Ãẽ̱xgacügü ga guxchaxü̃güarü mexẽxẽruü̃gü 16:4 - Tupanaarü Ore

⁴ Rü yemawena ga Chanchóü̃ rü wüxi ga nge ga Daríragu ãégacüxü̃ nangẽ̱xẽ. Rü ngĩma rü Choréxarü tuãchigu ĩ̱xãchiü̃.

Ãẽ̱xgacügü ga guxchaxü̃güarü mexẽxẽruü̃gü 16:4 Referans Kwoze

1 Corintios 10:6

Rü guxü̃ma ga yema nüxü̃ ngupetüxü̃ ga yema duü̃xü̃gü rü tórü cua̱xruxü̃ nixĩ nax tama chixexü̃ca̱xama idaugüxü̃ naxrüxü̃ ga tórü o̱xigü.

Ucu̱xẽgüchiga 22:14

Ngẽma ngexü̃ i natena ngeãẽxü̃arü chúxu, rü ñoma wüxi i ãxmaxü̃gu ingucuchigurüxü̃ nixĩ, rü ngẽmagu nixĩ i nayicuxü̃ i ngẽma yatügü ya Tupana poxcu namaxã ueguxü̃.

Ucu̱xẽgüchiga 27:22

Ngẽma duü̃xü̃ i tama naãẽxü̃ cuáxü̃, rü woo cunaxucu̱xẽgu rüe̱xna taxü̃ i guxchaxü̃ naxca̱x ínguxgu rü tagutáma naxüchicüxü i nacüma.

Ucu̱xẽgüchiga 26:11

Wüxi i airu rü norü oxü wena nayade̱xexe. Rü ngẽxgumarüxü̃ ta i ngẽma duü̃xü̃ i tama naãẽxü̃ cuáxü̃, rü nacüma i chixexü̃ca̱x nataegu.

Ucu̱xẽgüchiga 23:27

Erü ngẽma ngexü̃ i naxü̃nearü ngúchaü̃gu maxü̃xü̃, rü ñoma wüxi ya puchu ya mátamacü rü i̱xmacürüxü̃ nixĩ.

Neemía 13:26

—¿Tama ẽ̱xna yematama pecadu nixĩ ga nagu nanguxü̃ ga Iraétanüxü̃arü ãẽ̱xgacü ga Charomóü̃? Rü woo guxü̃ma ga yema togü ga nachixü̃anegütanüwa rü nataxuma ga ãẽ̱xgacü ga naxrüxü̃ poraxü̃ rü woo Tupana poraãcü nüxü̃ nangechaü̃ rü guxü̃ma ga Iraétanüxü̃arü ãẽ̱xgacüxü̃ nayangucuchixẽxẽ, natürü yema ngexü̃gü ga togü ga nachixü̃anecüã̱xgü rü Charomóü̃xü̃ pecadugu nangu̱xẽẽgü.

Nüxíraxü̃xü̃ ga popera ga ãẽ̱xgacügüchiga 11:1

Rü nüma ga Charomóü̃ rü Equítuanecüã̱xarü ãẽ̱xgacü ga Faraóü̃acümaxã naxãxma̱x. Rü yexgumarüxü̃ ta namaxã naxãxma̱x ga muxü̃ma ga ngexü̃gü ga togü ga nachixü̃anecüã̱x ixĩgüxü̃ ga: Moátanüxü̃, rü Amóü̃tanüxü̃ rü Edóü̃tanüxü̃, rü Chidóü̃tanüxü̃ rü Itítanüxü̃ ga Cori ya Tupana Iraéanecüã̱xgüna chu̱xuxü̃ ga namaxã nax yaxãmaxü̃ yerü ngürüãchi yema Iraéanecüã̱xgü rü tá yema ngexü̃güarü tupanagüwe narüxĩ. Natürü nüma ga Charomóü̃ rü yema ngexü̃güxü̃ nangẽ̱xẽ, rü yemaca̱x namaxã naxãxma̱x.

Ãẽ̱xgacügü ga guxchaxü̃güarü mexẽxẽruü̃gü 16:3

Natürü nüma ga Chanchóü̃ rü ngãxü̃cüxü naba̱i̱xãchi rü guma ĩanearü ücuchicawa naxũ rü nanabüxü̃ ga norü ĩã̱xgü guxü̃ma ga norü nacüwagümaxã rü norü chotaruü̃gümaxã. Rü guxü̃ma ga yema rü nügüãtügu nananugü. Rü ñu̱xũchi guma Ebróü̃arü to̱xma̱xtawa yexmane ya ma̱xpǘnewa nanana.

Ãẽ̱xgacügü ga guxchaxü̃güarü mexẽxẽruü̃gü 16:5

Rü nümagü ga yema Firitéugüarü ãẽ̱xgacügü rü Daríraxü̃tawa naxĩ rü ñanagürügü ngĩxü̃: —¡Chanchóü̃xü̃ nawomüxẽxẽ, rü nüxna naca nax ngextá ne naxũxü̃ i ngẽma norü pora, nax ngẽmaãcü nüxü̃ tarüporamaegüxü̃ca̱x, rü tayayauxgüxü̃ca̱x, rü tayana̱i̱xgüxü̃ca̱x! Rü wüxichigü i toma rü tá cuxna ngĩxü̃ taxã i 1,100 tachinü i diẽru ega cunaxüxgux i ngẽma —ñanagürügü ngĩxü̃.