Ãẽ̱xgacügü ga guxchaxü̃güarü mexẽxẽruü̃gü 18:6 - Tupanaarü Ore

⁶ Rü nüma ga gumá chacherdóte ga Lebítanüxü̃ rü nanangãxü̃ rü ñanagürü: —¡Ẽcü taãẽãcüma ipexĩãchi! Erü nüma ya Cori ya Tupana rü tá pexna nadau i ngextá ípexĩxü̃wa —ñanagürü.

Ãẽ̱xgacügü ga guxchaxü̃güarü mexẽxẽruü̃gü 18:6 Referans Kwoze

Nüxíraxü̃xü̃ ga popera ga ãẽ̱xgacügüchiga 22:6

Rü nüma ga Iraéanecüã̱xarü ãẽ̱xgacü rü nanangutaque̱xexẽxẽ ga wixgutaa̱x 400 ga orearü uruü̃gü ga nüxü̃́ nayaxõxü̃. Rü yemagüna naca rü ñanagürü: —¿Marü namexü̃ yixĩxü̃ rüe̱xna tama nax napuxü̃ ya yima ĩane ya Ramóx ya Garaáxanewa ngẽxmane? —ñanagürü. Rü yema orearü uruü̃gü rü nanangãxü̃gü rü ñanagürügü: —Marü name i naxca̱x ípeyaxüãchi nax peyapuxü̃ca̱x erü Cori ya Tupana rü marü cuxna nanaxã —ñanagürügü.

1 Tesalonicenses 3:11

Rü poraãcü tanaxwa̱xegü nax Tanatü ya Tupana rü tórü Cori ya Ngechuchu ya Cristu toxü̃ natauxchaxẽẽxü̃ nax wena petanüwa ítayadaugüxü̃ca̱x.

Yeremía 23:32

Rü namaxã chanu i ngẽma orearü uruü̃güneta i doramare i nanegügüxü̃ ixugüxü̃. Rü ngẽma norü doragümaxã, rü ñu̱xũchi ngẽma nüxü̃ yaxugünetaxü̃maxã chorü duü̃xü̃güxü̃ ínatüexẽxẽ. Choma rü tama chanamuanetanü i ngẽma orearü uruü̃güneta, rü bai nax namaxã nüxü̃ chixuxü̃ nax nüxü̃ yaxugüxü̃ca̱x i ngẽma ore. Rü ngẽmaca̱x taxuwama nime nax chorü duü̃xü̃güxü̃ nangü̃xẽẽgüxü̃. Rü chomatama ya Cori ya Tupana nixĩ i ngẽma ñachaxü̃ —ñanagürü ya Cori ya Tupana.

Wiyaegü 33:18

Natürü nüma ya Cori ya Tupana rü guxü̃guma tüxna nadau ya yíxema nüxü̃ ngechaü̃güxe rü nüxü̃́ yaxõgüxe.

Nüxíraxü̃xü̃ ga popera ga ãẽ̱xgacügüchiga 22:15

Rü yemawena rü nüma ga Micaía rü ãẽ̱xgacüxü̃tawa naxũ. Rü nüma ga ãẽ̱xgacü rü Micaíana naca rü ñanagürü: —Pa Micaíax ¿marü namexü̃ nax naxca̱x ítayaxũãchixü̃ ya yima ĩane ya Ramóx ya Garaáxanewa ngẽxmane rüe̱xna tama? —ñanagürü. Rü nüma ga Micaía rü nanangãxü̃ rü ñanagürü: —Marü name nax naxca̱x ípeyaxü̃ãchixü̃ erü nüma ya Cori ya Tupana rü marü pexü̃ naporaexẽxẽ nax pexme̱xgu nangu̱xẽẽãxü̃ ya yima ĩane —ñanagürü.

Nüxíraxü̃xü̃ ga popera ga ãẽ̱xgacügüchiga 22:12

Rü guxü̃ma ga yema orearü uruü̃gü yemaxü̃tama nixugüe namaxã ga yema ãẽ̱xgacügü. Rü ñanagürügü nüxü̃: —Ẽcü, ¡naxca̱x ípeyaxüãchi ya yima ĩane ya Ramóx ya Garaáxanewa ngẽxmane! Rü tá nüxü̃ perüporamae, erü nüma ya Cori ya Tupana rü marü cuxme̱xgu nananguxẽxẽ, Pa Ãẽ̱xgacüx —ñanagürügü.

Wenaxarü naxümatü ga Tupanaarü mugü 11:12

Ngẽma rü wüxi i naane i Cori ya Tupanatama nüxna dauxü̃ nixĩ. Nüma rü guxcüma ya taunecügu nüxna nadau.

Ãẽ̱xgacügü ga guxchaxü̃güarü mexẽxẽruü̃gü 18:5

Rü yexguma ga nümagü rü ñanagürügü: —¡Cori ya Tupanana naca nax nüxü̃ tacuáxü̃ca̱x rü tá mea toxü̃́ ínanguxuchi i ngẽma ítaxĩxü̃wa! —ñanagürügü.

Ãẽ̱xgacügü ga guxchaxü̃güarü mexẽxẽruü̃gü 18:7

Rü nüma ga yema 5 ga ngugütaeruü̃gü rü inaxĩãchi rü Láiwa naxĩ. Rü yema duü̃xü̃gü ga guma ĩanecüã̱xgü rü taxuxü̃ma ga ãũcümaxü̃gu narüxĩnüe yema Chidóü̃cüã̱xgürüxü̃. Rü ínataãxẽgü rü taxuxü̃ma i guxchaxü̃ nügümaxã ínaxüe Rü taxúema ítanachixewegü, rü taxúema nagu tidauxcüraxü̃gü. Rü taxuxü̃ma nüxü̃́ nataxu. Rü Chidóü̃cüã̱xgüarü yáxü̃wa nayexmagü. Rü tama to ga duü̃xü̃gümaxã naxãmücü.

1 Chamué 1:17

Rü yexguma ga Erí rü ngĩxü̃ nangãxü̃ rü ñanagürü: —¡Ẽcü taãẽãcü nataegu! ¡Rü nüma ya Iraéanecüã̱xgüarü Tupana rü cuxna naxã i ngẽma nüxna naxca̱x cucaxü̃! —ñanagürü.

Ínachoxü̃xü̃chiga 4:18

Rü yemawena ga Moiché rü na̱xtü ga Yetrúchiü̃ca̱x nataegu, rü ñanagürü tüxü̃: —Tupana nanaxwa̱xe nax Equítuaneca̱x chataeguxü̃ nax íchayadauxü̃ca̱x i chautanüxü̃ rü bexmana namaxẽ —ñanagürü. Rü na̱xtü ga Yetrú tanangãxü̃, rü ñatagürü nüxü̃: —¡Ẽcü ngéma naxũ, rü mea cuxü̃ naxüpetü! —ñatagürü.