxü̃.

Ãẽ̱xgacügü ga guxchaxü̃güarü mexẽxẽruü̃gü 21:9

Rü guxü̃ma ga yema yexmagüxü̃égaca̱x ínacagü, rü yexguma yema ĩanecüã̱xégawa nangugügu rü taxúema tanangãxü̃.

1 Chamué 11:7

Rü yexguma ga Chaú rü taxre ga woca niyaxu rü ãgümücügu nagu nanachaxcu. Rü ñu̱xũchi ñuxre ga orearü ngeruü̃gümaxã guxü̃ ga Iraéanecüã̱xgütanüwa nanamu ga yema namachigü. Rü yema orearü ngeruü̃gü rü ñaa orexü̃ nixuetanü: —Ñaatátama tümaarü wocamaxã taxü ya yíxema tama Chaúwe rü Chamuéwe rüxũxchaü̃xe —ñanagürügü. Rü nüma ga duü̃xü̃gü rü poraãcü namuü̃e rü ñoma wüxitama ga yatürüxü̃ inaxĩãchi, rü Chaúwe rü Chamuéwe narüxĩ.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 10:11

Rü guxü̃ma ga yema Iraéanecüã̱xgü ga ĩane ga Yabécüã̱x ga Garaáxanewa yexmane, rü yexguma nüxü̃ nacua̱xgügu ga yema Firitéugü Chaúmaxã ügüxü̃, rü guxü̃ma ga yema yatügü ga tama muü̃ewa̱xexü̃ rü wüxigu nügümaxã nagu narüxĩnüe nax yadexaxü̃ca̱x ga yema Chaúxü̃ne rü nanegüxü̃ne. Rü Yabéwa nanana. Rü yexma nixĩ ga nata̱xgüãxü̃ ga yema naxü̃negü natüü̃gu ga wüxi ga castaña. Rü yemawena 7 ga ngunexü̃ naxauree.

Ãẽ̱xgacügü ga guxchaxü̃güarü mexẽxẽruü̃gü 5:23

Rü Tupanaarü orearü ngeruxü̃ i daxũcüã̱x rü chixexü̃ namaxã naxuegu ga guma ĩane ya Merú yerü tama Tupanaarü churaragüxü̃ narüngü̃xẽẽgü ga yexguma nügü nadaixgu.

1 Chamué 11:9

Rü yemawena rü yema duü̃xü̃gü ga Yabécüã̱xgü ga orearü ngeruü̃güxü̃ ñanagürü: —¡Namaxã nüxü̃ pixu i duü̃xü̃gü i Yabécüã̱xgü rü moxü̃ tocuchigu tá ngéma tangugü nax ítanapoxü̃xü̃ca̱x! —ñanagürü. Rü yema duü̃xü̃gü rü natanüxü̃ ga Yabécüã̱xgümaxã nüxü̃ narüxugüe ga yema ore. Rü nümagü rü poraãcü nataãẽgüxüchi.