Ãẽ̱xgacügü ga guxchaxü̃güarü mexẽxẽruü̃gü 16:7 - Tupanaarü Ore

⁷ Rü Chanchóü̃ rü ngĩxü̃ nangãxü̃ga rü ñanagürü: —Ngẽxguma chi 7 i würatü̱xü i naxcha̱xmüü̃naxca̱x i tauta mea ipagüxü̃maxã choxü̃ yana̱i̱xgügu, rü tá íchanaturaãchi rü ngexü̃rüüxü̃ i duü̃xü̃rüü̃mare tá chixĩ —ñanagürü.

Ãẽ̱xgacügü ga guxchaxü̃güarü mexẽxẽruü̃gü 16:7 Referans Kwoze

Colosenses 3:9

Rü tama name i pegümaxã pidorae, erü marü ípenata̱x ga nũxcümaü̃xü̃ ga pecüma rü guxü̃ma ga yema chixexü̃gü ga ü̃pa pexügüxü̃.

Gálatas 6:7

¡Rü pexuãxẽgü nax tama ípetüexü̃ca̱x i perü maxü̃wa! Erü taxucürüwa texé Tupanaxü̃ tawomüxẽxẽ. Rü yíxema chixexü̃ ǘxe, rü chixexü̃ tá tayaxu. Rü yíxema mexü̃ ǘxe, rü mexü̃ tá nixĩ i tayaxuxü̃.

Romanos 3:8

Natürü ngẽma ñaxü̃gu nax naxĩnüexü̃ i duü̃xü̃gü rü poraãcü ínatüe. Erü ngẽxguma chi aixcüma yixĩxgu i ngẽma nagu naxĩnüexü̃ i duü̃xü̃gü, rü chi narümemae nixĩ nax yexeraãcü chixexü̃ naxügüxü̃ nax yexeraãcü mexü̃ nax ínguxuchixü̃ca̱x. Rü dücax, Pa Chauenexẽgüx, nangẽxma i chixexü̃ i duü̃xü̃gü i choxü̃ ügagümarexü̃ i nüxü̃ ixugüexü̃ nax ngẽma yixĩxü̃ i chorü ngu̱xẽẽtae. Natürü ngẽma duü̃xü̃gü i ngẽma ñagüxü̃ rü nagagu tátama napoxcue.

Ucu̱xẽgüchiga 17:7

Ngẽma tama naãẽxü̃ cuáxü̃ rü nüxü̃́ naguxcha nax mexü̃ i orexü̃ yaxuxü̃. Rü yimá mexü̃gu maxü̃cü, rü nüxü̃́ naguxcha nax doraxü̃ yaxuxü̃.

Ucu̱xẽgüchiga 12:19

Yíxema ore i aixcümaxü̃ ixuxe, rü ngẽma tümaarü ore rü taguma inarüxo. Natürü ngẽma doraxü̃ ixuxü̃, rü ngẽma norü ore, rü paxa tá inarüxo.

1 Chamué 27:10

Rü nümax ga Aquí rü nüxna nacaüxü̃ rü ñanagürü: —¿Ngexnerüxüne ya ĩane ya pedaiãcune i ñu̱xma? —ñanagürü. Rü Dabí rü nanangãxü̃ rü ñanagürü: —Yudáanearü súrwaama ngẽxmagüne, rü Yerameéxarü súrwaama ngẽxmagüne, rü Quenéutanüxü̃arü naanearü súrwaama ngẽxmagüne —ñanagürü.

1 Chamué 19:17

Rü yexguma ga Chaú rü Micáxü̃ ñanagürü: —¿Tü̱xcüü̃, ngẽmaãcü choxü̃ cuwomüxẽxẽ, rü cuyañaxẽxẽ i chorü uanü? —ñanagürü. Rü Micá rü inangãxü̃ rü ngĩgürügü: —Erü nüma rü chomaxã nanaxuegu nax choxü̃ yamáxü̃ i ngẽxguma chi taxũchima chayañaxẽẽgu —ngĩgürügü.

Ãẽ̱xgacügü ga guxchaxü̃güarü mexẽxẽruü̃gü 16:10

Rü ga Daríra rü Chanchóü̃xü̃ ngĩgürügü: —Choxü̃ cuwomüxẽxẽ rü chomaxã quidora. ¡Natürü i ñu̱xma rü aixcüma chomaxã nüxü̃ ixu rü ñuxãcü cuxü̃ ina̱i̱xgu nixĩ i taxuacü cugü iquiwẽxü̃! —ngĩgürügü.

Ãẽ̱xgacügü ga guxchaxü̃güarü mexẽxẽruü̃gü 16:6

Rü yexguma ga ngĩma rü Chanchóü̃xü̃ ngĩgürügü: —¡Chomaxã nüxü̃ ixu nax ngextá ne naxũxü̃ i ngẽma curü pora! ¿Rü ñuxãcü cuxü̃ ina̱i̱xgu nixĩ i taxuacü cugü iquiwẽxü̃? —ngĩgürügü.

Ãẽ̱xgacügü ga guxchaxü̃güarü mexẽxẽruü̃gü 16:8

Rü nümagü ga Firitéugüarü ãẽ̱xgacügü rü Daríraxü̃tawa nanana ga 7 ga würatü̱xü ga naxcha̱xmüü̃naxca̱x ga tauta ipagüxü̃ Rü yemamaxã Chanchóü̃xü̃ íyana̱i̱x ga Daríra ga yexguma ínapeyane.

Ãẽ̱xgacügü ga guxchaxü̃güarü mexẽxẽruü̃gü 16:9

Rü naxü̃pa ga nax yanáiãxü̃ rü wüxi ga ucapugu iyacu̱xgü ga ñuxre ga Firitéugü. Rü ñu̱xũchi aita ixü rü ngĩgürügü: —¡Pa Chanchóü̃x, Firitéugü rü cuxca̱x ínayaxüãchi —ngĩgürügü. Rü yexguma ga Chanchóü̃ rü nanacaü̃gü ga yema würatü̱xü ga naxcha̱xmüü̃naxca̱x, ñoma wüxi i napana̱xã i marü ixaxü̃rüxü̃. Rü yemaacü ga Firitéugü rü tama nüxü̃ nacua̱xgü nax ngextá ne naxũxü̃ ga norü pora.