Ãẽ̱xgacügü ga guxchaxü̃güarü mexẽxẽruü̃gü 21:6 - Tupanaarü Ore

⁶ Nümagü i Iraétanüxü̃ rü poraãcüma naxca̱x nangechaü̃gü ga yema naenexẽgü ga Bẽyamíü̃tanüxü̃xü̃ ngupetüxü̃, rü ñanagürügü: —Ñaa ngunexü̃gu rü Iraétanüxü̃tanüwa inayarüxo i wüxitücumü.

Ãẽ̱xgacügü ga guxchaxü̃güarü mexẽxẽruü̃gü 21:6 Referans Kwoze

Ãẽ̱xgacügü ga guxchaxü̃güarü mexẽxẽruü̃gü 21:15

Rü nümagü ga Iraétanüxü̃ rü poraãcü Bẽyamíü̃tanüxü̃ca̱x nangechaxü̃gü, yerü Cori ya Tupana rü nanatauxchicaxẽxẽ ga wüxitücumü ga Iraétanüxü̃.

Ochéa 11:8

Natürü taxucürüwa pexna chixũgachi, Pa Efraíü̃tanüxü̃x. Rü taxucürüwa pexü̃ íchawogü, Pa Iraéanecüã̱xgüx. Rü taxucürüwa pexü̃ chadai yexgumarüxü̃ ga yema Axmácüã̱xgüxü̃ chadaixgurüxü̃. Rü taxucürüwama pexü̃ charüxoxẽxẽ guma ĩane ga Cheboíü̃xü̃ charüxoxẽẽxü̃rüxü̃. Erü daa chorü maxü̃newa rü pexü̃ changechaü̃ rü íchamemare nax choxü̃́ pengechaü̃tümüxü̃güxü̃.

2 Chamué 2:26

Rü ñu̱xũchi nüma ga Abnéx rü tagaãcü yéma Yoána nacagü rü ñanagürü: —Marütama nax yigütanüxü̃watama yigü idaixü̃. ¡Rü namaxã nüxü̃ ixu i curü churaragü rü marütama nax naenexẽgüwe yangexü̃tanüxü̃! ¿Tama ẽ̱xna nüxü̃ cucua̱x nax ñaa rü ngúxü̃ rü ngechaü̃xica tá taxca̱x ínanguxẽxẽxü̃? —ñanagürü.

Ãẽ̱xgacügü ga guxchaxü̃güarü mexẽxẽruü̃gü 11:35

Rü nüma ga Yeté rü yexguma ngĩxü̃ nada̱u̱xgu rü nügü narügáutechiru norü ngechaü̃maxã rü ñanagürü ngĩxü̃: —¡Acha̱xa Pa Chauxacüx, taxüchixü̃ i ngúxü̃ choxna cuxã! Rü cuma nixĩ i ñaa ngúxü̃ choxü̃ quingexẽẽxü̃. Erü choma rü wüxi i uneta Cori ya Tupanamaxã chaxü, rü taxucürüwama chanawomüxẽxẽ —ñanagürü.

Ãẽ̱xgacügü ga guxchaxü̃güarü mexẽxẽruü̃gü 21:5

Rü nügüna nacagüe rü ñanagürügü: —¿Texé ga tatanüwa tataxu nawa ga yema ngutaque̱xe ga Mispáwa ixügüxü̃? Yerü yema ngutaque̱xewa rü Tupanape̱xewa tanaxuegugü nax tüxü̃ ida̱i̱xü̃ ga guxema taxue nawa ga yema ngutaque̱xe —ñanagürügü.

Ãẽ̱xgacügü ga guxchaxü̃güarü mexẽxẽruü̃gü 21:7

¿Ta̱xacü ixüexü̃ nax yaxãmaxü̃ca̱x i ngẽma Bẽyamíü̃tanüxü̃ i maxẽxü̃? Yixemagü rü Cori ya Tupanape̱xewa tanaxuegu nax tama inaxwa̱xexü̃ nax taxacügü rü namaxã yaxãtegüxü̃.