Ãẽ̱xgacügü ga guxchaxü̃güarü mexẽxẽruü̃gü 2:5 - Tupanaarü Ore

⁵ Rü yemaca̱x ga yema nachica rü Boquíü̃gu nanaxüégagü. Rü yema nachicawa Tupanaca̱x ínanagugü ga ãmaregü.

Ãẽ̱xgacügü ga guxchaxü̃güarü mexẽxẽruü̃gü 2:5 Referans Kwoze

1 Chamué 7:9

Rü nüma ga Chamué rü wüxi ga carnéruxacü tüxü̃ nima̱x rü guxema Cori ga Tupanaca̱x tüxü̃ nigu. Rü ñu̱xũchi Cori ya Tupanana naca nax Iraétanüxü̃xü̃ nangü̃xẽẽxü̃ca̱x. Rü nümax ga Cori ya Tupana rü Chamuéxü̃ nangãxü̃.

Ãẽ̱xgacügü ga guxchaxü̃güarü mexẽxẽruü̃gü 13:19

Rü nüma ga Manóa rü wüxi ga chíbuxacü niyaxu rü ñuxre ga trigu nayaxu, rü ñu̱xũchi wüxi ga nutaétügu nananugü nax Tupanana ãmare naxãxü̃ca̱x. Rü yéma Cori ya Tupanaca̱x nayagu. Rü yexguma ga nüma ga Tupana rü Manóape̱xewa rü naxma̱xpe̱xewa nüxü̃ nüxü̃ nadauxẽxẽ ga wüxi ga cua̱xruxü̃ ga mexẽchixü̃.

Ãẽ̱xgacügü ga guxchaxü̃güarü mexẽxẽruü̃gü 6:24

Rü yexguma ga Yedeóü̃ rü yema nachicagu Tupanaca̱x nanaxü ga wüxi ga ãmarearü guruxü̃. Rü “Cori ya Tupana rü tamaxã narüngüxmü”, ñaxü̃gu nanaxüéga. Rü ngẽma ãmarearü guruxü̃ rü ñu̱xmarüta rü Ofáwa nangẽxma ya Abiéchetanüxü̃arü ĩanewa.

Yochué 7:26

Rü yemawena rü nutagü naétüwa nanawogü. Rü gumá nutagü rü ñu̱xma rü ta ngẽxma naxãũxchita. Rü ngẽmaca̱x i ñu̱xmax i ngẽma nachica rü Acóxarü doxonexü̃gu naxãéga. Rü yemaacü Iraétanüxü̃maxã narüngüxmü ga Cori ya Tupana.

Naanearü ügüchiga 35:8

Rü yema nachicagu ta nixĩ ga nayuxü̃ ga Débora ga Rebécaarü dauruxü̃, rü nai ga taxü̃ ga Betéarü ngaicamawa yexmaxü̃tüü̃gu ngĩxü̃ nata̱xgü. Rü yemaca̱x ga Acóbu rü yema nachica rü Nai i Taxü̃gu nanaxüéga.

Ãẽ̱xgacügü ga guxchaxü̃güarü mexẽxẽruü̃gü 2:1

Rü Tupanaarü orearü ngeruxü̃ i dauxü̃cüã̱x rü Guirigáwa inaxũãchi rü Boquíü̃wa naxũ rü yéma Iraétanüxü̃xü̃ ñanagürü: —Choma nixĩ ga Equítuanewa pexü̃ íchagaxü̃, rü ñaa naane ga perü o̱xigümaxã nüxü̃ chixuxü̃wa pexü̃ chagagüxü̃. Yerü yexguma perü o̱xigümaxã nüxü̃ chixuxgu rü ñachagürü: “Ngẽma chorü uneta i pemaxã nüxü̃ chixuxü̃ rü tagutáma ichayanaxoxẽxẽ. Natürü tama chanaxwa̱xe i pema nax ta̱xacürü uneta namaxã pexügüxü̃ i ngẽma duü̃xü̃gü i ngéma maxẽxü̃. Rü ngẽma chanaxwa̱xexü̃ nixĩ nax nagu pepogüexü̃ i ngẽma norü ãmarearü guruü̃gü”, ñachagürü. Natürü i pema rü tama chauga pexĩnüe. ¡Rü dücax, nüxü̃ peda̱u̱x i ngẽma pexüxü̃!

Ãẽ̱xgacügü ga guxchaxü̃güarü mexẽxẽruü̃gü 2:4

Rü yexguma yagúegagu ga yema Tupanaarü orearü ngeruxü̃ i dauxü̃cüã̱x, rü guxü̃ma ga Iraétanüxü̃ rü naxauxe rü tagaãcü aita naxüe.

Ãẽ̱xgacügü ga guxchaxü̃güarü mexẽxẽruü̃gü 2:6

Rü yexguma Yochué Iraétanüxü̃xü̃ íyamugügu, rü wüxichigü ga natücumü rü ínixĩ nax nayauxgüãxü̃ca̱x ga yema norü naane ga nüxna üxü̃.