Ãẽ̱xgacügü ga guxchaxü̃güarü mexẽxẽruü̃gü 1:9 - Tupanaarü Ore

⁹ Rü yema Yudátanüxü̃ rü yemawena nayadai ga yema Canaáü̃tanüxü̃ ga máxpü̱xanexü̃gu rü Négueanegu rü ínadoxonexü̃gu ãchiü̃güxü̃.

Ãẽ̱xgacügü ga guxchaxü̃güarü mexẽxẽruü̃gü 1:9 Referans Kwoze

Yochué 11:21

Rü yexguma nixĩ ga Yochué ga nadaiãcuãxü̃ ga norü ĩanegü ga Anátanüxü̃ ga ma̱xpǘne ga Ebróü̃gu ãchiü̃güxü̃ rü Debíxgu rü Anáxgu ãchiü̃güxü̃, rü guxü̃nema ga guma ma̱xpǘnegü ga Yudáanewa yexmagünegu, rü Iraéanewa yexmagünegu ãchiü̃güxü̃.

Yochué 10:36

Rü guma ĩane ga Egróü̃wa inaxĩãchi rü ĩane ga Ebróü̃wa naxĩ rü naxca̱x ínayaxüãchi.

Naanearü ügüchiga 12:9

Rü yemawena rü inaxũãchi rü meama inixũmare ñu̱xmata Négueanewa nangu.

Ãẽ̱xgacügü ga guxchaxü̃güarü mexẽxẽruü̃gü 1:8

Rü yema Yudátanüxü̃ rü Yerucharéü̃ca̱x ínayaxüãchi rü taramaxã nanadai ga yema Yebútanüxü̃ ga yéma maxẽxü̃. Rü yemawena nayagugü ga guma ĩane.

Ãẽ̱xgacügü ga guxchaxü̃güarü mexẽxẽruü̃gü 1:10

Rü yexgumarüxü̃ ta nanadai ga yema Canaáü̃tanüxü̃ ga Ebróü̃gu ãchiü̃güxü̃. Rü guma ĩane rü noxri rü Quiriáx-abágu naxãéga. Rü yexma nixĩ ga nadaiaxü̃ ga ãẽ̱xgacügü ga Chechái rü Aimáü̃ rü Tarmái.

Yochué 12:8

Rü yema naane ga napuxü̃xü̃ rü ma̱xpǘxanexü̃ nixĩ, rü yema ma̱xpǘnegüarü doxonexü̃ nixĩ, rü natü ga Yudáü̃arü metachinüanexü̃ nixĩ, rü ma̱xpǘanepechinügü nixĩ, rü yema naxnücüanexü̃ ga súrwaama üxü̃ nixĩ, rü yema Négue nixĩ. Rü yema naanegü rü noxri rü Itítanüxü̃güarü, rü Amoréutanüxü̃güarü, rü Cananéugüarü, rü Ferechéugüarü, rü Ebéugüarü, rü Yebuchéugüarüchire̱x nixĩgü.