Ãẽ̱xgacügü ga guxchaxü̃güarü mexẽxẽruü̃gü 2:4 - Tupanaarü Ore

⁴ Rü yexguma yagúegagu ga yema Tupanaarü orearü ngeruxü̃ i dauxü̃cüã̱x, rü guxü̃ma ga Iraétanüxü̃ rü naxauxe rü tagaãcü aita naxüe.

Ãẽ̱xgacügü ga guxchaxü̃güarü mexẽxẽruü̃gü 2:4 Referans Kwoze

Popera ga Chantiágu ümatüxü̃ 4:9

¡Pegümaxã pengechaü̃gü rü pexauxe erü pipecaduã̱xgü! Rü yíxema ñu̱xma chixexü̃gagu cugüexe rü name nixĩ i tügümaxã taxauxe. Rü yíxema chixexü̃maxã taãẽgüxe, rü name nixĩ i Tupanape̱xewa tügümaxã tangechaü̃gü.

2 Corintios 7:10

Rü ngẽma ngechaü̃ ya Tupana pexca̱x ínguxẽẽxü̃, rü ngẽmagagu nüxü̃ perüxoe i pecüma i chixexü̃ rü penayaxu i maxü̃ i taguma gúxü̃. Rü ngẽmaca̱x taxuca̱xma tü̱xcüü̃ pexoegaãẽgü. Natürü ngẽma ngechaü̃ i ñoma i naanewa ngẽxmaxü̃ rü yuwa tüxü̃ naga.

Ore i mexü̃ ga Luca ümatüxü̃ 7:38

Rü naxauxãcüma Ngechuchucutüxü̃tawa iyarütoxõchi. Rü ngĩxgüxü̃xetümaxã iyawaicutüxẽxẽ. Rü ngĩyaemaxã ínapicutü, rü inachúxcutü. Rü ñu̱xũchi yema pumaramaxã inachacutü.

Ore i mexü̃ ga Luca ümatüxü̃ 6:21

¡Rü petaãxẽgü i pemax i ñu̱xma taiyaexe! Erü yixcama rü tá meama pingãxcharaü̃gü. ¡Rü petaãxẽgü i pemax i ñu̱xma ngechaü̃güxe! Erü yixcama rü tá taãẽãcüma pecugüe.

Chacaría 12:10

Rü ngẽma Dabítaagütanüwa rü Yerucharéü̃cüã̱xgütanüwa tá chanamu i Chauãxẽ i Üünexü̃ nax yamecümaxü̃ca̱x rü nayumüxẽgüwa̱xegüxü̃ca̱x i ngẽma Dabítanüxü̃ rü ngẽma Yerucharéü̃cüã̱xgü. Rü ngẽxguma tá nüxü̃ nadaugügu ya yima nacanapacütüxü̃güãcü rü tá nangechaü̃gü. Rü naxca̱x tá naxauxe ñoma wüxi i nane i nügümaxã wüxicacüca̱x naxauxexü̃rüxü̃. Rü ñoma nüxíraü̃cü ya nane yu̱xguca̱x naxauxegurüxü̃ tá naxca̱x naxauxe.

Yeremía 31:9

Rü nümagü rü tá inaxĩãchi, rü tá niyumü̃xẽtanü rü nixauxetanü. Rü ngẽmaãcü tá ínangugü. Rü choma rü natügü íngexmaxü̃gu tá chayagagü nagu i wüxi i nama i mexü̃ i ngexta nataxuma i ãũcümaxü̃. Erü choma rü nanatü chixĩ i ngẽma Iraétanüxü̃. Rü Efraíü̃tanüxü̃ rü chaune ya yacüxü̃ nixĩ.

Ucu̱xẽgüchiga 17:10

Rü yimá naãẽxü̃ cuácü, rü nüxü̃́ name i wüxi i ucu̱xẽ. Natürü ngẽma tama naãẽxü̃ cuáxü̃, rü woo 100 i cua̱xi i nüxna ixãxgu rü nüxü̃́ nanataxuraxü̃.

Édra 10:1

Rü yexguma Édra ñaxtüanegu nayangücuchigu norü to̱xma̱xtawa ga guma Tupanapata ga taxü̃ne, rü yéma naxauxãcüma nayumüxẽ, rü Tupanamaxã nüxü̃ nixu ga duü̃xü̃güarü chixexü̃gü. Rü yexgumayane yéma nangugü ga muxü̃ma ga Iraétanüxü̃ ga yatügü, rü ngexü̃gü, rü buxü̃gü, rü Édraxü̃tagu nangutaque̱xe rü wüxigu poraãcü naxauxe.

1 Chamué 7:6

Rü nüma ga Iraéanecüã̱xgü rü Mispágu nangutaque̱xegü. Rü yéma puchuwa dexá ta nayauxü̃gü, rü Cori ya Tupanape̱xegu nanabagü norü ãmareruxü̃. Rü yema ga ngunexü̃gu rü naxauree rü tama nachibüe. Rü guxü̃ma ga duü̃xü̃gü rü nüxü̃ nixugüe nax chixexü̃ naxügüxü̃ ga Tupanape̱xewa. Rü yéma Mispáwa nixĩ ga Chamué ga inaxügüãxü̃ ga Iraéanecüã̱xgümaxã inacuáxü̃.

Ãẽ̱xgacügü ga guxchaxü̃güarü mexẽxẽruü̃gü 2:3

Ngẽmaca̱x ñu̱xmax rü pemaxã nüxü̃ chixu: “Rü taxũtáma pepe̱xewa íchanawoxü̃ i ngẽma duü̃xü̃gü. Rü nümagü rü ñu̱xmachi norü tupananetagü rü wüxi i perü toxyepe̱xeruxü̃ tá nixĩgü”, pemaxã nüxü̃ chixu —ñanagürü.

Ãẽ̱xgacügü ga guxchaxü̃güarü mexẽxẽruü̃gü 2:5

Rü yemaca̱x ga yema nachica rü Boquíü̃gu nanaxüégagü. Rü yema nachicawa Tupanaca̱x ínanagugü ga ãmaregü.

1 Chamué 11:4

Rü ñuxre ga yema Yabécüã̱x rü guma ĩane ga Guibeá ga Chaú nawa yexmanewa nanangegü ga yema ore. Rü duü̃xü̃gümaxã nüxü̃ nixugüe ga yema Yabéwa ngupetüxü̃. Rü yexguma nüxü̃ naxĩnüegu rü guxü̃ma ga duü̃xü̃gü rü poraãcü naxauxe.

Joel 2:12

Natürü nüma ya Cori ya Tupana rü ñanagürü: —Ñu̱xma rü chanaxwa̱xe nax guxü̃ma i perü ngúchaü̃maxã cha̱u̱xca̱x pewoeguxü̃. ¡Rü cha̱u̱xca̱x pexaureegü rü pegümaxã pengechaxü̃gü rü pexauxe! —ñanagürü.