Ãẽ̱xgacügü ga guxchaxü̃güarü mexẽxẽruü̃gü 19:1 - Tupanaarü Ore

¹ Yexguma nataxuxguma ga ãẽ̱xgacü ga Iraétanüxü̃tanüwa, rü wüxi ga Lebítanüxü̃ rü Efraíü̃arü máxpü̱xanexü̃ ga yáxü̃negu naxãchiü̃. Rü wüxi ga nge ga Yudáanearü ĩane ga Beréü̃cüã̱xmaxã naxããrüã̱x.

Ãẽ̱xgacügü ga guxchaxü̃güarü mexẽxẽruü̃gü 19:1 Referans Kwoze

Ãẽ̱xgacügü ga guxchaxü̃güarü mexẽxẽruü̃gü 18:1

Rü yexgumaü̃cüxü ga Iraétanüxü̃ rü nangearü ãẽ̱xgacüã̱x. Rü nüma ga Dáü̃tanüxü̃ rü nataxuma ga norü naane. Rü yemaca̱x naxca̱x nadaugü ga wüxi ga naane nax yemagu naxãchiü̃güxü̃ca̱x.

Ãẽ̱xgacügü ga guxchaxü̃güarü mexẽxẽruü̃gü 17:8

Rü nüma ga gumá ngextü̱xücü rü ínaxũxũ ga Beréü̃wa rü naxca̱x nayadau ga to ga nachica ga nagu naxãchiü̃xü̃. Rü yemaca̱x Efraíü̃arü ma̱xpǘneanegu nixũãgüchigü rü Micaíapatawa nangu.

Ore i mexü̃ ga Matéu ümatüxü̃ 2:6

Rü nüma rü ñanagürü: “Cumax, Pa Ĩane Pa Beréü̃ ya Yudáanewa Ngẽxmanex, rü cuma rü tama wüxi ya ngexnerüxünemare ya ĩane quixĩ natanüwa ya yima ĩanegü ya itaxü̃ne ya Yudáanewa ngẽxmagüne. Erü cugu tá nabu ya wüxi ya ãẽ̱xgacü i tá chorü duü̃xü̃gü i Iraétanüxü̃maxã icuácü”, —ñanagürü.

Maraquía 2:15

¿Rü tama ẽ̱xna yimátama Tupana yixĩxü̃ ya naxücü i taxü̃ne rü taãxẽ? ¿Rü ta̱xacü nixĩ i pexü̃́ nanaxwa̱xexü̃ ya Tupana? Rü ngẽma pexü̃́ nanaxwa̱xexü̃ nixĩ nax noxrü yixĩgüxü̃ i ngẽma pexacügü. ¡Rü mea nüxna peda̱u̱x i perü maxü̃! Rü tama name i nüxü̃ icuyarüngüma ga yema uneta ga cuxma̱xmaxã nüxü̃ quixuxü̃ ga yexguma cungextü̱xügu ngĩmaxã cuxãxma̱xgu.

Ãẽ̱xgacügü ga guxchaxü̃güarü mexẽxẽruü̃gü 21:25

Rü yexgumaü̃cüxü ga Iraétanüxü̃ rü nangearü ãẽ̱xgacüxã̱x. Rü wüxichigü ga yatü rü nüma nagu naxĩnüxü̃ãcü namaxü̃.

Ãẽ̱xgacügü ga guxchaxü̃güarü mexẽxẽruü̃gü 17:6

Rü yexgumaü̃cüxü nüma ga Iraétanüxü̃ rü nangearü ãẽ̱xgacüã̱x. Rü yemaca̱x ga wüxichigü rü nüma nagu naxĩnüexü̃ naxüemare.

Yochué 24:33

Rü yexguma nayu̱xgu ga Ereachá ga Aróü̃ nane rü ĩane ga Guibeá ga Efraíü̃anearü ma̱xpǘneanexü̃gu nayata̱xgü. Rü guma ĩane rü Ereachá nane ga Fineéxarü nixĩ.

Yochué 24:30

Rü norü naanegutama nayata̱xgü ga Tináx-chéraarü ĩanegu. Rü guma ĩane rü Efraíü̃arü naanearü máxpü̱xanexü̃wa nayexma, rü Gaáxarü ma̱xpǘnearü nórtewa naxǘ.

Ester 2:14

Rü wüxichigü ga pacü rü chütacü nixĩ ga ãẽ̱xgacüxü̃tawa naxũxü̃, rü moxü̃ãcü pa̱xmama nixĩ ga nataeguxü̃, rü to ga ucapugu ngĩxü̃ nimugüetanü ga guma pacügüpatawa. Rü guma pacügüpata rü Chaagáme̱xẽwa nixĩ ga nayexmaxü̃. Rü nüma ga Chaagá rü ãẽ̱xgacüarü duü̃xü̃ ga mexü̃ nixĩ, rü ãẽ̱xgacüma̱xgüarü dauruxü̃ nixĩ. Rü yemawena rü wüxichigü ga yema pacü rü taguma wena ãẽ̱xgacüpe̱xewa ngĩxü̃ nagagü, natürü yexguma nüma nanaxwa̱xegu ga ãẽ̱xgacü nax naxü̃tawa ngĩxü̃ nagagüxü̃ ga yema pacü ga norü me ixĩcü rü naxü̃tawa ngĩxü̃ nagagü.

Norü taxre ga to ga popera ga ãẽ̱xgacügüchiga ümatüxü̃ 11:21

Rü nüma ga Roboáü̃ rü 18 iyixĩ ga naxma̱xgü. Rü 60 iyixĩ ga naxma̱xabagü. Natürü nüma rü yema naigüarü yexera Maacá ga Acharóü̃xacüxü̃ nangechaxü̃. Rü 28 nixĩ ga nanegü rü 60 ga naxacügü.

Nüxíraxü̃xü̃ ga popera ga ãẽ̱xgacügüchiga 11:3

Rü nüxü̃́ nayexma ga 700 ga naxma̱xü̃chi, rü nai ga 300 ga naxma̱xabagü. Rü yema naxma̱xgügagu nixĩ ga Tupanana yaxũgachixü̃ ga Charomóü̃.

2 Chamué 20:3

Rü yexguma Dabí napatawa nguxgu ga Yerucharéü̃wa, rü ngĩca̱x nangema ga yema 10 ga norü ngegü ga napatana ngĩxü̃ nadauxẽẽgücü ga yexguma nüxna yañaxgu. Rü wüxi ga ĩpatagu ngĩxü̃ namugü rü yéma rü ngĩxna nadaugü. Rü yemaacü yéma ngĩxna nadaugü, natürü taguma wena ngĩmaxã inape. Rü guxü̃guma irüwãxtaü̃gü, rü yéma iyexmagü ñoma nayutegüxü̃rüxü̃ ñu̱xmata nayue.

2 Chamué 19:5

Rü yexguma ga Yoá rü Dabíxü̃tawa naxũ rü ñanagürü: —Pa Ãẽ̱xgacüx, wüxi i ãne nüxü̃ quingexẽxẽ i ngẽma curü churaragü i cuxü̃ ípoxü̃güxü̃ nax tama peyuexü̃ca̱x i cumax rü cunegü, rü cuxacügü, rü cuxma̱xgü, rü curü ngexü̃gü.

2 Chamué 16:22

Rü guma ãẽ̱xgacüpataétügu Acharóü̃ca̱x nanaxügü ga wüxi ga ĩpata ga naxchirunaxca̱x. Rü gumatüxü̃wa rü guxü̃ma ga Iraétanüxü̃pe̱xewa nanatüarü ngegümaxã namaxü̃.

2 Chamué 5:13

Rü yemawena rü Ebróü̃wa ínaxũxũ ga Dabí rü Yerucharéü̃wa naxũ. Rü yéma Yerucharéü̃wa toguxe ga ngexagümaxã naxãxma̱x. Rü nüxü̃́ nayexma ta ga toguxe ga norü naxma̱xabagü. Rü guxemagü rü nüxü̃́ tiyatüxacü rü tingexacü.

2 Chamué 3:7

Rü Chaú rü nüxü̃́ iyexma ga norü nge ga Richapá ga ngĩéga. Rü Aiáxacü iyixĩ. Rü Abnéx rü yemamaxã namaxü̃. Rü yemaca̱x ga Ibóchex rü Abnéxü̃ naxoregü rü ñanagürü: —¿Tü̱xcüü̃ chaunatü ga Chaúarü naxma̱xmaxã icupe? —ñanagürü.

Ãẽ̱xgacügü ga guxchaxü̃güarü mexẽxẽruü̃gü 17:1

Nayexma ga wüxi ga yatü ga Micaíagu ãégacü ga Efraíü̃arü ma̱xpǘneanewa maxü̃cü.

Naanearü ügüchiga 35:19

Rü yemaacü nixĩ ga nayuxü̃ ga Raqué. Rü yema nama ga Efrátawa nadaxü̃gu ngĩxü̃ nata̱xgü. Rü guma ĩane ga Efráta rü ñu̱xma rü Beréü̃gu naxãéga.

Naanearü ügüchiga 25:6

Rü yema togü ga nanegü ga naigü ga naxma̱xwaü̃güxü̃, rü nüma ga Abraáü̃ rü nayaxãmareã̱xgümare. Natürü yexguma namaxü̃gutama ga Abraáü̃, rü nane ga Ichaána nayamugachitanü ga yema togü ga nanegü. Rü naane ga éstewaama yexmaxü̃wa nanamugü.

Naanearü ügüchiga 22:24

Rü yemaétüwa ga Nacóx rü nüxü̃́ nayexma ga to ga nanegü ngĩwa ga Reumá ga nai ga naxma̱x. Rü yemawaxü̃güxü̃ nixĩ ga Téba, rü Gáxaü̃, rü Taá, rü Maacá.

Ãẽ̱xgacügü ga guxchaxü̃güarü mexẽxẽruü̃gü 17:7

Rü yexgumaü̃cüxü rü Yudáanearü ĩane ga Beréü̃wa nayexma ga wüxi ga ngextü̱xücü ga tama yémacüã̱x ixĩcü. Rü nüma rü Lebítanüxü̃ nixĩ.

Ãẽ̱xgacügü ga guxchaxü̃güarü mexẽxẽruü̃gü 19:2

Natürü wüxi ga ngunexü̃ rü namaxã inu rü ngĩnatüchiü̃ca̱x itaegu ga Beréü̃wa. Rü yexguma marü ãgümücü ga tauemacü ngĩnatüchiü̃wa nayexmagu, rü nüma ga yema Lebítanüxü̃ rü ngĩwe narüxũ nax ngĩxü̃ yanangüxmüxẽẽxü̃ca̱x rü nataeguxü̃ca̱x. Rü yéma nanaga ga wüxi ga norü duü̃xü̃ rü ñu̱xũchi taxre ga búrugü. Rü ngĩma rü mea inayaxu ga ngĩnatüpatawa.

Ãẽ̱xgacügü ga guxchaxü̃güarü mexẽxẽruü̃gü 19:16

Rü düxwa marü nachütagu yéma taxüpetü ga wüxi ga o̱xi ga tümaanewa puracüwa ne ũxẽ. Rü guxema o̱xi rü Efraíü̃tanüxü̃arü ma̱xpǘnecüã̱x tixĩ. Rü yexma Guibeágu taxãchiü̃ woo tama yémacüã̱x tixĩ. Rü yema duü̃xü̃gü ga Guibeáwa maxẽxü̃ rü Bẽyamíü̃tanüxü̃ nixĩgü.

Ãẽ̱xgacügü ga guxchaxü̃güarü mexẽxẽruü̃gü 3:27

Rü yexguma Iraégüarü naanewa nanguxgu, rü Efraíü̃arü máxpü̱xanexü̃wa cornétagu nayarücue nax yemaacü Iraétanüxü̃ca̱x naca̱xaxü̃. Rü guxü̃ma ga nüma ga yema duü̃xü̃gü rü ma̱xpǘnegüwa narüchoü̃ namaxã ga Aóx ga nape̱xegu ixũxü̃.

Ãẽ̱xgacügü ga guxchaxü̃güarü mexẽxẽruü̃gü 12:8

Yetéwena rü Ixcháü̃ ga Beréü̃cüã̱x nixĩ ga Iraétanüxü̃arü ãẽ̱xgacü.

Ãẽ̱xgacügü ga guxchaxü̃güarü mexẽxẽruü̃gü 18:13

Rü yéma inaxĩãchi nax Efraíü̃arü máxpü̱xanexü̃wa naxĩxü̃, rü Micaíapatawa nangugü.

Nüxíraxü̃xü̃ ga popera ga ãẽ̱xgacügüchiga 4:8

Rü ñaagü nixĩ ga yema 12 ga ngü̃xẽẽruü̃gü, Ben-úr rü ãẽ̱xgacü nixĩ ga máxpü̱xane ga Efraíü̃gu ãégaxü̃wa.