Ãẽ̱xgacügü ga guxchaxü̃güarü mexẽxẽruü̃gü 21:5 - Tupanaarü Ore

⁵ Rü nügüna nacagüe rü ñanagürügü: —¿Texé ga tatanüwa tataxu nawa ga yema ngutaque̱xe ga Mispáwa ixügüxü̃? Yerü yema ngutaque̱xewa rü Tupanape̱xewa tanaxuegugü nax tüxü̃ ida̱i̱xü̃ ga guxema taxue nawa ga yema ngutaque̱xe —ñanagürügü.

Ãẽ̱xgacügü ga guxchaxü̃güarü mexẽxẽruü̃gü 21:5 Referans Kwoze

Ãẽ̱xgacügü ga guxchaxü̃güarü mexẽxẽruü̃gü 5:23

Rü Tupanaarü orearü ngeruxü̃ i daxũcüã̱x rü chixexü̃ namaxã naxuegu ga guma ĩane ya Merú yerü tama Tupanaarü churaragüxü̃ narüngü̃xẽẽgü ga yexguma nügü nadaixgu.

Yeremía 48:10

¡Rü chixexü̃ tümamaxã naxuegu ya yíxema tama naxǘxe i ngẽma puracü i Cori ya Tupana tüxü̃ üxẽẽxü̃! ¡Rü chixexü̃ tümamaxã naxuegu ya yíxema tama naxüxchaü̃xe nax curü duü̃xü̃güxü̃ tadaixü̃!

1 Chamué 11:7

Rü yexguma ga Chaú rü taxre ga woca niyaxu rü ãgümücügu nagu nanachaxcu. Rü ñu̱xũchi ñuxre ga orearü ngeruü̃gümaxã guxü̃ ga Iraéanecüã̱xgütanüwa nanamu ga yema namachigü. Rü yema orearü ngeruü̃gü rü ñaa orexü̃ nixuetanü: —Ñaatátama tümaarü wocamaxã taxü ya yíxema tama Chaúwe rü Chamuéwe rüxũxchaü̃xe —ñanagürügü. Rü nüma ga duü̃xü̃gü rü poraãcü namuü̃e rü ñoma wüxitama ga yatürüxü̃ inaxĩãchi, rü Chaúwe rü Chamuéwe narüxĩ.

Ãẽ̱xgacügü ga guxchaxü̃güarü mexẽxẽruü̃gü 21:18

Natürü yixemagü rü taxucürüwama ta̱xacügümaxã tayaxü̱xma̱xgü. Yerü yixema i guxãma i Iraétanüxü̃ rü tanaxuegugü nax taxúxetáma Bẽyamíü̃tanüxü̃xü̃ ümaxü̃, rü texé ya tatanüwa Bẽyamíü̃tanüxü̃xü̃ ümáxe rü Tupana rü tá chixexü̃ tümamaxã naxuegu.

Ãẽ̱xgacügü ga guxchaxü̃güarü mexẽxẽruü̃gü 21:1

Rü Iraétanüxü̃ rü Mispáwa nügümaxã nanaxuegugü nax tama nanaxwa̱xegüxü̃ nax naxacügü rü Bẽyamíü̃tanüxü̃maxã yaxãtexü̃.

Ãẽ̱xgacügü ga guxchaxü̃güarü mexẽxẽruü̃gü 21:6

Nümagü i Iraétanüxü̃ rü poraãcüma naxca̱x nangechaü̃gü ga yema naenexẽgü ga Bẽyamíü̃tanüxü̃xü̃ ngupetüxü̃, rü ñanagürügü: —Ñaa ngunexü̃gu rü Iraétanüxü̃tanüwa inayarüxo i wüxitücumü.

1 Chamué 14:24

Natürü yema ngunexü̃gu ga Iraéanecüã̱xgü rü poraãcüxüchima nipae, yerü taguma nachibüe, yerü nüma ga Chaú rü norü churaragümaxã nanaxuegu rü ñanagürü: —Chixexü̃ tüxü̃ ngupetü ya yíxema õna ngṍxe naxü̃pa nax nayáuanexü̃, rü naxü̃pa nax chanadaixü̃ i chorü uanügü —ñanagürü.