Ãẽ̱xgacügü ga guxchaxü̃güarü mexẽxẽruü̃gü 19:12 - Tupanaarü Ore

^12-13 Rü nüma ga Lebítanüxü̃ rü nanangãxü̃ rü ñanagürü: —Taxũtáma wüxi ya ĩane ya tama Iraétanüxü̃arü ĩanegu tayapegü. ¡Rü ngĩxã itaxĩ ñu̱xmatáta Guibeáwa ingugü! Rü narümemae nixĩ nax Guibeágu rüe̱xna Ramágu yarüpegüxü̃ —ñanagürü.

Ãẽ̱xgacügü ga guxchaxü̃güarü mexẽxẽruü̃gü 19:12 Referans Kwoze

Ochéa 9:9

Rü ngẽma perü chixexü̃gü rü nataxüchi naxrüü̃tama ga yema Guibeáwa ngupetüxü̃. Natürü Tupana rü taxũtáma nüxü̃ narüngüma i ngẽma perü chixexü̃gü rü perü pecadugü rü ngẽmaca̱x tá pexü̃ napoxcue —ñanagürü.

Yochué 18:25

Rü naétü nüxna naxǘ ga daa ĩanegü: Gabaóü̃, rü Ramá, rü Beerúx, rü Mispá, rü Quefirá rü Mochá, rü Requéü̃, rü Ipeé, rü Tarará, rü Cherá, rü Érex, rü Yebú (Rü to ga naéga rü Yerucharéü̃ nixĩ), rü Guibeá, rü Quiriáx. Rü guxü̃wama rü 14 ga ĩanegü nixĩ rü naétü ga norü ĩanexacügü. Rü yema nixĩ ga yema naane ga Bẽyamíü̃tücumüna üxü̃ naxẽ̱xpü̱x nax ñuxre yixĩxü̃ ga natanüxü̃.

1 Chamué 10:26

Rü yexguma ga nüma ga Chaú rü nachiü̃ca̱x nataegu ga Guibeáwa. Rü nawe narüxĩ ga ñuxre ga yatü ga daiwa imexü̃ ga Cori ya Tupana norü maxü̃gu ingógügüxü̃ nax íyaxümücügüãxü̃ca̱x.

Ichaía 10:29

Rü ngẽma dexá i poraü̃chiüxü̃ rü marü nichoü̃ rü Guébagu napegü. Rü ĩane i Ramácüã̱xgü rü poraãcü nüxü̃ namuü̃e. Rü ĩane ya Guibeá ga Chaúarü ĩanecüã̱xgü rü naxcha̱xwa nibuxmü.

Ochéa 5:8

¡Rü Guibeáwa peyacue ya cornéta, rü Ramáwa rü ta peyacue nax nangutaque̱xegüxü̃ca̱x i duü̃xü̃gü! ¡Rü Bex-abéü̃wa rü tagaãcü duü̃xü̃gümaxã nüxü̃ pixu nax nügü namexẽẽgüxü̃ca̱x nax daiwa naxĩxü̃ca̱x! ¡Rü Bẽyamíü̃tanüxü̃maxã nüxü̃ pixu nax nügü namexẽxẽgüxü̃ca̱x!