Ãẽ̱xgacügü ga guxchaxü̃güarü mexẽxẽruü̃gü 1:15 - Tupanaarü Ore

¹⁵ Rü ngĩma rü inangãxü̃ rü ngĩgürügü: —Chanaxwa̱xe i choxü̃ curüngü̃xẽxẽ. Ngẽma naane i choxna cuxãxü̃ i Néguewa rü nangearü dexáã̱x. Rü ngẽmaca̱x chanaxwa̱xe i choxna cunaxã ta i naane i dexáã́xü̃ —ngĩgürügü. Rü nümax ga Caréx rü ngĩxna nanaxã ga naane ga natüxacüáxü̃ ga ínamáxpü̱xanexü̃wa rü ínadoxonexü̃wa.

Ãẽ̱xgacügü ga guxchaxü̃güarü mexẽxẽruü̃gü 1:15 Referans Kwoze

Nüxíraxü̃xü̃ ga popera ga Pedru ümatüxü̃ 3:9

Rü ngẽxguma texé chixexü̃ pexca̱x üxgu, rü tama name i pema rü ta chixexü̃ tümaca̱x pexü. Rü ngẽxguma texé pemaxã guxchigagu, rü tama name i pema rü ta tümamaxã peguxchiga. Natürü name nax mexü̃ tümamaxã pexueguxü̃, erü Tupana pexü̃ nade nax mexü̃ pemaxã naxueguxü̃ca̱x.

Popera ga Yudíugü ga yaxõgüxü̃ca̱x ümatüxü̃ 6:7

Rü wüxi i naane i pucü mea nagu nguxü̃ rü meama nanetü nawa nayae tümaca̱x ya yíxema nagu üanexe, rü Tupanaarü ngü̃xẽẽgagu nixĩ i ngẽma.

2 Corintios 9:5

Rü ngẽmaca̱x nixĩ i cha̱u̱xca̱x namexü̃ nax naxca̱x íchaca̱xaxü̃ i ngẽma taenexẽgü nax nüxíra petanüwa naxĩxü̃ca̱x rü nümatama pexü̃ yanangü̃xẽẽgüxü̃ca̱x nax ngĩxü̃ penutaque̱xegüxü̃ca̱x i ngẽma diẽru ga ü̃pamama ngĩxü̃ pixucü. Rü ngẽmaãcü aixcüma tá íimemare i ngẽma diẽru i ngẽxguma ngéma changuxgu. Rü ngẽmaãcü togü tá nüxü̃ nadaugü nax aixcüma perü ngúchaü̃maxã yixĩxü̃ nax ngĩxü̃ ipexãgüxü̃ rü tama aüãcüma.

1 Chamué 25:27

Rü ñu̱xma rü cumaxã nüxü̃ chixu nax curü duü̃xü̃güxü̃ cuyanuxü̃ i ñaa ãmare i õna i nua cuxü̃́ changexü̃.

1 Chamué 25:18

Rü yexguma ngĩma ga Abigái rü ipaxaãẽ rü inade ga 200 ga paũ rü taxrepü̱xü̃ ga bínu. Rü 5 ga carnéru ga íguxü̃, rü 40 quíru naguxü̃ ga trigu ga goxtanüxü̃, rü 100 ya̱xa ga úbaarü patanüxü̃, rü 200 ga iguarü paũ. Rü guxü̃ma ga yema rü ñuxre ga búrugu iyanuü̃. Rü ngĩrü puracütanüxü̃xü̃ ngĩgürügü: —¡Yoxni wixpe̱xegu pexĩ rü ñu̱xmaüra tá ngéma chaxũ! —ngĩgürügü. Rü yema rü tama ngĩtemaxã nüxü̃ iyaxu.

Naanearü ügüchiga 33:11

Rü cuxü̃ chaca̱a̱xü̃ nax choxü̃́ cunayaxuxü̃ i ñaa ãmare i nua cuxca̱x changexü̃ erü Tupana rü choxü̃ namuarü ngẽmaxü̃xã̱xẽxẽ rü taxuxü̃ma choxü̃́ nataxu —ñanagürü. Rü nüma ga Acóbu rü nüxna nayaxãchigüama rü yemaca̱x ga Echaú rü düxwa nanayaxu ga yema ãmare. Rü yemawena rü ñanagürü: —¡Ngĩxã tawoegu i nua! Choma rü yoxni tá cupe̱xegu chixũ —ñanagürü.

Yochué 15:19

Rü ngĩma rü inangãxü̃ rü ngĩgürügü: —Chanaxwa̱xe i choxü̃ curüngü̃xẽxẽ. Marü choxna cunaxã i ngẽma naane i naxnücüxica ixĩxü̃ i Néguewa. ¡Rü choxna naxã ta i naane i natüacüã́xü̃! —ngĩgürügü. Rü nüma ga Caréx rü ngĩxna nanaxã ga naane ga máxpü̱xanexü̃ ga natüacüã́xü̃ rü naane ga doxonexü̃ ga natüacüã́xü̃.

Ãẽ̱xgacügü ga guxchaxü̃güarü mexẽxẽruü̃gü 1:14

Rü yema ngunexü̃ ga nagu yangĩgüxü̃gu rü nüma ga Otonié ngĩxü̃ ñanagürü: —¡Namaxã nüxü̃ ixu ya cunatü nax tüxna naxããxü̃ca̱x i wüxi i naane! —ñanagürü. Rü yexguma ga ngĩma rü irüxüe ga ngĩrü búruétüwa. Rü nüma ga Caréx rü ngĩxna naca rü ñanagürü: —¿Ta̱xacü cunaxwa̱xe? —ñanagürü.

Ãẽ̱xgacügü ga guxchaxü̃güarü mexẽxẽruü̃gü 1:16

Yema Quenéutanüxü̃ ga Moiché na̱xtütanüxü̃ ixĩgüxü̃ rü Yericúwa ínachoxü̃ wüxigu namaxã ga Yudátanüxü̃. Rü Yudáanearü naxnücüanewa naxĩ ga Aráxarü súrwaama. Rü yexma nayaxãchiü̃gü natanügu ga yémacüã̱xgü.