Ãẽ̱xgacügü ga guxchaxü̃güarü mexẽxẽruü̃gü 16:16 - Tupanaarü Ore

¹⁶ Rü ngĩma ga Daríra rü wüxichigü ga ora nüxü̃ ica̱a̱xü̃echa rü yemaca̱x ga nüma ga Chanchóü̃ rü düxwa tama yáxna namaxã naxĩnü rü yuxgu nügümaxã narüxĩnü.

Ãẽ̱xgacügü ga guxchaxü̃güarü mexẽxẽruü̃gü 16:16 Referans Kwoze

Ore i mexü̃ ga Luca ümatüxü̃ 18:5

Natürü ngẽma choxü̃ nax nachixeweechaxü̃ca̱x i ñaa nge, rü noxtacüma tá ngĩxü̃ charüngü̃xẽxẽxü̃ nax tama yeü̃cürü choxü̃ nachixeweechaxü̃ca̱x” —ñanagürü.

Ore i mexü̃ ga Luca ümatüxü̃ 11:8

Rü pemaxã nüxü̃ chixu, rü ngẽma nax tümamücü yixĩxü̃ca̱x rü taxũtáma ínarüda nax ta̱xacü tüxna naxãxü̃ca̱x. Natürü tá ínarüda nax tama tanachixeweechaxü̃ca̱x, rü tá tüxna nanaxã i guxü̃ma i ta̱xacü i tanaxwa̱xexü̃.

Ore i mexü̃ ga Márcu ümatüxü̃ 14:24

Rü ñanagürü nüxü̃: —Daa bínu ya chaugü i muxü̃ma i duü̃xü̃güca̱x ibacüchiga nixĩ. Rü yimáwa Tupana nanango̱xẽxẽ nax aixcüma yixĩxü̃ i norü uneta.

Yoná 4:9

Natürü nüma ga Tupana rü nanangãxü̃ rü ñanagürü: —¿Cuxca̱x rü namexü̃ nax ngẽmaãcü cunuxü̃ nagagu nax nayumaxü̃xü̃ i ngẽma nanetü? —ñanagürü. Rü nüma ga Yoná rü Tupanaxü̃ nangãxü̃ rü ñanagürü: —Ngẽmáacüx, cha̱u̱xca̱x name i ngẽma, erü ngẽma chorü numaxã chayuxchaü̃ —ñanagürü.

Yox 21:4

Rü marü tama wüxi i duü̃xü̃xü̃ nixĩ i chaca̱a̱xü̃ natürü Tupanaxü̃ nixĩ i chaca̱a̱xü̃. Rü ngẽmaca̱x chanaxwa̱xe i paxa choxü̃ nangãxü̃.

Ãẽ̱xgacügü ga guxchaxü̃güarü mexẽxẽruü̃gü 16:15

Rü yexguma ga ngĩma ga Daríra rü Chanchóü̃xü̃ ngĩgürügü: —Idorata̱a̱xüchixü̃. ¿Rü ñuxãcü chomaxã nüxü̃ quixu nax cuchoxwa̱xexü̃? Rü marü tomaepü̱xcüna nixĩ i choxü̃ cuwomüxẽẽxü̃ rü ñomarüta tama chomaxã nüxü̃ quixu nax ngextá ne naxũxü̃ i ngẽma curü pora —ngĩgürügü.

Ãẽ̱xgacügü ga guxchaxü̃güarü mexẽxẽruü̃gü 16:17

Rü düxwa Daríramaxã nüxü̃ nixu rü ñanagürü: —Chorü bucürüwa taxúema choxü̃ tiyoeru, yerü naxü̃pa ga nax chabuxü̃ rü Tupanaca̱xtama woe íchaxüxüchi. Natürü ngẽxguma chi choxü̃ yayoerugügu rü ngẽxguma i choma rü tá íchanaturaãchi rü ngexü̃rüüxü̃ i duü̃xü̃rüü̃mare tá chixĩ —ñanagürü.

Ãẽ̱xgacügü ga guxchaxü̃güarü mexẽxẽruü̃gü 14:16

Rü yemaacü ga ngĩma rü Chanchóü̃xü̃tawa ixũ rü auxãcüma ngĩgürügü nüxü̃: —Cuma rü tama cuchoxwa̱xe rü chauxchi cuxai. Rü chautanüxü̃na cunaxã i wüxi i dexa i ẽxü̃guxü̃, natürü tama chomaxã nüxü̃ quixu nax ñuxũ ñaxü̃ i ngẽma orearü ngãxü̃ga —ngĩgürügü. Rü nüma ga Chanchóü̃ rü ngĩxü̃ nangãxü̃ga rü ñanagürü: —Woo chaunatümaxã rü chauémaxã rü tama nüxü̃ chixu, rü yexera i cumaxã rü taxũtáma nüxü̃ chixu —ñanagürü.

Ãẽ̱xgacügü ga guxchaxü̃güarü mexẽxẽruü̃gü 14:17

Natürü ga ngĩma rü yema 7 ga ngunexü̃ ga nagu napetaexü̃ rü naxü̃tawa ixauxecha, rü nüxü̃ ica̱a̱xü̃. Rü yexguma norü 7 ga ngunexü̃wa nanguxgu, rü düxwa ngĩmaxã nüxü̃ nixu ga yema dexa ga ẽxü̃guxü̃arü ngãxü̃ga. Rü yexguma ga ngĩma rü ngĩtanüxü̃maxã nüxü̃ iyarüxu.