Ãẽ̱xgacügü ga guxchaxü̃güarü mexẽxẽruü̃gü 21:4 - Tupanaarü Ore

⁴ Moxü̃ãcü pa̱xmama ga Iraétanüxü̃ rü ẽxü̃wama ínarüdagü, rü wüxi ga ãmarearü guruxü̃ naxügü. Rü yemawa Cori ya Tupanaca̱x ínanagu ga norü ãmaregü nax yemaacü Tupana namaxã irüngüxmüxü̃ca̱x.

Ãẽ̱xgacügü ga guxchaxü̃güarü mexẽxẽruü̃gü 21:4 Referans Kwoze

2 Chamué 24:25

Rü yema naanegu nanaxü ga ãmarearü guruxü̃ naxca̱x ga Cori ya Tupana. Rü yemawa ínanagu ga ãmaregü ga Cori ya Tupanaarü ngüxmüxẽẽruxü̃. Rü yexguma ga Cori ya Tupana rü Dabíaxü̃́ nüxü̃ naxĩnü ga yema norü yumüxẽwa naxca̱x ínacaxü̃ nax nachixü̃aneétüwa nachogüxü̃. Rü yexguma inayarüxo ga yema da̱xaweane ga Iraéanewa.

Popera ga Yudíugü ga yaxõgüxü̃ca̱x ümatüxü̃ 13:10

Rü yixema nax yaxõgüxü̃ tüxü̃́ nangẽxma ya Cristu ga tórü pecaduca̱x yucü. Natürü yema chacherdótegü i Tupanapatawa puracüexü̃ rü tama nüxna naxǘ nax nanayauxgüãxü̃ i ngẽma ngü̃xẽxẽ i Cristu tüxna ãxü̃.

Ochéa 5:15

Rü ñu̱xũchi chopataca̱x tá chataegu, rü ngéma tá changexma ñu̱xmatáta nümatama nüxü̃ yacua̱xãchitanü nax chixexü̃ naxügüxü̃. Rü ngẽxguma ngúxü̃ yangegügu rü tá aixcüma cha̱u̱xca̱x nada̱u̱xgu —ñanagürü ga Tupana.

Nüxíraxü̃xü̃ ga popera ga ãẽ̱xgacügüchiga 8:64

Rü yematama ga ngunexü̃gu nüma ga ãẽ̱xgacü rü Tupaname̱xẽgu nanaxǘ ga yema naxã̱xtü ga Cori ya Tupanapata ya taxü̃nepe̱xewa yexmaxü̃. Rü yéma naxa̱xtüwa Tupanaca̱x ínanagu ga naxü̃nagü rü ãmaregü ga chebáda rü trigu rü norü chíxü̃ ga yema naxü̃nagü ga nada̱i̱xü̃ nax Tupanaxü̃ nataãẽxẽẽgüxü̃ca̱x. Yerü yema ãmarearü guruxü̃ ga bróũchenaxca̱x ga Tupanapata ga taxü̃nepe̱xewa yexmaxü̃ rü naxíra naxca̱x ga guxü̃ma ga yema ãmaregü ga íguxü̃ nax yemaacü Cori ya Tupanaxü̃ nataãẽxẽẽgüxü̃ca̱x.

2 Chamué 24:18

Rü yematama ngunexü̃gu rü Dabíxü̃tawa naxũ ga Gáx, rü namaxã nüxü̃ nixu nax Cori ya Tupanaca̱x naxüaxü̃ i wüxi i ãmarearü guruxü̃ nagu ga yema nachica ga Aráuna ga Yebútanüxü̃ trigu nawa púxü̃.

Ãẽ̱xgacügü ga guxchaxü̃güarü mexẽxẽruü̃gü 6:26

Rü ñu̱xũchi chanaxwa̱xe i yima ma̱xpǘnetape̱xegu cha̱u̱xca̱x cunaxü i wüxi i ãmarearü guruxü̃. ¡Rü ngẽmawena rü yama̱x i ngẽma woca i 7 ya taunecü nüxü̃́ ngẽxmaxü̃ rü cha̱u̱xca̱x yagu! ¡Rü ngẽma tupananetachicüna̱xã i cutúxü̃xü̃maxã naxüxüxü̃! —ñanagürü ga Tupana.

Wenaxarü naxümatü ga Tupanaarü mugü 12:5

Rü Tupana rü petanüwa tá nüxü̃ naxuneta i wüxi i nachica nax nawa namaxü̃xü̃ca̱x. Rü pema rü tá ngẽma nachicawa pexĩ nax ngéma nüxü̃ picua̱xüü̃güxü̃ca̱x.

Ãẽ̱xgacügü ga guxchaxü̃güarü mexẽxẽruü̃gü 21:3

“¡Pa Corix, Pa Torü Tupanax! ¿Tü̱xcüü̃ ñaa toxü̃ nangupetü? ¿Ta̱xacüca̱x ngẽmaãcü tomaxã nangupetü i ñu̱xma nax wüxitücumü i totanüxü̃ i Iraétanüxü̃ natauxexü̃?” ñanagürügü.

1 Chamué 7:17

Rü ñu̱xũchi norü ĩane ga Ramáca̱x nataeguü̃xü̃, yerü yexma nixĩ ga naxãchiü̃xü̃. Rü yéma nixĩ ga Iraéanecüã̱xgümaxã inacuáxü̃. Rü yexma nanaxü ga Cori ya Tupanaarü ãmarearü guruxü̃ ga nawa naxü̃nagü ínaguxü̃.

Ãẽ̱xgacügü ga guxchaxü̃güarü mexẽxẽruü̃gü 6:24

Rü yexguma ga Yedeóü̃ rü yema nachicagu Tupanaca̱x nanaxü ga wüxi ga ãmarearü guruxü̃. Rü “Cori ya Tupana rü tamaxã narüngüxmü”, ñaxü̃gu nanaxüéga. Rü ngẽma ãmarearü guruxü̃ rü ñu̱xmarüta rü Ofáwa nangẽxma ya Abiéchetanüxü̃arü ĩanewa.

Ãẽ̱xgacügü ga guxchaxü̃güarü mexẽxẽruü̃gü 20:26

Rü yemaca̱x ga Iraétanüxü̃ rü wenaxarü Betéca̱x nawoegu rü yéma nayaxauxe nape̱xewa ga Tupana. Rü yema ngunexü̃ rü tama nachibüeãcü yéma nayumüxẽgü ñu̱xmata nachüta. Rü yéma Tupanaca̱x ínanagugü ga naeü̃gü rü ãmaregü Tupanaarü ngüxmüxẽẽruxü̃.