Ãẽ̱xgacügü ga guxchaxü̃güarü mexẽxẽruü̃gü 2:21 - Tupanaarü Ore

²¹ Rü ngẽmaca̱x i choma rü taxunetáma ya ĩane Iraétanüxü̃pe̱xewa tá íchawoxü̃ãcu ga guma ĩanegü ga Yochué tama íwoxü̃ãcune naxü̃pa ga nax nayu̱x —ñanagürü.

Ãẽ̱xgacügü ga guxchaxü̃güarü mexẽxẽruü̃gü 2:21 Referans Kwoze

Ãẽ̱xgacügü ga guxchaxü̃güarü mexẽxẽruü̃gü 2:3

Ngẽmaca̱x ñu̱xmax rü pemaxã nüxü̃ chixu: “Rü taxũtáma pepe̱xewa íchanawoxü̃ i ngẽma duü̃xü̃gü. Rü nümagü rü ñu̱xmachi norü tupananetagü rü wüxi i perü toxyepe̱xeruxü̃ tá nixĩgü”, pemaxã nüxü̃ chixu —ñanagürü.

Echequié 20:24

Yerü nümagü rü tama nagu namaxẽ ga yema chorü mugü rü nüxü̃ naxoe. Rü yexguma ngü̃xchigaarü ngunexü̃wa nanguxgu rü tama choxü̃ nicua̱xüü̃gü. Rü yema naxchicüna̱xãgü ga nanatügü nüxü̃ icua̱xüü̃güxü̃ama nicua̱xüü̃gü.

Ãẽ̱xgacügü ga guxchaxü̃güarü mexẽxẽruü̃gü 3:3

Rü yéma nayaxügü ga 5 ga Firitéugüarü ãẽ̱xgacügü, rü guxü̃ma ga yema Canaáü̃tanüxü̃ ga taxũta napuarü ĩaneã̱xgüxü̃, rü yema Chidóü̃tanüxü̃, rü yema Ebéutanüxü̃ ga máxpü̱xanexü̃ ga Líbanuanewa maxẽxü̃. Rü norü naane ga nawa nayexmagüxü̃ ga yema Ebéutanüxü̃ rü Baá-emóü̃wa inaxügü ñu̱xmata Amáwa nangu.

Yochué 23:4

Choma rü wüxitücumüchigüna chanaxã ga yema naane ga nagu pinguchigüxü̃. Rü tama yema naane ga marü penapu̱xuxü̃xica nixĩ ga pexü̃ chinuxü̃, natürü namaxã chanangauxẽxẽ i ngẽma naane i taxũta penapuxü̃ i natü i Yudáü̃wa naxügü i éstewa, rü ñu̱xmata már i Mediteráneuwa nangu i oéstewaama.

Yochué 23:5

Rü ngẽma duü̃xü̃gü i ñu̱xma ngẽma naanegu ãchiü̃güxü̃, rü Cori ya Tupana rü tá nawa ínanawoxü̃. Rü pema rü tá pegüxü̃́ penayaxu ngẽma Cori ya Tupana nüxü̃ ixuxü̃rüxü̃.

Ãẽ̱xgacügü ga guxchaxü̃güarü mexẽxẽruü̃gü 1:1

Nawena ga nax nayuxü̃ ga Yochué rü nümagü ga Iraétanüxü̃ rü Cori ya Tupanana nacagüe nax nüxü̃ nacua̱xgüxü̃ca̱x rü ngexü̃rüüxü̃ i natücumü tá nixĩ i nüxíra Canaáü̃tanüxü̃maxã nügü daixü̃.

Ãẽ̱xgacügü ga guxchaxü̃güarü mexẽxẽruü̃gü 3:1

Rü ñaagü nixĩ ga yema duü̃xü̃gütücumü ga Canaáü̃arü naanewa Cori ya Tupana yéma yaxügüxẽẽxü̃ nax yemaacü nüxü̃ naxüxü̃ca̱x ga yema Iraétanüxü̃ ga taxũta buexü̃ ga yexguma norü o̱xigü Canaáü̃tanüxü̃maxã nügü nadaixgu.