Ãẽ̱xgacügü ga guxchaxü̃güarü mexẽxẽruü̃gü 20:6 - Tupanaarü Ore

⁶ Rü yexguma ga choma rü chanayaxu ga ngĩxĩne rü 12 gu ichanachexü̃gü. Rü guxü̃ma ga Iraétanüxü̃arü naanewa chanamu ga ngĩmachi nax ngẽmaãcü nüxü̃ nacua̱xgüxü̃ca̱x i guxü̃ma i Iraétanüxü̃ ga yema máeta ga poraãcü chixexü̃ ga naxügüxü̃ ga Bẽyamíü̃tanüxü̃.

Ãẽ̱xgacügü ga guxchaxü̃güarü mexẽxẽruü̃gü 20:6 Referans Kwoze

Ãẽ̱xgacügü ga guxchaxü̃güarü mexẽxẽruü̃gü 19:29

Rü yexguma napatawa nanguxgu rü wüxi ga cüxchi ngĩxü̃ nayaxu rü 12 gu inananawíü̃gü ga ngĩxü̃ne ga yema nge. Rü guxü̃ma ga Iraétanüxü̃tücumügüarü naanegu nayanu ga ngĩmachi.

Ãẽ̱xgacügü ga guxchaxü̃güarü mexẽxẽruü̃gü 19:23

Natürü ga guxema ĩpataarü yora rü nüxü̃ ñatagürü: —¡Taxṹ, Pa Chomücügüx, i chixexü̃gu perüxĩnüexü̃! ¡Taxṹ i penaxüxü̃ i ngẽma chixexü̃! Erü yima yatü rü choma nüxna chaxu nax chopatawa nanguxü̃ca̱x.

Yochué 7:15

Rü yíxema tümaxü̃tagu nüxü̃ iyangaugüxe i ngẽma ngẽmaxü̃gü ga chachu̱xuxü̃, rü tá tüxü̃ nigugü namaxã i tümaxacügü rü guxü̃ma i tümaarü ngẽmaxü̃gü, erü tümagagu chixexü̃ naxca̱x ínangu i Iraétanüxü̃, erü tama naga taxĩnü i chorü mu —ñanagürü ga Tupana.

Naanearü ügüchiga 34:7

Rü yexguma Acóbu nanegü naanewa ne ĩxgu rü nüxü̃ nacuáchigagügu ga yema ngupetüxü̃, rü poraãcüma nanue. Yerü yema Chiquéü̃ Dínamaxã üxü̃ rü Iraéca̱x rü wüxi ga taxü̃ma ga dauxcüraü̃ nixĩ, rü ñu̱xũchi poraãcüma chu̱xuxü̃ nixĩ.

Ãẽ̱xgacügü ga guxchaxü̃güarü mexẽxẽruü̃gü 20:10

Rü guxü̃ma i tórü churaragütücumüwa rü ngẽma 100 chigü i churaragütanüwa rü tá nüxü̃ taxuneta i 10 i yatügü nax õnaca̱x nadaugüxü̃ naxca̱x i churaragü. Rü ngẽma 1,000 chigü i churaragütanüwa rü tá nüxü̃ taxuneta i 100 i yatügü nax õnaca̱x nadaugüxü̃. Rü ngẽma 10,000 chigü i churaragütanüwa rü tá nüxü̃ taxuneta i 1,000 i yatügü nax õnaca̱x nadaugüxü̃. Rü ngẽma togü i churaragü rü tá inaxĩãchi nax Guibeácüã̱xü̃ yadaixü̃ naxca̱x ga yema máeta ga chixexü̃chixü̃ ga naxügüxü̃ nua Iraétanüxü̃arü naanewa —ñanagürügü.

Lebítanüxü̃arü puracüchiga 18:24

¡Rü taxṹ i ngexü̃rüü̃xü̃ i ngẽma nacümagümaxã pegü pechixexẽẽxü̃! Erü ngẽma nacümagümaxã nixĩ ga nügü yachixexẽẽxü̃ i ngẽma duü̃xü̃gütücumügü i pepe̱xewa tá íchawoxü̃xü̃.

Lebítanüxü̃arü puracüchiga 18:30

Rü ngẽmaca̱x name i aixcüma nagu pemaxẽ i ngẽma chorü mugü. ¡Rü taxṹ i nagu peyi i ngẽma nacümagü i chixexü̃ ga yema pexü̃pa nüxíra ngẽma naanewa maxẽxü̃ ügüxü̃! ¡Rü taxṹ i ngẽmamaxã pegü pexãũãchixẽxẽxü̃! Erü choma nixĩ i perü Cori ya Tupana chixĩxü̃” —ñanagürü ga Cori ya Tupana.

Ãẽ̱xgacügü ga guxchaxü̃güarü mexẽxẽruü̃gü 19:22

Rü yexguma ínataãẽgüyane, rü ñuxre ga yatügü ga chixexü̃gu maxẽxü̃ ga guma ĩanewa rü o̱xipataxü̃ ínachomaeguãchi rü norü ĩã̱xwa nanacua̱i̱xcagü, rü ñanagürügü o̱xixü̃: —¡Ínamuxũchi i ngẽma yatü i cuxü̃tawa nguxü̃! Erü tanaxwa̱xe nax namaxã ngúchaü̃ taxüexü̃ —ñanagürügü.