Ãẽ̱xgacügü ga guxchaxü̃güarü mexẽxẽruü̃gü 18:2 - Tupanaarü Ore

² Rü yemaca̱x ga Dáü̃tanüxü̃ rü ĩanegü ga Choráwa rü Etaóü̃wa inanamuãchitanü ga 5 ga yatügü ga iporaexü̃ nax to ga naaneca̱x yadaugüxü̃ca̱x rü cúãcü nangugüanegüãxü̃ca̱x. Rü yema 5 ga ngugütaeruü̃gü rü Efraíü̃tanüxü̃arü naane ga máxpü̱xanexü̃wa naxĩ. Rü Micaíapatawa nangugü. Rü yema chütaxü̃ rü yexma napegü.

Ãẽ̱xgacügü ga guxchaxü̃güarü mexẽxẽruü̃gü 18:2 Referans Kwoze

Ãẽ̱xgacügü ga guxchaxü̃güarü mexẽxẽruü̃gü 13:25

Rü wüxi ga ngunexü̃gu ga Chanchóü̃ ga yexguma Dáü̃tanüxü̃arü churaragüarü pegüchicawa naxũxgu ga ĩanegü ga Chorá rü Etaóü̃arü ngãxü̃wa, rü Tupanaãxẽ ya Üünecü inanaxügü nax Chanchóü̃maxã inacuáxü̃.

Yochué 2:1

Rü yexguma Chitíü̃wa nayexmagügu, rü nüma ga Yochué rü bexma inanamuãchitanü ga taxre ga ngugütaeruü̃gü, rü ñanagürü nüxü̃: —¡Ẽcü peyangugü i ngẽma naane i Yudáü̃arü tocutüwa ngẽxmaxü̃ rü ñu̱xmata yima ĩane ya Yericúwa pengugü! —ñanagürü. Rü nüma ga yema taxre rü inaxĩãchi, rü ngĩpatawa nangugü ga wüxi ga nge ga naxü̃nemaxã taxexü̃ ga Yericúgu ãpatacü. Rü Raá nixĩ ga ngĩéga. Rü ngĩma rü ngĩpatagu inapegüxẽxẽ ga yema chütaxü̃.

Ãẽ̱xgacügü ga guxchaxü̃güarü mexẽxẽruü̃gü 18:11

Rü Choráwa rü Etaóü̃wa inaxĩãchi ga 600 ga yatügü ga Dáü̃tanüxü̃ ga meama ixãxnexü̃.

Ãẽ̱xgacügü ga guxchaxü̃güarü mexẽxẽruü̃gü 18:8

Rü yema 5 ga ngugütaeruü̃gü rü ĩanegü ga Choráca̱x rü Etaóü̃ca̱x nawoegu i natanüxü̃ íyexmagüxü̃wa. Rü yexguma yéma nangugügu rü natanüxü̃ nüxna nacagü rü ñanagürügü: —¿Ñuxãcü pexü̃ nangupetü? —ñanagürügü. Rü nümagü ga ngugütaeruü̃gü rü nanangãxü̃gü rü ñanagürügü: —Nagu ítayachoegu i ngẽma naane rü namaxã itayarüxĩ nax ngẽma naane rü poraãcü namexẽchixü̃. Rü ngẽmaca̱x, ¡ngĩxã rü itaxĩãchi rü tayadai i ngẽma duü̃xü̃gü i ngéma ngẽxmagüxü̃! Tama name i nua perütogümare, taxuxü̃ma nua pexüãcüma! ¡Ngĩxã nagu tachocu i ngẽma naane rü tanapu!

Iraétanüxü̃arü muxchiga 13:17

Rü nüma ga Moiché rü nayamugü ga yema yatügü nax Canaáü̃anewa naxĩxü̃ca̱x rü yéma yangugütaegüxü̃ca̱x. Rü ñanagürü nüxü̃: —¡Ngẽma chianexü̃ i Négueguama pexĩ rü ínamáxpüxanexü̃wa pechopetü!

Ore i mexü̃ ga Luca ümatüxü̃ 14:31

Rü ngẽxguma wüxi i nachixü̃anearü ãẽ̱xgacü rü to i nachixü̃anearü ãẽ̱xgacümaxã nügü nadaixchaü̃gu, ¿rü tama ẽ̱xna i noxri inangugüãxü̃ rü 10,000 i churaragü rü marü nüxü̃́ yangu nax nügü nada̱i̱xü̃ca̱x namaxã i norü uanü i 20,000 i churaragü nüxü̃́ ngẽxmaxü̃?

Ucu̱xẽgüchiga 20:18

Ngẽxguma ta̱xacü cuxüxchaü̃gu, rü name i toguxena ucu̱xẽca̱x cuca, nax mea ínanguxuchixü̃ca̱x i ngẽma nagu curüxĩnüxü̃. Rü ngẽxguma daiwa cuxũxchaü̃gu, rü name i mea cunangugü nax ñuxãcü tá naxca̱x ícuyaxüãchixü̃ i ngẽma curü uanü.

Ãẽ̱xgacügü ga guxchaxü̃güarü mexẽxẽruü̃gü 19:18

Rü nüma ga Lebítanüxü̃ rü nanangãxü̃ rü ñanagürü: —Rü Yudáanewa ngẽxmane ya ĩane ya Beréü̃wa ne taxĩ rü ñu̱xmax rü nua tachopetümare. Rü yima Efraíü̃tanüxü̃arü ma̱xpǘne ya yáxü̃wa ngẽxmanewa taxĩ erü choma rü yimagu nixĩ i chaxãchiü̃xü̃. Rü Beréü̃gu chanaxũane rü ñu̱xma rü chopataca̱x chataegu. Natürü nua rü taxúxexü̃ma ichayangau nax texé tügüxü̃ta choxü̃ pexẽẽxü̃.

Ãẽ̱xgacügü ga guxchaxü̃güarü mexẽxẽruü̃gü 19:1

Yexguma nataxuxguma ga ãẽ̱xgacü ga Iraétanüxü̃tanüwa, rü wüxi ga Lebítanüxü̃ rü Efraíü̃arü máxpü̱xanexü̃ ga yáxü̃negu naxãchiü̃. Rü wüxi ga nge ga Yudáanearü ĩane ga Beréü̃cüã̱xmaxã naxããrüã̱x.

Ãẽ̱xgacügü ga guxchaxü̃güarü mexẽxẽruü̃gü 16:31

Rü yemawena rü ínangugü ga naenexẽgü rü natanüxü̃ ga Chanchóü̃. Rü nanayauxgü ga naxü̃ne. Rü nanatü ga Manóa ítáxü̃gu nayata̱xgü ga Chorá rü Etaóü̃arü ngãxü̃wa. Rü 20 ga taunecü nixĩ ga Chanchóü̃ ga Iraétanüxü̃maxã inacuáxü̃.

Ãẽ̱xgacügü ga guxchaxü̃güarü mexẽxẽruü̃gü 13:2

Rü Choráarü ĩanewa nayexma ga wüxi ga yatü ga Dáü̃tanüxü̃ ixĩcü ga Manóagu ãégacü. Rü guxema naxma̱x rü taguma taxãxacü yerü woetama tangexacüecha.

Yochué 19:41

Yema naanewa rü nayexmagü ga ĩanegü ga Chorá, rü Etaóü̃, rü I-chemé, rü Chaabíü̃, rü Ayaróü̃, rü Yetía, rü Eróü̃, rü Tiná, rü Ecróü̃, rü Etequé, rü Guibetóü̃, rü Baará, rü Yeúx, rü Bené-beráx, rü Gax-rimóü̃, rü Meyacóü̃, rü Racóü̃. Rü guma ĩanegü nixĩ ga nayauxgüne namaxã ga yema naane ga Yópearü ngaicamana yexmaxü̃.

Naanearü ügüchiga 42:9

Rü yexguma ga Yúche rü nüxna nacua̱xãchi ga yema ü̃pa nagu naxãnegüxü̃ ga naenexẽgüchiga ixĩxü̃. Rü ñanagürü nüxü̃: —Pemax rü tochixü̃anearü ngugütaeruü̃gü pixĩgü. Rü pema rü nua ngugütaewa pexĩ nax naxca̱x pedaugüxü̃ca̱x nax ngextá pexü̃́ natauxchaxü̃ nax toechita pichocuxü̃ca̱x nawa i ñaa naane —ñanagürü.

Yochué 15:33

Rü yema ínadoxonexü̃wa nüxna ügüne ya ĩanegü rü daagü nixĩ: Rü Etaóü̃, rü Chorá, rü Achaná, rü Chanóa, rü En-ganíü̃, rü Tapúa, rü Enáü̃, rü Yamúx, rü Aduráü̃, rü Chocó, rü Achecá, rü Chaaraíü̃, rü Aditaíü̃, rü Guederá, rü Guederotaíü̃. Rü 14 ga ĩanegü nixĩ rü naétü ga norü ĩanexacügü.

Ãẽ̱xgacügü ga guxchaxü̃güarü mexẽxẽruü̃gü 17:1

Nayexma ga wüxi ga yatü ga Micaíagu ãégacü ga Efraíü̃arü ma̱xpǘneanewa maxü̃cü.

Ãẽ̱xgacügü ga guxchaxü̃güarü mexẽxẽruü̃gü 18:3

Rü yexguma Micaíapatawa nayexmagügu rü nüxü̃ naxĩnüe ga gumá ngextü̱xücü ga Micaíapatawa yexmacü. Rü norü dexawa nüxü̃ nicua̱xãchitanü nax tóxnamanacüã̱x yixĩxü̃. Rü yemaca̱x nüxna nacagü rü ñanagürügü: —¿Texé nua cuxü̃ taga? ¿Tü̱xcüü̃ ñaa nachicawa cungexma? ¿Ta̱xacüca̱x cudau i nuxã? —ñanagürügü.

Yochué 2:2

Natürü nayexmaama ga wüxi ga duü̃xü̃ ga Yericúarü ãẽ̱xgacümaxã nüxü̃ ixuxü̃, rü ñanagürü nüxü̃: —Ñuxre i Iraétanüxü̃ nua nangugü i ngewa̱xarü chütaxü̃gu nax yangugügüãxü̃ca̱x i ñaa naane —ñanagürü.

Ãẽ̱xgacügü ga guxchaxü̃güarü mexẽxẽruü̃gü 18:13

Rü yéma inaxĩãchi nax Efraíü̃arü máxpü̱xanexü̃wa naxĩxü̃, rü Micaíapatawa nangugü.