Ãẽ̱xgacügü ga guxchaxü̃güarü mexẽxẽruü̃gü 1:3 - Tupanaarü Ore

³ Rü nümagü ga yema Yudátanüxü̃ rü Chimeóü̃tanüxü̃güna naxu nax nüxü̃ nangü̃xẽẽgüxü̃ca̱x, rü ñanagürügü nüxü̃: —¡Toxü̃ perüngü̃xẽxẽgü nax wüxigu nada̱i̱xü̃ca̱x i ngẽma Canaáü̃tanüxü̃ rü nüxna napuxü̃ca̱x i ngẽma naane i toxna üxü̃! Rü ngẽmawena rü toma rü tá toxi pexü̃ taxümücügü nawa i ngẽma naane i pexna üxü̃ —ñanagürügü. Rü nümagü ga Chimeóü̃tanüxü̃ rü nawe narüxĩ.

Ãẽ̱xgacügü ga guxchaxü̃güarü mexẽxẽruü̃gü 1:3 Referans Kwoze

Ãẽ̱xgacügü ga guxchaxü̃güarü mexẽxẽruü̃gü 1:17

Yemawena ga Yudátanüxü̃ rü ñu̱xũchi Chimeóü̃tanüxü̃ rü wüxigu naxca̱x ínayaxüãchi ga yema Canaáü̃tanüxü̃ ga Chefáxwa maxẽxü̃. Rü wüxicana inayanaxoxẽẽgü ga guma ĩane, rü yemaca̱x Ormágu nanaxüégagü.

Yochué 19:1

Yema norü taxre ga naane ga sortéuãcü iyanuxü̃ rü Chimeóü̃tücumüarü duü̃xü̃güna naxǘ. Yema naane rü Yudáarü duü̃xü̃güarü naanearü aixepewa nayexma.

Naanearü ügüchiga 29:33

Rü gumá ngĩnewena rü wena ixãxacü ga Léa, rü gumá rü Chimeóü̃gu inaxüéga. Rü yemagu inaxüéga yerü ñaxü̃gu irüxĩnü: —Tupana rü marü nüxü̃ naxĩnü nax tama chomaxã nataãẽxü̃ ya chaute, rü ngẽmaca̱x wena chaxãxacü —ngĩgürügü ga ngĩãẽwa.

Ãẽ̱xgacügü ga guxchaxü̃güarü mexẽxẽruü̃gü 1:2

Rü nüma ga Cori ya Tupana rü nanangãxü̃ rü ñanagürü: —Yudátanüxü̃ tá nixĩ i nüxíra naxca̱x íyaxüãchixü̃ nax nügü nada̱i̱xü̃ca̱x erü Yudátanüxü̃na tá nixĩ i chanaxãxü̃ i ngẽma naane —ñanagürü.

Ãẽ̱xgacügü ga guxchaxü̃güarü mexẽxẽruü̃gü 1:4

Rü yemaacü wüxigu Canaáü̃tanüxü̃ca̱x rü Ferechéutanüxü̃ca̱x ínayaxüãchi. Rü Tupana nüxü̃ narüngü̃xẽxẽ nax nadaiaxü̃ca̱x ga yema duü̃xü̃gü. Rü ĩane ga Béchexwa nanadai ga 10,000 ga norü uanügü.