Ãẽ̱xgacügü ga guxchaxü̃güarü mexẽxẽruü̃gü 1:34 - Tupanaarü Ore

³⁴ Yema Dáü̃tanüxü̃ rü taxucürüwa doxonexü̃wa nangugü, yerü yema Amoréutanüxü̃ rü naporae rü máxpü̱xaneca̱x nanawoeguxẽxẽ.

Ãẽ̱xgacügü ga guxchaxü̃güarü mexẽxẽruü̃gü 1:34 Referans Kwoze

Yochué 19:47

Natürü ga yema norü naane rü naxíxra rü tama nüxü̃́ ningu. Rü yemaca̱x ga ñuxre ga Dáü̃tanüxü̃ rü naxca̱x ínayaxüãchi ga guma ĩane ga Lechéü̃, rü nanadai ga guxü̃ma ga norü duü̃xü̃gü rü noxrüxü̃ nanayauxgü ga guma ĩane. Rü guma ĩanewa namaxẽ, rü ñu̱xũchi nanaxüchicüxü ga naéga, rü Dáü̃gu nanaxüégagü nax yemaacü norü o̱xina nawa nacua̱xãchigüxü̃ca̱x. Rü yema nixĩ ga naane ga Dáü̃tücumüarü duü̃xü̃güna üxü̃ norü ĩanegümaxã rü norü ĩanexacügümaxã.

Ãẽ̱xgacügü ga guxchaxü̃güarü mexẽxẽruü̃gü 18:1

Rü yexgumaü̃cüxü ga Iraétanüxü̃ rü nangearü ãẽ̱xgacüã̱x. Rü nüma ga Dáü̃tanüxü̃ rü nataxuma ga norü naane. Rü yemaca̱x naxca̱x nadaugü ga wüxi ga naane nax yemagu naxãchiü̃güxü̃ca̱x.

Ãẽ̱xgacügü ga guxchaxü̃güarü mexẽxẽruü̃gü 1:33

Yexgumarüxü̃ ta ga Netarítanüxü̃ rü taxucürüwa Canaáü̃tanüxü̃xü̃ ínawoxü̃ ga Bex-cheméwa rü Bex-anáxwa. Rü ñu̱xũchi nüma ga Netarítanüxü̃ rü yema Canaáü̃tanüxü̃tanügu naxãchiü̃gü rü norü puracütanüxü̃ nayaxĩgüxẽxẽ

Ãẽ̱xgacügü ga guxchaxü̃güarü mexẽxẽruü̃gü 1:35

Rü yemaacü ga yema Amoréutanüxü̃ rü Yérewatama rü Ayaróü̃watama rü ñu̱xũchi Chaabíü̃watama nayexmagü. Natürü yexguma yema Efraíü̃tanüxü̃ rü ñu̱xũchi Manachétanüxü̃ yexeraãcü naporamaegügu rü yema Amoréutanüxü̃xü̃ namu nax nüxü̃́ napuracüexü̃ca̱x.