Ãẽ̱xgacügü ga guxchaxü̃güarü mexẽxẽruü̃gü 1:2 - Tupanaarü Ore

² Rü nüma ga Cori ya Tupana rü nanangãxü̃ rü ñanagürü: —Yudátanüxü̃ tá nixĩ i nüxíra naxca̱x íyaxüãchixü̃ nax nügü nada̱i̱xü̃ca̱x erü Yudátanüxü̃na tá nixĩ i chanaxãxü̃ i ngẽma naane —ñanagürü.

Ãẽ̱xgacügü ga guxchaxü̃güarü mexẽxẽruü̃gü 1:2 Referans Kwoze

Yema Cuáü̃ nüxü̃ dauxü̃ i yixcüra tá ngupetüxü̃chiga 5:5

Natürü wüxi ga yema 24 ga ãẽ̱xgacügü, rü ñanagürü choxü̃: “¡Taxṹ i cuxaxuxü̃! Erü yimá Leóü̃ ya Yudátanüxü̃ ya Dabítaxa ixĩcü, rü marü nüxü̃ narüyexera i ngẽma yu. Rü nüma nixĩ i naporaxü̃ nax yagáutanüãxü̃ca̱x i ngẽma 7 i norü ñaxtachipe̱xexü̃ rü íyadixgüãxü̃ca̱x i ngẽma popera”, ñanagürü.

Iraétanüxü̃arü muxchiga 7:12

Rü yema nüxíraxü̃xü̃ ga ngunexü̃gu rü Nachóü̃ ga Aminadá nane ga Yudátanüxü̃maxã icuácü nixĩ ga yéma nangecü ga norü ãmare.

Iraétanüxü̃arü muxchiga 2:3

Rü chopataarü éstewaama tá nangẽxmagü i ngẽma churaragü i Yudátanüxü̃arü woneratüxü̃wa ngẽxmagüxü̃. Rü ngẽma Yudátanüxü̃arü churaragü rü 74,600 nixĩ i norü mu. Rü ngẽma namaxã icuáxü̃ rü Nachóü̃ i Aminadá nane nixĩ.

Ãẽ̱xgacügü ga guxchaxü̃güarü mexẽxẽruü̃gü 1:3

Rü nümagü ga yema Yudátanüxü̃ rü Chimeóü̃tanüxü̃güna naxu nax nüxü̃ nangü̃xẽẽgüxü̃ca̱x, rü ñanagürügü nüxü̃: —¡Toxü̃ perüngü̃xẽxẽgü nax wüxigu nada̱i̱xü̃ca̱x i ngẽma Canaáü̃tanüxü̃ rü nüxna napuxü̃ca̱x i ngẽma naane i toxna üxü̃! Rü ngẽmawena rü toma rü tá toxi pexü̃ taxümücügü nawa i ngẽma naane i pexna üxü̃ —ñanagürügü. Rü nümagü ga Chimeóü̃tanüxü̃ rü nawe narüxĩ.

Yochué 2:24

Rü ñanagürügü: —Nüma ya Cori ya Tupana rü marü tüxna nanaxã i guxü̃ma i ngẽma naane. Rü ngẽmaca̱x i guxü̃ma i ngẽma nachixü̃anecüã̱x i duü̃xü̃gü rü poraãcü tüxü̃ namuü̃e —ñanagürügü.

Ãẽ̱xgacügü ga guxchaxü̃güarü mexẽxẽruü̃gü 20:18

Rü yexguma nüma ga Iraétanüxü̃ rü Betéwa naxĩ rü yéma Tupanamaxã nidexagü nax yemaacü nüxü̃ nacua̱xgüxü̃ca̱x nax texétücumüxíra tá yixĩxü̃ i Bẽyamíü̃tanüxü̃maxã nügü daixü̃. Rü nümax ga Cori ya Tupana nanangãxü̃ rü ñanagürü: —Ngẽma inaxügüxü̃ nax namaxã nügü nada̱i̱xü̃ rü Yudátanüxü̃xíra tá nixĩ —ñanagürü.