Ãẽ̱xgacügü ga guxchaxü̃güarü mexẽxẽruü̃gü 13:1 - Tupanaarü Ore

¹ Natürü nüma ga Iraétanüxü̃ rü Cori ya Tupanape̱xewa wena chixexü̃ naxüe, rü yemaca̱x ga Cori ya Tupana rü Firitéugüme̱xẽgu nanayixẽxẽ ga 40 ga taunecü.

Ãẽ̱xgacügü ga guxchaxü̃güarü mexẽxẽruü̃gü 13:1 Referans Kwoze

1 Chamué 12:9

Natürü ga nümagü rü norü Cori ya Tupanaxü̃ narüngümae. Rü yemaca̱x nüma ga Tupana rü ĩane ga Achóxarü ãẽ̱xgacü ga Yabíü̃arü churaragüeru ga Chícharame̱xẽwa nanayexmagüxẽxẽ. Rü ñu̱xũchi Firitéugüme̱xẽwa rü Moáarü ãẽ̱xgacüme̱xẽwa nanayexmagüxẽxẽ. Rü yexmagü nixĩ ga perü o̱xigümaxã nügü daixü̃.

Ãẽ̱xgacügü ga guxchaxü̃güarü mexẽxẽruü̃gü 6:1

16 Natürü nüma ga Iraétanüxü̃ rü wena Cori ya Tupanape̱xewa chixexü̃ naxügü, rü yemaca̱x ga nüma ya Tupana rü 7 ga taunecü Madiáü̃tanüxü̃me̱xẽwa nanayexmagüxẽxẽ ga yema Iraétanüxü̃.

Romanos 2:6

Rü ngẽma ngunexü̃ tá nixĩ ya Tupana nüxü̃́ yaxütanüxü̃ i wüxichigü i duü̃xü̃gü naxca̱x i ngẽma naxügüxü̃.

Ãẽ̱xgacügü ga guxchaxü̃güarü mexẽxẽruü̃gü 3:7

Rü yema nacümagü ga Iraétanüxü̃ nagu maxẽxü̃ rü Cori ya Tupanape̱xewa rü poraãcü nachixe. Yerü Cori ya Tupanaxü̃ inarüngümae rü Baáchicüna̱xãgüxü̃ rü Acheráchicüna̱xãgüxü̃ nicua̱xüü̃gü.

Ãẽ̱xgacügü ga guxchaxü̃güarü mexẽxẽruü̃gü 2:11

Rü nüma ga Iraétanüxü̃ rü Tupanape̱xewa chixexü̃ naxügü, rü inanaxügüe ga Baáchicüna̱xãxü̃ nax yacua̱xüü̃güxü̃.

Ãẽ̱xgacügü ga guxchaxü̃güarü mexẽxẽruü̃gü 10:6

Natürü nüma ga Iraétanüxü̃ rü wenaxarü Cori ya Tupanape̱xewa chixexü̃ naxügü rü guxü̃raü̃xü̃ ga Baáchicüna̱xãxü̃ rü Ataréchicüna̱xãxü̃ nicua̱xüü̃gü. Rü yexgumarüxü̃ tá nüxü̃ nicua̱xüü̃gü ga Chíriacüã̱xgüarü tupanachicüna̱xãgü, rü Chidóü̃cüã̱xgüarü tupanachicüna̱xãgü, rü Moátanüxü̃arü tupanachicüna̱xãgü rü Amóü̃tanüxü̃arü tupanachicüna̱xãgü, rü Firitéugüarü tupanachicüna̱xãgü. Rü Cori ya Tupanaxü̃ narüngümae rü nüxü̃ narüxoe nax naxca̱x nangutaque̱xegüxü̃.

Ãẽ̱xgacügü ga guxchaxü̃güarü mexẽxẽruü̃gü 4:1

Rü yexguma Iraétanüxü̃arü ãẽ̱xgacü ga Aóx yuxguwena, rü nüma ga Iraétanüxü̃ rü wenaxarü Cori ya Tupanape̱xewa chixexü̃ naxügü.

Yeremía 13:23

¿Rü nüxü̃́ natauxchaxü̃ i wüxi i waxüxü̃ i duü̃xü̃ nax nügü nacho̱xẽxẽxü̃? ¿Rü nüxü̃́ natauxchaxü̃ i wüxi i ai nax iyanaxoxẽẽãxü̃ i namatü? Rü ngẽxgumarüxü̃ ta i pema nax chixexü̃gu pemaxẽxü̃, rü taxucürüwama mexü̃ pexü.

Popera ga Yudíugü ga yaxõgüxü̃ca̱x ümatüxü̃ 11:32

¿Rü ñu̱xma rü ta̱xacü i togü i duü̃xü̃güchigaxü̃ tá pemaxã chixuxü̃? Rü changechica nax pemaxã nüxü̃ chixuxü̃ca̱x i nachiga ga yema nũxcümaü̃güxü̃ ga ãẽ̱xgacügü ga Yedeóü̃ rü Baráx rü Chanchóü̃ rü Yeté rü Dabí rü Chamué, rü guxü̃ma ga yema nũxcümaü̃güxü̃ ga Tupanaarü orearü uruü̃gü.

Ãẽ̱xgacügü ga guxchaxü̃güarü mexẽxẽruü̃gü 12:15

Rü yexguma nayu̱xgu ga Axdóü̃ rü norü ĩane ga nagu nabuxü̃ne ga Piratóü̃gu nanata̱xgü. Rü Piratóü̃ rü Efraíü̃tanüxü̃arü naanewa nayexma nawa ga yema máxpü̱xanexü̃ ga noxri Amaréxtanüxü̃ nawa maxẽxü̃.

Ãẽ̱xgacügü ga guxchaxü̃güarü mexẽxẽruü̃gü 15:11

Rü yemaxü̃ naxĩnüegu rü 3,000 ga yatügü ga Yudátanüxü̃ rü Chanchóü̃ca̱x nayadaugü nagu ga yema ãxmaxü̃ ga guma ma̱xpǘne ga Etáü̃wa yexmaxü̃. Rü Chanchóü̃xü̃ ñanagürügü: —¿Tama ẽ̱xna nüxü̃ cucua̱x i ngẽma Firitéugü rü toxü̃ nax naporamaegüxü̃? ¿Rü tü̱xcüü̃ guxchaxü̃wa toxü̃ cungẽxmagüxẽxẽ? —ñanagürügü. Rü Chanchóü̃ nanangãxü̃ga rü ñanagürü: —Choma rü chaxütanü naxca̱x ga yema chomaxã naxügüxü̃ —ñanagürü.

Ãẽ̱xgacügü ga guxchaxü̃güarü mexẽxẽruü̃gü 15:20

Rü nüma ga Chanchóü̃ rü 20 ga taunecü Iraétanüxü̃maxã inacua̱x. Rü yexgumaü̃cüxü rü Firitéugü nixĩ ga rüporamaegüxü̃ ga yema naanewa.

1 Chamué 4:9

Pa Firitéugüarü Churaragüx, ¡taxṹ ipemuü̃exü̃ rü perümaãchitanüxü̃! ¡Rü guxü̃ i perü poramaxã namaxã pegü pedai i ngẽma Iraétanüxü̃ nax ngẽmaãcü tama norü puracütanüxü̃xü̃ pexü̃ yaxĩgüxẽxẽxü̃ca̱x yema nümagü rü tórü puracütanüxü̃ yaxĩgügurüxü̃! —ñanagürügü.

1 Chamué 7:13

Rü nüma ga Iraétanüxü̃ rü Firitéugüxü̃ narüporamae, rü taguma wena Iraétanüxü̃arü naanewa ínayaxüãchi. Rü yexguma namaxü̃gu ga Chamué rü Cori ya Tupana rü Firitéugümaxã narüxuanü.

Ãẽ̱xgacügü ga guxchaxü̃güarü mexẽxẽruü̃gü 10:7

Rü yemaca̱x nüma ga Cori ya Tupana rü namaxã nanu rü Firitéugüme̱xẽwa rü Amóü̃tanüxü̃me̱xẽwa nanayexmagüxẽxẽ nax namaxã inacua̱xgüxü̃ca̱x.

Ãẽ̱xgacügü ga guxchaxü̃güarü mexẽxẽruü̃gü 14:4

Rü tüma ga nanatü rü naé rü tama nüxü̃ tacua̱xgü nax Cori ya Tupana rü woetama yemaacü naxueguãxü̃, yerü naxca̱x nadau ga ñuxãcü Firitéugüna guxchaxü̃ nax naxãxü̃. Rü yexgumaü̃cüxü nixĩ ga Iraétanüxü̃ ga Firitéugüme̱xẽwa nayexmagüxü̃.