Ãẽ̱xgacügü ga guxchaxü̃güarü mexẽxẽruü̃gü 19:9 - Tupanaarü Ore

⁹ Rü yexguma chibüwa inachixgu ga Lebítanüxü̃ nax nataeguxü̃ca̱x ngĩmaxã ga yema nge ga ngĩmaxã naxããrüã̱xcü rü namaxã ga norü duü̃xü̃, rü tüma ga na̱xtü rü ñatarügü: —¡Nuxãtama rüxã̱ũ̱x erü marü nachütachaü̃! ¡Rü nua nangupetüxẽxẽ i ñaa chütaxü̃ nax mea cupexü̃ca̱x! ¡Rü moxü̃ pa̱xmama írüda nax cupataca̱x cutaeguxü̃ca̱x! —ñatarügü.

Ãẽ̱xgacügü ga guxchaxü̃güarü mexẽxẽruü̃gü 19:9 Referans Kwoze

Ore i mexü̃ ga Luca ümatüxü̃ 24:29

Natürü ga yema ngúexü̃gü rü nüxü̃ naca̱a̱xü̃gü nax yexma naxã́ũxü̃ca̱x, rü ñanagürügü: —¡Nuxma toxü̃tagu nape, erü marü nayáuane, rü paxa tá nachüta! —ñanagürügü. Rü yexguma ga Ngechuchu rü nawe yexma narüxã̱ũ̱x.

Ucu̱xẽgüchiga 27:1

¡Taxṹ i cugü quicua̱xüxü̃ naxca̱x i ngẽma moxü̃ cuxüxchaü̃xü̃, erü tama nüxü̃ cucua̱x i ta̱xacü tá cuxü̃ ngupetüxü̃ i moxü̃arü ngunexü̃gu!

Ãẽ̱xgacügü ga guxchaxü̃güarü mexẽxẽruü̃gü 19:6

Yema taxre rü wüxigu ínarütogü nax nachibüexü̃ca̱x rü ñu̱xũchi naxaxegüxü̃ca̱x. Rü ngĩnatü rü nüxü̃ ñatagürü: —¿Taxũ chi name i ñu̱xmarica ñaa chütaxü̃ nua cungexma nax wüxigu itaãẽgüxü̃ca̱x? —ñatagürü.

Ãẽ̱xgacügü ga guxchaxü̃güarü mexẽxẽruü̃gü 19:8

Rü norü wüxime̱e̱xpü̱x ga ngunexü̃gu rü nüma ga yema Lebítanüxü̃ rü pa̱xmamaxü̃chi ínarüda nax nataeguxü̃ca̱x. Natürü guxema ngĩnatü ga yema ngecü rü wena nüxna taxu nax nachibüxíraxü̃ naxü̃pa nax inaxũãchixü̃ nax yemaacü naporaxü̃nexü̃ca̱x. Rü nüma rü wüxigu nachibüe, rü düxwa nayáuane.

Ãẽ̱xgacügü ga guxchaxü̃güarü mexẽxẽruü̃gü 19:10

Natürü nüma ga Lebítanüxü̃ rü tama to ga chütaxü̃ yexma narüxã́ũxchaxü̃. Rü yemaacü inaxũãchiama ngĩmaxã ga yema nge ga ngĩmaxã naxããrüã̱xcü rü namaxã ga norü duü̃xü̃ rü ñu̱xũchi yema taxre ga norü búrugü ga toruxü̃ã̱xgüxü̃. Rü yexguma Yerucharéü̃wa nangugügu rü yema norü duü̃xü̃ rü ñanagürü nüxü̃: —¿Ñuxũ ñacuxü̃ i cumax ega chi daa Yebútanüxü̃arü ĩanegu ipegügu? —ñanagürü.

Rux 3:7

Rü yexguma marü chibüwa yanguxgu ga Boó, rü inachi rü nataãxẽ rü ñu̱xũchi yexma ãũxchitaxü̃ ga chebádaxü̃tagu nayaca nax yexma napexü̃ca̱x. Rü yixcamaxü̃ra rü ngĩma ga Rux rü bexma naxca̱x iyaxũ rü íinangegücutü rü yexma ica.

2 Chamué 13:28

Rü nüma ga Acharóü̃ rü marü norü duü̃xü̃güxü̃ naxuxcu̱xẽ rü ñanagürü nüxü̃: —¡Peyangugü i Anóü̃, rü ngẽxguma marü bínumaxã nangãxü̱̃xgu, rü choma rü tá pemaxã nüxü̃ chixu nax peyamáxü̃ca̱x, rü peyamá! ¡Rü taxṹ i pemuü̃exü̃! Erü choma nixĩ i pexü̃ chamuxü̃. ¡Rü pegü peporaexẽxẽ rü taxṹ i pemuü̃exü̃! —ñanagürü.