Ãẽ̱xgacügü ga guxchaxü̃güarü mexẽxẽruü̃gü 14:3 - Tupanaarü Ore

³ Natürü tüma ga nanatü rü naé rü ñatagürügü: —¿Tü̱xcüü̃ cuxma̱x ngĩxne cuyadau natanügu i ngẽma Firitéugü i tama Tupanaxü̃ cua̱xgüxü̃? ¿Ẽ̱xna itaxuma i nge i nua tatanüwa rü natanüwa i guxü̃ma i ñaa Iraétanüxü̃ nax ngĩmaxã cuxãmaxü̃ca̱x? —ñatagürügü. Natürü ga nüma ga Chanchóü̃ rü tüxü̃ nangãxü̃ga rü ñanagürü: —Natürü ngẽma pacü iyixĩ i choxü̃́ ngúchaü̃cü rü changĩxwa̱xecü nax cho̱xma̱x yixĩxü̃ca̱x —ñanagürü.

Ãẽ̱xgacügü ga guxchaxü̃güarü mexẽxẽruü̃gü 14:3 Referans Kwoze

1 Chamué 17:36

Rü choma i curü duü̃xü̃, Pa Ãẽ̱xgacüx, rü woo leóü̃ yixĩxgu rüe̱xna osu i düraxü̃ yixĩxgu rü chayama̱x. Rü ñaa Firitéu i tama Tupanaxü̃ cuáxü̃ rü ngẽmaãcü tá namaxã chanaxü, erü Tupana ya Maxü̃cüarü churaragüxü̃ naxãũxũne.

Ãẽ̱xgacügü ga guxchaxü̃güarü mexẽxẽruü̃gü 15:18

Rü nüma ga Chanchóü̃ rü poraãcüma nita̱xawa rü yemaca̱x Tupanamaxã nidexa rü ñanagürü: —Ñu̱xma nax poraãcü choxü̃ nüxü̃ curüporamaexẽẽxü̃ i chorü uanügü rü ¿Tü̱xcüü̃ ta̱xawamaxã tá choxü̃ cuyuxẽxẽxü̃? ¿Ẽ̱xna naxme̱xgu tá choxü̃ cunguxẽxẽ i ñaa Firitéugü i tama cuxü̃́ yaxõgüxü̃? —ñanagürü.

2 Chamué 1:20

¡Taxṹ i Gáxwa nüxü̃ peyarüxuxü̃, rü taxṹ i Acharóü̃arü ĩanearü namagüwa nüxü̃ peyarüxuxü̃ nax tama nataãẽgüxü̃ca̱x i ngẽma ngexü̃gü i Firitéugü, rü tama taãẽmaxã nayunagütanüxü̃ca̱x i ngẽma ngexü̃gü i tama Tupanaaxü̃́ yaxõgüxü̃!

1 Chamué 17:26

Rü yexguma ga Dabí rü yema naxü̃tawa yexmagüxü̃na naca rü ñanagürü: —¿Ta̱xacümaxã tá nüxü̃́ naxãtanü ya yimá yatü ya ñaa Firitéuxü̃ imácü rü naxoxẽẽcü nax ngẽma Iraéanecüã̱xgümaxã ta̱xacü nax yaxugüxü̃? ¿Erü ta̱xacü nixĩ i ñaa Firitéu i tama Tupanaxü̃ cuáxü̃ rü ngẽmaca̱x Tupana ya Maxü̃cüarü churaragüxü̃ naxãũxũnexü̃? —ñanagürü.

1 Chamué 14:6

Rü nüma ga Yonatáü̃ rü norü ngü̃xẽẽruxü̃xü̃ ñanagürü: —Ngĩxã, rü tocutüwa taxĩ, ñu̱xmatáta ngẽma Firitéugüarü churaragütücumü i tama Tupanaaxü̃́ yaxõgüxü̃ íngẽxmaxü̃wa ingugü. Bexmana nüma ya Cori ya Tupana rü tá tüxü̃ narüngü̃xẽxẽ, erü taxuxü̃ma nüxü̃́ naguxcha nax tüxü̃ naporamaexẽẽxü̃ woo imuxgu rüe̱xna inoxregu —ñanagürü.

Naanearü ügüchiga 34:14

Rü ñanagürügü: —Tomax, rü taxucürüwa toeya̱x nüxna ngĩxü̃ tamu i wüxi i yatü i tama íwiecha̱xmüü̃pe̱xechiraü̃xü̃, erü toxca̱x rü wüxi i ãne chi nixĩ i ngẽma.

Naanearü ügüchiga 13:8

Rü yemaca̱x ga Abráü̃ rü wüxi ga ngunexü̃gu Loxmaxã nidexa rü ñanagürü: —Cuma rü choma rü yigütanüxü̃ tixĩgü rü ngẽmaca̱x tama name nax yigüchi ixaiexü̃. Rü tama name nax taxü̃naarü dauruü̃gü rü nügü nax nadaiechaxü̃.

Naanearü ügüchiga 21:27

Rü yexguma nüma ga Abraáü̃ rü Abimeréxna nanamugü ga wocagü rü carnérugü. Rü yemaacü yematama ga ngunexü̃gu rü wüxi ga uneta nügümaxã naxügü ga yema taxre.

Ãẽ̱xgacügü ga guxchaxü̃güarü mexẽxẽruü̃gü 14:2

Rü yexguma nachiü̃ca̱x nataegu̱xgu rü nanatümaxã rü naémaxã nüxü̃ nixu rü ñanagürü: —Wüxi i nge i Firitéu ya ĩane ya Tináwa ngĩxü̃ chada̱u̱xcümaxã chingĩxchaü̃. Rü chanaxwa̱xe i ngĩnatümaxã penamexẽxẽ nax ngĩmaxã chaxãmaxü̃ca̱x —ñanagürü.

Yochué 23:12

Rü choma rü chanaxwa̱xe i nüxü̃ nax pecuáxü̃ rü ngẽxguma tá Tupanana pixĩgachigu rü ñaa duü̃xü̃gü i petanüwa ngẽxmagüxü̃maxã pexãmücügu, rü namaxã pixãxma̱xgügu, rü pixãtegügu, rü nüma ya Cori ya perü Tupana rü taxũtáma pexü̃ narüngü̃xẽxẽ nax ípenawoxü̃xü̃ca̱x i ngẽma duü̃xü̃gü i petanüwa ngẽxmagüxü̃. Rü nüma ya Tupana rü perü guxchaxü̃ruxü̃ tá nayaxĩgüxẽxẽ i ngẽma duü̃xü̃gü nax ngẽmaãcü naxme̱xgu peyi̱xixü̃ca̱x. Rü ngẽmaãcü ñoma texé pexca̱xwena nacua̱i̱xcaxü̃rüxü̃ tá nixĩ ñu̱xmatáta taxúetama petanüwa íyaxü nawa i ñaa mexü̃ i naane ya tórü Cori ya Tupana pexna ãxü̃.