Ãẽ̱xgacügü ga guxchaxü̃güarü mexẽxẽruü̃gü 11:3 - Tupanaarü Ore

³ Rü yemaca̱x ga Yeté rü naenexẽgüna nixũ rü Tóxanegu nayaxãchiü̃. Rü yéma nananutaque̱xe ga wüxitücumü ga duü̃xü̃gü ga chixexü̃gu maxẽxü̃. Rü yema duü̃xü̃gü ga ngĩ́xta̱xagüxü̃maxã duü̃xẽgü tüxü̃ nibuxmüxẽxẽ rü nangĩ́xẽ.

Ãẽ̱xgacügü ga guxchaxü̃güarü mexẽxẽruü̃gü 11:3 Referans Kwoze

Ãẽ̱xgacügü ga guxchaxü̃güarü mexẽxẽruü̃gü 9:4

Rü yema duü̃xü̃gü, rü 70 tachinü ga diẽru ngĩxü̃ nayauxgü ga Baá-beríxarü tupaucawa rü Abimeréxna ngĩxü̃ naxãgü ga yema diẽru. Rü Abimeréx rü yema diẽrumaxã, ñuxre ga máetatanüxü̃axü̃́ nanaxütanü nax nawe naxĩxü̃ca̱x. Rü yema yatügü rü Abimeréxwe narüxĩ.

2 Chamué 10:8

Rü nüma ga Amóü̃tanüxü̃ rü marü inaxĩãchi, rü ĩanearü ĩã̱x ga taxü̃wa nügü ínamexẽẽgü nax nügü nada̱i̱xü̃ca̱x. Rü yema Chíriaanearü churaragü ga Chobácüã̱x, rü Reóxcüã̱x, rü ñu̱xũchi yema Ix-tóxarü churaragü rü ãẽ̱xgacü i Maacáarü churaragü rü düxétügumare nügü ninu.

2 Chamué 10:6

Rü yexguma nüma ga Amóü̃tanüxü̃ nüxü̃ cua̱xgügu nax poraãcü Dabíxü̃ nanuxẽẽgüxü̃, rü yemaca̱x nüxü̃́ nanaxütanü ga 20,000 ga Chíriaanearü churaragü ga Bex-reóxcüã̱x, rü Chobácüã̱x, rü ñu̱xũchi 1,000 ga yatügü ga ãẽ̱xgacü ga Maacáarü churaragü rü 12,000 ga Ix-tóxarü churaragü nax nüxü̃ nangü̃xẽẽgüxü̃ca̱x.

1 Chamué 22:2

Rü yexgumarüxü̃ ta naxü̃tawa naxĩ ga yema duü̃xü̃gü ga ãẽ̱xgacü ngetanüãcü puracüexẽẽxü̃ rü yema duü̃xü̃gü ga nangetanügüxü̃ rü yema duü̃xü̃gü ga tama ãẽ̱xgacümaxã taãẽgüxü̃. Rü nüma ga Dabí rü yema duü̃xü̃güeru nixĩ. Rü yema duü̃xü̃gü ga Dabíwe rüxĩxü̃ rü 400 ga yatügüwa nangu.

Ngechuchuarü ngúexü̃gü ga yamugüxü̃arü puracüchiga 17:5

Rü yemaca̱x ga yema Yudíugü ga tama yaxõgüxü̃, rü nixãũxãchigü. Rü nanaxĩtaque̱xexẽxẽ ga ñuxre ga yatügü ga chixexü̃gu maxẽxü̃ ga oexü̃ ga ĩanearü namagüwa yexmagüxü̃. Rü yema Yudíugü rü yema oexü̃xü̃ naxucu̱xẽgü nax yema ĩanecüã̱x ga duü̃xü̃güxü̃ nanuexẽẽxü̃ca̱x. Rü Yachóü̃patawa nabuxmü ga yema duü̃xü̃gü nax Pauruca̱x rü Chíraca̱x nadaugüxü̃ca̱x, yerü yema muxü̃ma ga duü̃xü̃güpe̱xewa nanagagüchaü̃.

1 Chamué 27:2

Rü yemaacü ga Dabí rü yema 600 ga yatügü ga íyaxümücügüxü̃maxã inaxĩãchi nax Aquí ga Maóx nane ga ĩane ga Gáxarü ãẽ̱xgacüxü̃tawa naxĩxü̃ca̱x.