Ãẽ̱xgacügü ga guxchaxü̃güarü mexẽxẽruü̃gü 2:10 - Tupanaarü Ore

¹⁰ Rü yexgumarüxü̃ ta nayue ga yema Iraétanüxü̃ ga Yochué maxü̱̃xgu maxẽxü̃. Rü yemaacü ga yema wixweama buexü̃ rü tama Cori ya Tupanaxü̃ nacua̱xgü rü tama nüxü̃ nacua̱xgü ga yema mexü̃gü ga Iraétanüxü̃ca̱x naxüxü̃.

Ãẽ̱xgacügü ga guxchaxü̃güarü mexẽxẽruü̃gü 2:10 Referans Kwoze

1 Chamué 2:12

Rü yema Erí nanegü rü poraãcüma chixexü̃gu namaxẽ rü tama Cori ya Tupanaxü̃ nacua̱xgüchaü̃.

Ínachoxü̃xü̃chiga 5:2

Natürü ga nüma ga Faraóü̃ rü nanangãxü̃, rü ñanagürü: —¿Texé tixĩ ya yíxema “Cori”, ixĩxẽ, rü ta̱xacüca̱x tá naga chaxĩnü rü chayange̱xgü i ngẽma Iraétanüxü̃ i duü̃xü̃gü? Choma rü tama nüxü̃ chacua̱x i ngẽma Tupana i nachiga pidexagüxü̃ rü taxũtáma chayange̱xgü i ngẽma Iraétanüxü̃ —ñanagürü.

Popera ga Títoca̱x naxümatüxü̃ ga Pauru 1:16

Rü ngẽma duü̃xü̃gü i tama yaxõgüxü̃ rü nügü yaxugügu rü Tupanaxü̃ nacua̱xgü, natürü ngẽma naxügüxü̃wa nüxü̃ tacua̱x nax tama aixcüma Tupanaxü̃ nacua̱xgüxü̃. Rü nümagü rü Tupanape̱xewa nichixe, rü tama naga naxĩnüe, rü taxuwama name i ngẽma naxügüxü̃.

Ngechuchuarü ngúexü̃gü ga yamugüxü̃arü puracüchiga 13:36

Rü yexguma namaxü̃xgu ga Dabí, rü nüxü̃ narüngü̃xẽxẽ ga norü duü̃xü̃gü, yexgumarüxü̃ ga Tupana namuxü̃. Natürü nayu, rü nanatüxü̃tagu rü naéxü̃tagu nata̱x ga naxü̃ne, rü niyixi.

Yeremía 31:34

Rü ngẽxguma rü tá marü taxuca̱xtama texé toguxexü̃ tangu̱xẽxẽ nax choxü̃ tacuáxü̃ca̱x, rü bai i tümamücü, rü bai i tümatanüxü̃. Erü ngẽxguma rü tá guxãma ya yáxe rü woo buxe rü tá choxü̃ tacua̱xgü. Rü choma rü tá tüxü̃́ nüxü̃ icharüngüma i tümaarü chixexü̃ rü marü tagutáma nüxna chacua̱xãchi i tümaarü pecadugü. Rü chomatama ya Cori ya Tupana nixĩ i nüxü̃ chixuxü̃ i ngẽma —ñanagürü.

Ichaía 5:12

Rü perü õnagü i taxü̃wa rü árpamaxã, rü árpaxacügümaxã rü tutugümaxã, rü wowerugümaxã pepaxetagü rü ñu̱xũchi perü bínu rü nata. Natürü pema rü tama nüxna pecua̱xãchie i ngẽma mexü̃gü i pexca̱x naxüxü̃ ya Cori ya Tupana, rü tama norü puracügu perüxĩnüe.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 28:9

Pa Chaunex, Pa Charomóü̃x ¡ẽcü naga naxĩnü ya chorü Tupana rü guxü̃ma i curü ngúchaü̃maxã rü curü ĩnü i mexü̃maxã naxü i ngẽma cuxü̃ namuxü̃! Erü nüma ya Cori ya Tupana rü nanangugü i ngẽma taãẽwa ngẽxmaxü̃ rü nüxü̃ nacua̱x i guxü̃ma i ngẽma nagu rüxĩnüxü̃. Rü ngẽxguma tá cuma naxca̱x cuda̱u̱xgu, rü nüma rü tá cuxü̃tawa nangẽxma. Natürü ngẽxguma nüxna quixũgachigu, rü nüma rü tá cuxü̃ ínata̱xüchi.

2 Chamué 7:12

Erü ngẽxguma cuma tá cuyu̱xgu, rü wüxi ya cune tá chanamu nax Iraéanecüã̱xgüarü ãẽ̱xgacü yixĩxü̃ca̱x. Rü ngẽma ãẽ̱xgacü rü tá napora erü chomatátama chanaporaxẽxẽ.

2 Tesalonicenses 1:8

Rü núma tá naxũ i nüma ya tórü Cori ya Ngechuchu nax napoxcueãxü̃ca̱x i ngẽma duü̃xü̃gü i tama Tupanaxü̃ cua̱xgüchaü̃xü̃ rü tama naga ĩnüexü̃ i ngẽma ore i mexü̃ i tórü Cori ya Ngechuchu ya Cristuchiga.

Yeremía 22:16

Rü tüxü̃ ínapoxü̃ ga guxema ingearü diẽruã̱xgüxe rü guxema guxchaxü̃wa yexmagüxe. Rü yemaca̱x nixĩ ga mea nüxü̃ nangupetüxü̃ ga gumá cunatü. Rü yema naxüxü̃wa inanawe̱x nax aixcüma choxü̃ nacuáxü̃. Rü choma ya Cori ya Tupana nixĩ i nüxü̃ chixuxü̃ i ngẽma ore.

Yeremía 9:3

Rü guxü̃guma ínamegümare nax doraxü̃ yaxugüxü̃ca̱x ñoma wüxi ya würamaxã chuxchigü inamaxgüxü̃rüxü̃. Ngẽma nachixü̃anewa rü nataxüchi i dora rü bai i mexü̃. Rü yexeraãcü chixexü̃wa naxĩ. Rü nümatama ya Cori ya Tupana rü ñanagürü: —Chorü duü̃xü̃gü rü marü tama choxü̃ nacua̱xgüchaü̃ —ñanagürü ya Cori ya Tupana.

Yox 21:14

Rü nümagü rü Tupanaxü̃ ñanagürügü: “¡Taxṹ i toxü̃ cuchixewexü̃! Erü toma rü tama nüxü̃ tacuáxchaü̃ i curü mugü.

Wenaxarü naxümatü ga Tupanaarü mugü 31:16

Rü yexguma ga Cori ya Tupana rü Moichémaxã nidexa rü ñanagürü: —Marü paxa tá cuyu, rü ñaa chorü duü̃xü̃gü i Iraétanüxü̃ rü paxa tá nawe narüxĩ i ngẽma tupananetagü i ngẽma naane i tá peyaxuxü̃wa ngẽxmagüxü̃. Rü ngẽxguma rü tá choxna nixĩgachitanü, rü ngẽmaãcü tá nagu narüchixe i ngẽma uneta i namaxã chaxüxü̃.

Iraétanüxü̃arü muxchiga 27:13

Rü nawena nax nagu cudawenüxü̃ i ngẽma naane rü tá cuyu, rü yema nũxcümaü̃güxü̃ ga curü o̱xigü íngẽxmaxü̃wa tá cuxũ, cuenexẽ i Aróü̃rüxü̃.

Naanearü ügüchiga 49:33

Rü yexguma Acóbu igúegagu ga nanegüxü̃ nax naxucu̱xẽxü̃, rü inayacaãchi rü nayu.

Naanearü ügüchiga 25:8

Rü nüma rü nayumare, yerü marü nayaxüchi. Rü natanüxü̃ íta̱xgüxü̃gu nayata̱xgü.

Naanearü ügüchiga 15:15

Natürü i cuma rü tá mea curüyae, rü taãẽãcü tá cuyu nax ngẽmaãcü wüxiwa curü o̱xigümaxã cungexmaxü̃ca̱x.

Naanearü ügüchiga 25:17

Rü yexguma nayu̱xgu ga Ismaé, rü nüxü̃́ nayexma ga 137 ga taunecü. Rü yemaacü norü o̱xigü ga nüxíra yuexü̃tanüwa naxũ.

Ínachoxü̃xü̃chiga 1:6

Rü nüma ga Yúche rü nayu, rü naenexẽgü rü guxü̃ma ga yema togü ga natanüxü̃ ga yexguma maxẽxü̃, rü nayue.

Ínachoxü̃xü̃chiga 1:8

Natürü yemawena ga Equítuanewa rü nixücu ga wüxi ga ãẽ̱xgacü ga tama Yúchexü̃ cuácü. Rü nüma rü norü duü̃xü̃gümaxã ñanagürü: —Ngẽma duü̃xü̃gü i Iraétanüxü̃ rü namuxũchi rü tüxü̃ narüporamaegü.

Yochué 24:31

Rü yexguma Yochué maxü̱̃xgu rü nüma ga yema Iraétanüxü̃ rü mea Cori ya Tupanaga naxĩnüe. Rü woo ga Yochuéwena rü mea naga naxĩnüe ga yexguma taxũta nayuegu ga yema Iraétanüxü̃arü yaxguã̱xgü ga nüxü̃ icuáxü̃ ga guxü̃ma ga yema Cori ya Tupana nũxcüma naxca̱x üxü̃.

Yeremía 9:2

Rü chierü ngextá ínachianexü̃wa choxü̃́ nangẽxmagu i wüxi i nachica nax ngẽxma chaxãpataxü̃ca̱x nax ngẽmaãcü chorü duü̃xü̃güna yáxü̃wa changexmaxü̃ca̱x. Erü guxü̃ma chixexü̃gu namaxẽ, rü duü̃xü̃gü i naechitamare maxẽxü̃ nixĩgü.

Yeremía 9:5

Rü wüxichigü i duü̃xü̃ rü nügü nawomüxẽẽgü, rü nataxuma i aixcümaxü̃ ixuxü̃. Rü nagu naxãcümagü nax doraxü̃ yaxugüexü̃. Rü chixexü̃gu namaxẽ, rü nataxuma nax mexü̃ naxügüxü̃.

Ore i mexü̃ ga Luca ümatüxü̃ 20:32

Rü ngĩma rü ta düxwa iyu ga yema nge.