Ãẽ̱xgacügü ga guxchaxü̃güarü mexẽxẽruü̃gü 2:7 - Tupanaarü Ore

⁷ Rü yexguma Yochué maxü̱̃xgu rü nüma ga yema Iraétanüxü̃ rü mea Tupanaga naxĩnüe rü naxca̱x namaxẽ. Rü woo ga Yochuéwena rü mea naga naxĩnüe ga yexguma taxũta nayuegu ga yema Iraétanüxü̃arü yaxguã̱xgü ga nüxü̃ daugüxü̃ ga yema taxü̃ ga mexü̃gü ga Cori ya Tupana naxca̱x üxü̃.

Ãẽ̱xgacügü ga guxchaxü̃güarü mexẽxẽruü̃gü 2:7 Referans Kwoze

Filipenses 2:12

Rü ngẽmaca̱x chanaxwa̱xe i chauga pexĩnüe, Pa Chauenexẽgü ya Pexü̃ Changechaü̃güxe. Rü yéma petanüwa chayexmagu chauga nax pexĩnüexü̃arü yexera chanaxwa̱xe i chauga pexĩnüe i ñu̱xma nax tama petanüwa changexmaxü̃. Rü chanaxwa̱xe i Tupanaxü̃ pemuü̃ẽãcüma pegü peporaexẽxẽ nax nawe perüxĩxü̃ i ngẽma ore i maxü̃ tüxna ãxü̃.

Yochué 24:31

Rü yexguma Yochué maxü̱̃xgu rü nüma ga yema Iraétanüxü̃ rü mea Cori ya Tupanaga naxĩnüe. Rü woo ga Yochuéwena rü mea naga naxĩnüe ga yexguma taxũta nayuegu ga yema Iraétanüxü̃arü yaxguã̱xgü ga nüxü̃ icuáxü̃ ga guxü̃ma ga yema Cori ya Tupana nũxcüma naxca̱x üxü̃.

Norü taxre ga to ga popera ga ãẽ̱xgacügüchiga ümatüxü̃ 24:2

Rü yexguma namaxü̃gu ga chacherdóte ga Yoiadá rü guxü̃ma ga yema Yoá üxü̃ rü Cori ya Tupanape̱xewa rü name.

Norü taxre ga popera ga ãẽ̱xgacügüchiga 12:2

Rü yema naxüxü̃ ga Yoá rü name ga Cori ya Tupanape̱xewa, yerü nüma ga chacherdóte ga Yoiadá rü mexü̃maxã nanaxucu̱xẽ.

Ãẽ̱xgacügü ga guxchaxü̃güarü mexẽxẽruü̃gü 2:6

Rü yexguma Yochué Iraétanüxü̃xü̃ íyamugügu, rü wüxichigü ga natücumü rü ínixĩ nax nayauxgüãxü̃ca̱x ga yema norü naane ga nüxna üxü̃.

Ãẽ̱xgacügü ga guxchaxü̃güarü mexẽxẽruü̃gü 2:8

Rü nüma ga Yochué rü nayu ga yexguma 110 ga taunecü nüxü̃́ yexmagu.

Ãẽ̱xgacügü ga guxchaxü̃güarü mexẽxẽruü̃gü 2:17

Natürü nümagü ga Iraétanüxü̃ rü tama naga naxĩnüe ga yema ãẽ̱xgacügü. Rü yexgumarüxü̃ ta tama Cori ya Tupanaga naxĩnüe, rü togümare ga tupanagüxü̃ nicua̱xüü̃gü. Rü nũxcüma ga guxema norü o̱xigü rü Tupanaarü mugüga taxĩnüe, natürü i nümagü rü tama norü o̱xigücümagu naxĩ.