Ãẽ̱xgacügü ga guxchaxü̃güarü mexẽxẽruü̃gü 1:16 - Tupanaarü Ore

¹⁶ Yema Quenéutanüxü̃ ga Moiché na̱xtütanüxü̃ ixĩgüxü̃ rü Yericúwa ínachoxü̃ wüxigu namaxã ga Yudátanüxü̃. Rü Yudáanearü naxnücüanewa naxĩ ga Aráxarü súrwaama. Rü yexma nayaxãchiü̃gü natanügu ga yémacüã̱xgü.

Ãẽ̱xgacügü ga guxchaxü̃güarü mexẽxẽruü̃gü 1:16 Referans Kwoze

Ãẽ̱xgacügü ga guxchaxü̃güarü mexẽxẽruü̃gü 4:11

Rü Quédexarü ngaicamagu ga Chaanaíü̃arü castañaarü ngaicamagu naxãchiü̃ ga Ébe ga wüxi ga Quenéutanüxü̃ ga natanüxü̃na ixũgachixü̃ rü nüxica tomagu ãchiü̃xü̃. Rü nüma ga Ébe rü gumá Moichéna̱xtü ga Obáxtanüxü̃ nixĩ.

Wenaxarü naxümatü ga Tupanaarü mugü 34:3

Rü nüxü̃ nanawe̱x ta ga Néguearü chianexü̃, rü natü ga Yudáü̃arü naane ga metachinüxü̃, rü ñu̱xũchi Yericú ga Cucunecüarü Ĩane rü ñu̱xmata ĩane ga Chóagu nadau.

Iraétanüxü̃arü muxchiga 21:1

Rü Canaáü̃cüã̱xgüarü ãẽ̱xgacü rü ĩane ga Ará ga Négueanewa yexmanegu naxãpata. Rü yexguma nüxü̃ naxĩnüchigagu nax Iraétanüxü̃ rü nama ga Ataríü̃wa ne naxĩxü̃, rü nape̱xegu nayangu. Rü ñuxre ga Iraétanüxü̃xü̃ ínayauxü̃ rü nayagagü.

Ãẽ̱xgacügü ga guxchaxü̃güarü mexẽxẽruü̃gü 3:13

Rü nüma ga Eglóü̃ rü Amóü̃tanüxü̃na rü Amaréxtanüxü̃na naxu nax nüxü̃ nangü̃xẽẽgüxü̃ca̱x nax Iraétanüxü̃xü̃ nada̱i̱xü̃ nax yemaacü yapugüãxü̃ca̱x ga guma ĩane ga Yericú ga Cucunecügu ãégane.

Ãẽ̱xgacügü ga guxchaxü̃güarü mexẽxẽruü̃gü 4:17

Rü yexgumayane ga nüma ga Chíchara rü Yaé ga Ébe naxma̱xchiü̃ca̱x niña. Yerü nüma ga Ébe ga Quenéutanüxü̃ rü Achóxarü ãẽ̱xgacü ga Yabíü̃maxã namecüma, rü nügü narüngü̃xẽẽgü.

Yeremía 35:2

—¡Natanüwa naxũ i ngẽma Recáxtanüxü̃ rü namaxã idexa! ¡Rü ñu̱xũchi wüxi i ucapu i chopatawa ngẽxmaxü̃wa nagagü rü ngéma bínu nüxna naxã! —ñanagürü.

Norü taxre ga to ga popera ga ãẽ̱xgacügüchiga ümatüxü̃ 28:16

Rü yema ngunexü̃gügu ga Yudáanearü ãẽ̱xgacü ga Acháx rü norü duü̃xü̃güxü̃ namu nax Achíriaanearü ãẽ̱xgacüxü̃tawa ngü̃xẽẽca̱x íyacagüxü̃ca̱x.

Yochué 12:14

Ormáarü ãẽ̱xgacü, rü Aráxarü ãẽ̱xgacü, rü

Ínachoxü̃xü̃chiga 18:27

Rü yemawena rü nüma ga Moiché rü na̱xtü ga Yetróxü̃ narümoxẽ. Rü nüma ga Yetrú rü nachixü̃aneca̱x nataegu.

Ínachoxü̃xü̃chiga 18:12

Rü yexguma ga nüma ga Yetrú rü wüxi ga carnéruxacü Tupanaca̱x tüxü̃ nigu. Rü yexgumarüxü̃ ta ínanagu ga togü ga ãmaregü. Rü ñu̱xũchi nüma ga Aróü̃ rü yema Iraétanüxü̃arü ãẽ̱xgacügü rü yéma Tupanape̱xewa Moiché na̱xtüxü̃tawa nayachibüe.

Ínachoxü̃xü̃chiga 18:7

Rü yexguma nüma ga Moiché rü na̱xtüxü̃ nayaxu rü tümape̱xegu nanama̱xacuchi, rü tüxü̃ nachúxchametü. Rü yexguma marü nügü namoxẽgüguwena rü guma napata ga naxchirunaxca̱xgu nachocu.

Ínachoxü̃xü̃chiga 18:1

Rü nüma ga Yetrú ga Moichéna̱xtü rü chacherdóte nixĩ ga Madiáü̃anewa. Rü nüxü̃ nacuáchiga ga ñuxãcü Tupana rü Moichéxü̃ rü Iraétanüxü̃xü̃ nangü̃xẽẽxü̃. Rü yexgumarüxü̃ ta nüxü̃ nacuáchiga nax Tupana rü Iraétanüxü̃xü̃ ínanguxü̃xẽẽxü̃ ga Equítuanewa.

Ínachoxü̃xü̃chiga 4:18

Rü yemawena ga Moiché rü na̱xtü ga Yetrúchiü̃ca̱x nataegu, rü ñanagürü tüxü̃: —Tupana nanaxwa̱xe nax Equítuaneca̱x chataeguxü̃ nax íchayadauxü̃ca̱x i chautanüxü̃ rü bexmana namaxẽ —ñanagürü. Rü na̱xtü ga Yetrú tanangãxü̃, rü ñatagürü nüxü̃: —¡Ẽcü ngéma naxũ, rü mea cuxü̃ naxüpetü! —ñatagürü.

Ínachoxü̃xü̃chiga 3:1

Rü nüma ga Moiché, rü na̱xtü ga Yetrúarü carnérugüarü daruxü̃ nixĩ. Rü guma na̱xtü ga Yetrú ga Reuégu ãégacü rü chacherdóte nixĩ ga Madiáü̃anewa. Rü wüxi ga ngunexü̃ ga yexguma maxẽ ga mexü̃ca̱x namaxã nada̱u̱xgu ga na̱xtüarü carnérugü, rü ínachianexü̃arü tocüwawa nangu ga Tupanaarü ma̱xpǘne ga Oréxgu ãéganearü ngaicamana.

Ore i mexü̃ ga Matéu ümatüxü̃ 3:1

Rü yexgumaü̃cüü, rü Cuáü̃ ga báiü̃xẽẽruxü̃ inanaxügü ga Tupanaarü orexü̃ nax yaxuxü̃ ga Yudéaanearü chianexü̃wa ga taxúema íxãpataxü̃wa.

Ãẽ̱xgacügü ga guxchaxü̃güarü mexẽxẽruü̃gü 1:15

Rü ngĩma rü inangãxü̃ rü ngĩgürügü: —Chanaxwa̱xe i choxü̃ curüngü̃xẽxẽ. Ngẽma naane i choxna cuxãxü̃ i Néguewa rü nangearü dexáã̱x. Rü ngẽmaca̱x chanaxwa̱xe i choxna cunaxã ta i naane i dexáã́xü̃ —ngĩgürügü. Rü nümax ga Caréx rü ngĩxna nanaxã ga naane ga natüxacüáxü̃ ga ínamáxpü̱xanexü̃wa rü ínadoxonexü̃wa.

1 Chamué 27:10

Rü nümax ga Aquí rü nüxna nacaüxü̃ rü ñanagürü: —¿Ngexnerüxüne ya ĩane ya pedaiãcune i ñu̱xma? —ñanagürü. Rü Dabí rü nanangãxü̃ rü ñanagürü: —Yudáanearü súrwaama ngẽxmagüne, rü Yerameéxarü súrwaama ngẽxmagüne, rü Quenéutanüxü̃arü naanearü súrwaama ngẽxmagüne —ñanagürü.

1 Chamué 30:29

Rü yexgumarüxü̃ ta norü ãmare naxca̱x yéma namugü ga yema ãẽ̱xgacügü ga Racáxwa yexmagüxü̃, rü guma ĩanegü ga Yerameéwa yexmagüxü̃, rü Quenéutanüxü̃arü ĩanegüwa yexmagüxü̃, rü Ormáwa yexmagüxü̃, rü Coracháü̃wa yexmagüxü̃, rü Atáxwa yexmagüxü̃.

Wenaxarü naxümatü ga Tupanaarü mugü 34:4

Rü nüma ga Cori ya Tupana rü ñanagürü Moichéxü̃: —Ñaa nixĩ i ngẽma naane ga curü o̱xigü ga Abraáü̃, rü Ichaá, rü Acóbumaxã nüxü̃ chixuxü̃ rü tá nataagüna chaxãxü̃. Rü ngẽmaca̱x chanaxwa̱xe nax cuxetümaxãxü̃chi nüxü̃ cudauxü̃, rü woo i cuma rü taxũtáma nawa cungu —ñanagürü.

Yochué 18:21

Rü guma ĩanegü ga Bẽyamíü̃tanüxü̃na ügüne rü daagü nixĩ: Yericú, Bex-orá, rü Eme-quéchi, rü Bex-arabá, rü Chemaraíü̃, rü Beté, rü Abíü̃, rü Pará, rü Ofá, rü Quéfa-aamuní, rü Oxní, rü Guéba. Rü guxü̃wama rü 12 ga ĩanegü nixĩ rü naétü ga norü ĩanexacügü.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 2:55

Rü togü ga Chamátaagü nixĩ ga yema poperaarü ümatüruü̃gü ga Chofétanüxü̃ ga Yabéwa yexmagüxü̃. Rü togü nixĩ ga yema Tiratéutanüxü̃ rü Chimatéutanüxü̃ rü Chucatéutanüxü̃. Rü guxü̃ma ga yemagü nixĩ ga Quenéutanüxü̃ ga Amátaagü ixĩgüxü̃. Rü yexgumarüxü̃ ta Amá nixĩ ga norü o̱xi ga yema Bex-recátanüxü̃.