Ãẽ̱xgacügü ga guxchaxü̃güarü mexẽxẽruü̃gü 10:4 - Tupanaarü Ore

⁴ Yaí rü 30 ga nanegü nüxü̃́ nayexma rü wüxichigü ga yema nanegü rü wüxi ga ĩanemaxã inacua̱x ga Garaáxarü naanewa. Rü yimá 30 ya ĩanegü rü ñu̱xma rü ta i duü̃xü̃gü rü nüxü̃ nacua̱xgü nax Yaíarü ĩanegü yaxĩgüxü̃.

Ãẽ̱xgacügü ga guxchaxü̃güarü mexẽxẽruü̃gü 10:4 Referans Kwoze

Iraétanüxü̃arü muxchiga 32:41

Rü Yaí ga Manachétanüxü̃ ixĩxü̃ rü nanapuxü̃ ga ñuxre ga Amoréugüarü ĩanexacügü rü ñu̱xũchi Abóx-yaígu nanaxüéga.

Ãẽ̱xgacügü ga guxchaxü̃güarü mexẽxẽruü̃gü 12:14

Rü 8 ga taunecü nixĩ ga namaxã inacuáxü̃. Rü nüma ga Axdóü̃ rü 40 ga nane rü 30 ga nataagü nüxü̃́ nayexma. Rü wüxichigü ga yema rü norü búrutagu narüxĩĩxü̃.

Ãẽ̱xgacügü ga guxchaxü̃güarü mexẽxẽruü̃gü 5:10

Pema i cómüxü̃ i búrugügu ĩxẽ rü mexü̃ i naxma̱xwe̱xe i ngomüxü̃wa rütogüxe rü pema ya pecutügumare ixĩxẽ, rü name i nagu perüxĩnüe i ngẽma Tupana taxca̱x üxü̃.

Wenaxarü naxümatü ga Tupanaarü mugü 3:14

Rü Yaí ga Manachétaxa rü nanayaxu ga guxü̃ma ga Argóxane rü ñu̱xmata Guechúxarü üyeanewa rü Maacáarü üyeanewa nangu. Rü yema naane ga noxri Bacháü̃gu ãégaxü̃ rü nüma ga Yaí rü nügüégagu nanaxüéga, rü Abóx-yaígu nanaxüéga. Rü woo i ñu̱xma rü ngẽmatama nixĩ i naéga.

Ãẽ̱xgacügü ga guxchaxü̃güarü mexẽxẽruü̃gü 10:3

Rü nawena ga Torá rü wüxi ga Garaáxanecüã̱x ga Yaígu ãégaxü̃ nixĩ ga Iraéanemaxã icuáxü̃. Rü nüma rü 22 ga taunecü nixĩ nax ãẽ̱xgacü yixĩxü̃.

Ãẽ̱xgacügü ga guxchaxü̃güarü mexẽxẽruü̃gü 10:5

Rü yexguma nayu̱xgu ga Yaí rü wüxi ga nachica ga Camóü̃gu ãégaxü̃gu nanata̱xgü.

2 Chamué 16:2

Rü yexguma nüma ga ãẽ̱xgacü ga Dabí rü Chibána naca rü ñanagürü: —¿Tü̱xcüü̃ nua cunana i guxü̃ma i ñaa? —ñanagürü. Rü nüma ga Chibá rü nanangãxü̃ rü ñanagürü: —Ñaa búrugü rü cuxacügü nagu itoü̃xü̃ca̱x nixĩ. Rü ñaa paũgü rü ñaa ori̱xgü rü curü churaragüca̱x nixĩ. Rü daa bínu rü ñaa nachica i taxúema nagu ãpataxü̃gu ipaexü̃ca̱x nixĩ —ñanagürü.

Chacaría 9:9

¡Rü poraãcü petaãẽgü, Pa Chióü̃cüã̱xgü! ¡Rü perü taãẽmaxã pewiyaegü, Pa Yerucharéü̃cüã̱xgüx! Erü pexca̱x tá ínangu ya perü ãẽ̱xgacü ya poracü ya mea pemaxã icuácü. Natürü i nüma rü tama nügü yacua̱xüxü̃ãcüma ínangu. Rü wüxi i búruxacüétügumare ínangu.