Ãẽ̱xgacügü ga guxchaxü̃güarü mexẽxẽruü̃gü 2:12 - Tupanaarü Ore

¹² Rü yema Iraétanüxü̃ rü nüxna nixĩgachi ga norü o̱xigüarü Tupana ga Equítuanewa tüxü̃ ínguxü̃xẽẽcü. Rü yema togü ga duü̃xü̃gü ga norü ngaicamagu pegüxü̃arü tupanagüxü̃ nicua̱xüü̃gü. Rü yemaacü Cori ya Tupanaxü̃ nanuxẽẽgü.

Ãẽ̱xgacügü ga guxchaxü̃güarü mexẽxẽruü̃gü 2:12 Referans Kwoze

Ínachoxü̃xü̃chiga 20:5

¡Rü taxũtáma ta̱xacürü naxchicüna̱xãpe̱xegu cucaxã́pü̱xü rü nüxü̃ quicua̱xüxü̃! Erü choma ya curü Cori ya Tupana ya poracü rü poraãcü cuxü̃ chinuxü̃, rü ngẽmaca̱x tümaarü chixexü̃ca̱x tá tüxü̃ chapoxcu ya yíxema chauxchi aixe, rü ñu̱xmata tümaxacügüwa, rü tümataagüwa chananguxẽxẽ i ngẽma poxcu.

Wenaxarü naxümatü ga Tupanaarü mugü 29:25

Rü duü̃xü̃gü rü ñanagürügü tá: “Yema namaxã nangupetü ga yema Iraétanüxü̃ yerü nüxna nixĩgachi ga yema uneta ga Cori ya Tupana norü o̱xigümaxã üxü̃ ga yexguma Equítuanewa ínagaxü̃ãgu.

Wenaxarü naxümatü ga Tupanaarü mugü 13:5

Rü ngẽma orearü uruxü̃ rüe̱xna ngẽma ngo̱xetünetaxü̃ rü noxtacüma peyama̱x, erü pexü̃ naxuxcu̱xẽ nax namaxã penuexü̃ca̱x ya perü Cori ya Tupana ga Equítuanewa pexü̃ ínguxü̃xẽẽcü ga ngextá pexü̃ ínamugügümarexü̃wa. Rü tá nayu i ngẽma orearü uruxü̃ rüe̱xna ngẽma ngo̱xetünetaxü̃ nagagu nax pexü̃ yaxĩgachixẽẽchaü̃xü̃ nüxna i ngẽma mugü ga Tupana pemaxã nüxü̃ yaxuxü̃ nax nagu pexĩxü̃ca̱x. Rü ngẽmaãcü tá ipeyanaxoxẽxẽ i ngẽma chixexü̃ i petanüwa ngẽxmaxü̃.

Wenaxarü naxümatü ga Tupanaarü mugü 29:18

Rü tama penaxwa̱xe nax petanüwa nangemaxü̃ i wüxi i yatü, rüe̱xna wüxi i ngexü̃, rüe̱xna wüxi ya ĩpatacüã̱xgü, rüe̱xna wüxitücumü i duü̃xü̃gü i Cori ya Tupanana ixĩgachixü̃ naxca̱x nax ngẽma nachixü̃anegüarü tupananetagüxü̃ yacua̱xüü̃güxü̃ca̱x. Rü petanüwa rü tama name nax wüxíe ñoma wüxi i nai i üxchuma̱xãxü̃ i nawa iyuxü̃rüxü̃ ixĩxẽ.

Wenaxarü naxümatü ga Tupanaarü mugü 5:9

¡Rü taxũtáma ta̱xacürü naxchicüna̱xãpe̱xegu cucaxã́pü̱xü rü nüxü̃ quicua̱xüxü̃! Erü choma ya curü Cori ya Tupana ya poracü rü poraãcü cuxü̃ chinuxü̃. Rü ngẽmaca̱x tümaarü chixexü̃ca̱x tá tüxü̃ chapoxcu ya yíxema chauxchi aixe, rü ñu̱xmata tümaxacügüwa, rü tümataagüwa tá chananguxẽxẽ i ngẽma poxcu.

Ãẽ̱xgacügü ga guxchaxü̃güarü mexẽxẽruü̃gü 5:8

Rü yexguma yema Iraétanüxü̃ tomare ga tupanaxü̃ yacua̱xüü̃gügu rü nüma ga Canaáü̃tanüxü̃ rü tórü ĩanearü ĩã̱xgüwa nangugü nax tüxü̃ nada̱i̱xü̃ca̱x. Rü woo 40,000 ga Iraétanüxü̃ ga churaragü tüxü̃́ nayexmagü, natürü natanüwa rü nataxuma ga bai ga wüxi ga poxü̃ruxü̃ rü bai ga wüxi ga wocae.

Wenaxarü naxümatü ga Tupanaarü mugü 33:17

Rü ngẽma Yúchetanüxü̃ rü tá namexẽchi ñoma woca i yatüxü̃xacü i nüxíra buxü̃rüxü̃. Rü tá naporaxüchi ñoma wüxi i búfalorüxü̃. Rü guxü̃ma i duü̃xü̃gütücumügü i ñoma i naanewa ngẽxmagüxü̃maxã tá napora. Rü ngẽmaãcü tá nixĩ i ngẽma muxũchixü̃ i Efraíü̃tanüxü̃ rü ngẽma muxü̃ i Manachétanüxü̃ —ñanagürü.

Wenaxarü naxümatü ga Tupanaarü mugü 32:15

Natürü pema ga Iraétanüxü̃ ga guxü̃ma ga yema õnamaxã pingüe rü nüxna pixĩgachi ga Cori ya Tupana ya pexü̃ ngo̱xẽẽcü. Rü nüxü̃ pexo ya yimá perü dauruxü̃ rü perü poxü̃ruxü̃ ixĩcü.

Ãẽ̱xgacügü ga guxchaxü̃güarü mexẽxẽruü̃gü 8:33

Rü yexguma Yedeóü̃ yuxguwena, rü nümagü ga Iraétanüxü̃ rü wena Tupanana nixĩgachi. Rü naguxü̃raü̃xü̃ ga Baáchicüna̱xãxü̃ nicua̱xüü̃gü, rü Baá-beríxü̃ nayauxgü nax norü tupana yixĩxü̃ca̱x.

Ãẽ̱xgacügü ga guxchaxü̃güarü mexẽxẽruü̃gü 10:11

Rü nüma ga Cori ya Tupana rü nanangãxü̃ rü ñanagürü: —Pemax rü Equítuanecüã̱xgüme̱xẽwa peyexmagü, rü Amoréugüme̱xẽwa peyexmagü, rü Amóü̃tanüxü̃me̱xẽwa peyexmagü, rü Firitéugüme̱xẽwa peyexmagü rü Chidóü̃cüã̱xgüme̱xẽwa peyexmagü rü Amaréxtanüxü̃me̱xẽwa peyexmagü, rü Madiáü̃tanüxü̃me̱xẽwa peyexmagü, natürü yexguma pema choxna pecagu rü choma rü naxme̱xwa pexü̃ íchanguxü̃xẽxẽ.

Wiyaegü 78:58

Rü Tupanaxü̃ nanuxẽẽgü namaxã ga yema ãmaregü ga tupananetagüca̱x íguxü̃. Rü nüxü̃ nicua̱xüü̃gü ga tupananetachicüna̱xãgü rü yemaacü Tupanaãẽwa nananguxẽẽgü.

Wiyaegü 106:36

Rü yema duü̃xü̃güarü tupananetachicüna̱xãgüxü̃ nicua̱xüü̃gü rü yemagagu chixexü̃gu nayi.

Ínachoxü̃xü̃chiga 13:3

Rü nüma ga Moiché rü Iraétanüxü̃xü̃ ñanagürü: —¡Nüxna tá pecua̱xãchie i ñaa ngunexü̃ i nagu Cori ya Tupana taxü̃ i norü poramaxã pexü̃ ímuxü̃xü̃ ga Equítuanewa i ngexta chixri pemaxã inacua̱xgüxü̃wa rü norü puracütanüxü̃xü̃ pexü̃ yaxĩgüxẽẽxü̃wa! Rü ngẽmaca̱x i ngẽxguma penaxüchigagügu i ñaa ngunexü̃ rü taxũtáma paũ i pu̱xẽẽruü̃ã́xü̃ pengõ̱xgü.

Ínachoxü̃xü̃chiga 13:9

Rü ngẽma nax penaxüchigaxü̃ i ngẽma Üpetüchiga rü ñoma wüxi i perü cua̱xruxü̃ i pechacüxüwa rüe̱xna pecatüwa ngẽxmaxü̃ tá pexna nüxü̃ nacuã̱xãchixẽxẽ nax guxũgutáma Cori ya Tupanaarü ucu̱xẽxü̃ pixuxü̃, erü nüma nixĩ ga norü poramaxã Equítuanewa pexü̃ ínanguxü̃xẽẽxü̃.

Ínachoxü̃xü̃chiga 13:14

Rü ngẽxguma tá penegü pexna cagügu rü ñaxgu: “¿Ta̱xacüchiga nixĩ i ñaa pexüxü̃?” ñaxgu, rü pema rü ñaãcü tá penegüxü̃ pengãxü̃: “Yexguma Equítuanewa tayexmagügu, rü nüma ga Cori ya Tupana rü norü poramaxã toxü̃ ínanguxü̃xẽxẽ. Yerü ga Equítuanecüã̱xgü rü ngúxü̃ toxü̃ ningexẽẽgü rü poraãcü puracü toétü nanugü.

Ínachoxü̃xü̃chiga 13:16

Rü ngẽma nax tanaxüchigaxü̃ i ngẽma Üpetüchiga rü ñoma wüxi i perü cua̱xruxü̃ i pechacüxüwa rüe̱xna pecatüwa ngẽxmaxü̃ tá pexna nüxü̃ nacuã̱xãchixẽxẽ nax ñuxãcü Cori ya Tupana norü poramaxã Equítuanewa toxü̃ ínguxü̃xẽẽxü̃” —ñanagürü ga Moiché.

Wenaxarü naxümatü ga Tupanaarü mugü 4:25

Rü ngẽxguma ngẽma naanegu pichocugu rü ngéma pexãxacügügu rü pexãtaagügu rü ngẽxma peyaegu, ¡rü taxũtáma petoṍxẽgü rü penaxü i ta̱xacürü naxchicüna̱xãgü nax namaxã petupanaã̱xgüxü̃ca̱x! Erü ngẽma rü wüxi i taxü̃ i chixexü̃ tá nixĩ i Tupanape̱xewa pexüxü̃ rü nüma rü tá poraãcü pemaxã nanu.

Wenaxarü naxümatü ga Tupanaarü mugü 6:12

Rü ngẽxguma ngẽma mexü̃wa pengẽxmagügu ¡rü pexuãẽgü nax tama nüxü̃ iperüngümaexü̃ ya Cori ya Tupana ga nawa pexü̃ ínguxü̃xẽẽcü ga Equítuane ga norü mugüruü̃gü ípixĩgüxü̃wa!

Yeremía 16:11

Rü cuma rü ñaãcü tá cunangãxü̃gü: “Cori ya Tupana rü nüxü̃ nixu rü ñanagürü: ‘Rü ngẽma tá pexü̃ nangupetü yerü yema nũxcümaü̃güxü̃ ga perü o̱xigü rü choxna nixĩgachi rü tupananetachicüna̱xãgüwe narüxĩ, rü naxca̱x nangutaque̱xegü rü nüxü̃ nicua̱xüü̃gü. Rü nümagü rü choxü̃ ínata̱xgü rü tama nayanguxẽẽgü ga yema ucu̱xẽgü ga choma namaxã nüxü̃ chixuxü̃.