Ãẽ̱xgacügü ga guxchaxü̃güarü mexẽxẽruü̃gü 13:13 - Tupanaarü Ore

¹³ Rü nüma ga Tupanaarü orearü ngeruxü̃ i daxũcüã̱x rü Manóaxü̃ nangãxü̃ rü ñanagürü: —Ngẽma cuxma̱xmaxã nüxü̃ chixuxü̃ ¡rü naxü i guxü̃ma!

Ãẽ̱xgacügü ga guxchaxü̃güarü mexẽxẽruü̃gü 13:13 Referans Kwoze

Ínachoxü̃xü̃chiga 3:2

Rü yéma rü wüxi ga chuchuxü̃eta ga iya̱u̱xraxü̃wa nixĩ ga Moichéca̱x nangóxü̃ ga Cori ya Tupanaarü orearü ngeruxü̃ ga daxũcüã̱x. Rü nüma ga Moiché rü mea nüxü̃ nadawenü rü nüxü̃ nicua̱xãchi ga yema chuchuxü̃eta ga nax yayauraxü̃, natürü tama nixa.

Ãẽ̱xgacügü ga guxchaxü̃güarü mexẽxẽruü̃gü 13:4

¡Natürü taxũtáma bínu quixaxü rüe̱xna to i axchiü i ngúchi̱xáxü̃, rü taxũtáma ta̱xacü i Tupanape̱xewa ãũãchixü̃ cungõ̱x!

Ãẽ̱xgacügü ga guxchaxü̃güarü mexẽxẽruü̃gü 13:11

Rü nüma ga Manóa rü inachi rü naxma̱xmaxã yema daxũcüã̱x i Tupanaarü orearü ngeruxü̃ íyexmaxü̃wa nabuxmü. Rü nüxna naca rü ñanagürü: —¿Cuma quixĩxü̃ ga to ga ngunexü̃gu cho̱xma̱xca̱x cungóxü̃? —ñanagürü. Rü nüma ga yema daxũcüã̱x rü nanangãxü̃ rü ñanagürü: —Ngü̃, choma chixĩ —ñanagürü.

Ãẽ̱xgacügü ga guxchaxü̃güarü mexẽxẽruü̃gü 13:12

Rü yexguma ga Manóa rü ñanagürü: —Ngẽxguma yanguxgu i ngẽma tomaxã nüxü̃ quixuxü̃ ¿rü ñuxãcü tá itanayaxẽxẽxü̃ i ngẽma buxü̃? ¿Rü ta̱xacü tá namaxã taxüxü̃? —ñanagürü.