Ãẽ̱xgacügü ga guxchaxü̃güarü mexẽxẽruü̃gü 13:2 - Tupanaarü Ore

² Rü Choráarü ĩanewa nayexma ga wüxi ga yatü ga Dáü̃tanüxü̃ ixĩcü ga Manóagu ãégacü. Rü guxema naxma̱x rü taguma taxãxacü yerü woetama tangexacüecha.

Ãẽ̱xgacügü ga guxchaxü̃güarü mexẽxẽruü̃gü 13:2 Referans Kwoze

Yochué 19:41

Yema naanewa rü nayexmagü ga ĩanegü ga Chorá, rü Etaóü̃, rü I-chemé, rü Chaabíü̃, rü Ayaróü̃, rü Yetía, rü Eróü̃, rü Tiná, rü Ecróü̃, rü Etequé, rü Guibetóü̃, rü Baará, rü Yeúx, rü Bené-beráx, rü Gax-rimóü̃, rü Meyacóü̃, rü Racóü̃. Rü guma ĩanegü nixĩ ga nayauxgüne namaxã ga yema naane ga Yópearü ngaicamana yexmaxü̃.

Ore i mexü̃ ga Luca ümatüxü̃ 1:7

Natürü nangexacügü yerü naxma̱x ga Erichabé rü ingexacü. Rü ñu̱xũchi ga nümagü rü marü yaxguã̱xgü nixĩgü.

Yochué 15:33

Rü yema ínadoxonexü̃wa nüxna ügüne ya ĩanegü rü daagü nixĩ: Rü Etaóü̃, rü Chorá, rü Achaná, rü Chanóa, rü En-ganíü̃, rü Tapúa, rü Enáü̃, rü Yamúx, rü Aduráü̃, rü Chocó, rü Achecá, rü Chaaraíü̃, rü Aditaíü̃, rü Guederá, rü Guederotaíü̃. Rü 14 ga ĩanegü nixĩ rü naétü ga norü ĩanexacügü.

Naanearü ügüchiga 25:21

Rü Ichaá naxma̱x ga Rebéca rü tama nüxü̃́ ixãxacü. Rü yemaca̱x ga Ichaá rü Cori ya Tupanana naca nax naxãxacüxü̃ca̱x. Rü nüma ga Tupana rü nüxü̃ naxĩnü ga norü yumüxẽ rü ixãxacü.

Naanearü ügüchiga 16:1

Rü Charái rü taguma nüxü̃́ ixãxacü ga gumá ngĩte ga Abráü̃. Natürü ngĩxü̃́ iyexma ga wüxi ga ngĩxü̃taxü̃ ga Equítuanecüã̱x ga Agágu ãégacü.

Ãẽ̱xgacügü ga guxchaxü̃güarü mexẽxẽruü̃gü 2:1

Rü Tupanaarü orearü ngeruxü̃ i dauxü̃cüã̱x rü Guirigáwa inaxũãchi rü Boquíü̃wa naxũ rü yéma Iraétanüxü̃xü̃ ñanagürü: —Choma nixĩ ga Equítuanewa pexü̃ íchagaxü̃, rü ñaa naane ga perü o̱xigümaxã nüxü̃ chixuxü̃wa pexü̃ chagagüxü̃. Yerü yexguma perü o̱xigümaxã nüxü̃ chixuxgu rü ñachagürü: “Ngẽma chorü uneta i pemaxã nüxü̃ chixuxü̃ rü tagutáma ichayanaxoxẽxẽ. Natürü tama chanaxwa̱xe i pema nax ta̱xacürü uneta namaxã pexügüxü̃ i ngẽma duü̃xü̃gü i ngéma maxẽxü̃. Rü ngẽma chanaxwa̱xexü̃ nixĩ nax nagu pepogüexü̃ i ngẽma norü ãmarearü guruü̃gü”, ñachagürü. Natürü i pema rü tama chauga pexĩnüe. ¡Rü dücax, nüxü̃ peda̱u̱x i ngẽma pexüxü̃!

Naanearü ügüchiga 11:30

Natürü ga Charái rü taguma ixãxacü.

Naanearü ügüchiga 49:16

“Rü Dáü̃ rü mea norü duü̃xü̃gümaxã tá inacua̱x, erü nüma rü wüxitücumü i Iraétanüxü̃ nixĩ.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 2:53

Rü yema Quiriáx-yearíü̃tanüxü̃tanüwa nixĩ ga nangóexü̃ ga Itrítanüxü̃, rü Fúxtanüxü̃, rü Chumátanüxü̃, rü Mirátanüxü̃. Rü yema Mirátanüxü̃tanüwa nixĩ ga nangóexü̃ ga yema Chorátanüxü̃ rü Etaóü̃tanüxü̃.