Ãẽ̱xgacügü ga guxchaxü̃güarü mexẽxẽruü̃gü 11:16 - Tupanaarü Ore

¹⁶ Rü yexguma Equítuanewa ítachoxü̃gu, rü naane ga chianexü̃gu taxĩ rü ñu̱xmata Már i Dauchíüxü̃wa tangugü. Rü yéma tachopetü rü ñu̱xmata Cadéwa tangugü.

Ãẽ̱xgacügü ga guxchaxü̃güarü mexẽxẽruü̃gü 11:16 Referans Kwoze

Wenaxarü naxümatü ga Tupanaarü mugü 1:40

Natürü i pemax, ¡rü wena chianexü̃wa pexĩ! ¡Rü wenaxarü Már i Dauchíüxü̃ca̱x pewoegu!” ñanagürü ga Tupana.

Iraétanüxü̃arü muxchiga 14:25

(Rü ngẽma Amaréxtanüxü̃ rü Canaáü̃tanüxü̃ rü ngẽma doxonexü̃gu naxãchiü̃gü.) Rü ngẽmaca̱x i pema i moxü̃ rü tá pewoegu rü chianexü̃guama tá pexĩ i Már i Dauchíüxü̃guama —ñanagürü.

Iraétanüxü̃arü muxchiga 20:1

Rü gumá taunecüarü nüxíraü̃cü ga tauemacügu nixĩ ga Iraétanüxü̃ ga chianexü̃ ga Chíü̃wa nangugüxü̃. Rü nachica ga Cadégu narücho. Rü yexma nixĩ ga nayuxü̃ ga Moiché naeya̱x ga María. Rü yexma ngĩxü̃ nata̱xgü.

Yochué 5:6

Yema Iraétanüxü̃ ga Equítuanewa íchoxü̃xü̃ rü 40 ga taunecü nixĩ ga yema ínachianexü̃gu naxĩxü̃. Rü guxü̃ma ga yema iyatüxü̃ ga marü churarawa imexü̃ ga yexguma Equítuanewa ínachoxü̃gu rü namagu nixĩ ga nayuexü̃. Rü yema duü̃xü̃gü rü tama Cori ya Tupanaga naxĩnüechaü̃, rü yemaca̱x nüma ga Tupana rü namaxã nanaxuegu nax taxũtáma nüxü̃ nadaugüxü̃ ga yema naane ga norü o̱xigümaxã naxueguxü̃ i ngextá lechi rü berure taguma ítaxuxü̃wa ñoma dexá iyaxü̃rüxü̃.

Wenaxarü naxümatü ga Tupanaarü mugü 1:46

Rü yemaca̱x ga pema rü muxü̃ma ga ngunexü̃gü Cadéanewa peyexmagü —ñanagürü ga Moiché.

Naanearü ügüchiga 14:7

Rü yexguma nataeguxgu ga Queduraúme namaxã ga yema nawa ügüxü̃ ga ãẽ̱xgacügü, rü nawa nangugü ga guma ĩane ga En-michapáx ga Cadégu ta ãégane. Rü nanapuxü̃ ga guxü̃ma ga yema Amaréxtanüxü̃arü naane. Rü yexgumarüxü̃ ta nanapuxü̃ ga norü naane ga yema Amoréutanüxü̃ ga Achechóü̃-tamáanewa maxẽxü̃.

Iraétanüxü̃arü muxchiga 20:4

¿Rü tü̱xcüü̃ nixĩ i nua chianexü̃wa toxü̃ pegagüxü̃ i toma i Cori ya Tupanaarü duü̃xü̃gü nax tixĩgüxü̃? ¿Ẽ̱xna penaxwa̱xe nax nua tayuexü̃ wüxigu namaxã i toxü̃nagü?