Ãẽ̱xgacügü ga guxchaxü̃güarü mexẽxẽruü̃gü 1:21 - Tupanaarü Ore

²¹ Natürü yema Bẽyamíü̃tanüxü̃ rü taxucürüwa ínanawoxü̃ ga yema Yebútanüxü̃ ga Yerucharéü̃gu ãchiü̃güxü̃. Rü ngẽmaca̱x woo ñu̱xma rü ta i ngẽma Yebútanüxü̃ rü Bẽyamíü̃tanüxü̃ rü wüxigu Yerucharéü̃wa namaxẽ.

Ãẽ̱xgacügü ga guxchaxü̃güarü mexẽxẽruü̃gü 1:21 Referans Kwoze

Yochué 15:63

Natürü yema Yudátanüxü̃ rü taxucürüwama Yerucharéü̃wa ínanawoxü̃ ga Yebuchéugü ga yexma ãchiü̃güxü̃. Rü ngẽmaca̱x i ngẽma Yebuchéugü rü ñu̱xma rü ta wüxigu Yudátanüxü̃maxã Yerucharéü̃wa namaxẽ.

Ãẽ̱xgacügü ga guxchaxü̃güarü mexẽxẽruü̃gü 1:8

Rü yema Yudátanüxü̃ rü Yerucharéü̃ca̱x ínayaxüãchi rü taramaxã nanadai ga yema Yebútanüxü̃ ga yéma maxẽxü̃. Rü yemawena nayagugü ga guma ĩane.

Ãẽ̱xgacügü ga guxchaxü̃güarü mexẽxẽruü̃gü 1:22

Rü Efraíü̃tanüxü̃ rü ñu̱xũchi Manachétanüxü̃ rü inaxĩãchi nax ĩane ya Betéxü̃ yapugüxü̃. Rü nüma ga Cori ya Tupana rü nüxü̃ narüngü̃xẽxẽ.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 11:4

Dabí rü guxü̃ma ga yema Iraéanecüã̱xgüarü ãẽ̱xgacügü rü Yerucharéü̃wa naxĩ. Rü guma ĩane rü Yebúgu nixĩ ga naxãégaxü̃ ga noxri, yerü yema naanegu nixĩ ga naxãchiü̃güxü̃ ga Yebútanüxü̃.

Wiyaegü 106:34

Rü yema tórü o̱xigü rü tama nanadai ga yema Canaáü̃cüã̱x ga Tupana namaxã nüxü̃ ixuxü̃ nax nadaiaxü̃ca̱x.

Ãẽ̱xgacügü ga guxchaxü̃güarü mexẽxẽruü̃gü 1:27

Yema Manachétanüxü̃ rü taxucürüwa guma ĩanegü ga Bex-cheáü̃wa rü Taanáxwa rü Dóxwa rü Ibeáü̃wa rü ñu̱xũchi Meguíduwa ínanawoxü̃ ga yema duü̃xü̃gü ga guma ĩanegüwa maxẽxü̃. Rü woo ga guma ĩanegüarü ngaicamawa yexmagüxü̃ ga ĩanexacügüarü duü̃xü̃gü rü taxucürüwa ínanawoxü̃. Rü yemaacü ga yema Canaáü̃tanüxü̃ rü yématama namaxẽ.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 1:14

Rü Canaáü̃ nixĩ ga norü o̱xi ga Yebuchéutanüxü̃, rü Amoréutanüxü̃, rü Guerguechéutanüxü̃, rü Ebéutanüxü̃, rü Arachéutanüxü̃, rü Chinéutanüxü̃, rü Arbadéutanüxü̃, rü Chemaréutanüxü̃, rü Amatéutanüxü̃.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 8:28

Rü yemagü nixĩ ga nüxíraxü̃xü̃ ga norü ãẽ̱xgacügü ga natanüxü̃maxã icua̱xgüxü̃ ga poperawa ãégagüxü̃. Rü nümagü rü Yerucharéü̃gu naxãchiü̃gü.