Ãẽ̱xgacügü ga guxchaxü̃güarü mexẽxẽruü̃gü 1:10 - Tupanaarü Ore

¹⁰ Rü yexgumarüxü̃ ta nanadai ga yema Canaáü̃tanüxü̃ ga Ebróü̃gu ãchiü̃güxü̃. Rü guma ĩane rü noxri rü Quiriáx-abágu naxãéga. Rü yexma nixĩ ga nadaiaxü̃ ga ãẽ̱xgacügü ga Chechái rü Aimáü̃ rü Tarmái.

Ãẽ̱xgacügü ga guxchaxü̃güarü mexẽxẽruü̃gü 1:10 Referans Kwoze

Yochué 14:15

Rü yema nüxíraxü̃xü̃ ga naéga ga guma ma̱xpǘne ga Ebróü̃ rü Quiriáx-abá nixĩ; yerü nüma ga Abá rü Anáxtanüxü̃tanüwa itaégacüüxü̃ nixĩ. Rü yemawena rü marü tama nügü nadai ga yema naanewa.

Iraétanüxü̃arü muxchiga 13:22

Rü yema chianexü̃ ga Néguewaama nachocu rü ñu̱xmata ĩane ga Ebróü̃wa nangugü. Rü guma ĩanegu nixĩ ga naxãchiü̃güxü̃ ga Aimáü̃tanüxü̃, rü Checháitanüxü̃ rü Tarmáitanüxü̃ ga Anáxtaagü ixĩgüxü̃. Rü guma ĩane ga Ebróü̃ rü marü nũxcüma naxü. Rü marü 7 ga taunecü nüxíra naxü naxü̃pa ga guma ĩane ga Choáü̃ ga Equítuanewa yexmane.

Yeremía 9:23

Rü nüma ya Cori ya Tupana rü ñanagürü: —Yíxema cua̱x tüxü̃́ ngẽxmaxe rü tama name i tügü namaxã ticua̱xüxü̃ i ngẽma tümaarü cua̱x. Rü woo yíxema nüxü̃ cuáxe nax duü̃xü̃gümaxã itacuáxü̃ rü tama name i ngẽmamaxã tügü ticua̱xüxü̃. Rü woo ya yíxema diẽruã́xẽ rü tama name i tümaarü diẽrumaxã tügü ticua̱xüxü̃.

Ngu̱xẽẽtaeruü̃arü ore 9:11

Rü to i ñoma i naanewa nüxü̃ chadauxü̃ nixĩ nax ngẽma ñaãchiwa poraexü̃ rü tama guxü̃guma nüxíra ínangugüxü̃. Rü ngẽma daiwa poraexü̃ rü tama guxü̃guma narüporamaegü. Rü ngẽma cua̱x nüxü̃́ ngẽxmagüxü̃ rü tama guxü̃guma nüxü̃́ nangẽxma i norü õna. Rü ngẽma naãẽxü̃ cuáxü̃ rü tama guxü̃guma nidiẽruã̱x. Rü ngẽma poperawa ngu̱x nüxü̃́ ngẽxmagüxü̃ i duü̃xü̃gü rü tama guxü̃guma namaxã nataãẽgü. Rü guxãca̱x ínangu i tümaarü taãxẽ rü tümaarü guxchaxü̃.

Ãẽ̱xgacügü ga guxchaxü̃güarü mexẽxẽruü̃gü 1:20

Rü Caréxna naxǘ ga guma ĩane ga Ebróü̃, yema Moiché nüxü̃ ixuxü̃rüxü̃. Rü nüma ga Caréx rü guma ĩanewa ínanawoxü̃ ga nataagü ga yema tomaepü̱x ga Anáx nanegü.

Iraétanüxü̃arü muxchiga 13:33

Rü nüxü̃ tadaugü ga Anáxtanüxü̃ ga itaxüchixü̃ rü máchanexü̃chixü̃. Rü yemaca̱x ga toma ga naxü̃tawa nax togü tadaugüxü̃ rü tanamunügüraxü̃mare. Rü nümagü rü ta yemaacütama toxü̃ nadaugü —ñanagürügü.

Naanearü ügüchiga 37:14

Rü nüma ga Iraé rü nanangãxü̃, rü ñatagürü: —¡Ẽcü íyadau i cuenexẽgü rü ngẽma carnérugü! ¡Rü ñu̱xũchi nataegu nax chomaxã nüxü̃ quixuxü̃ca̱x nax ñuxãcü ínangupetüxü̃! —ñatagürü. Rü yemaacü Ebróü̃wa inaxũãchi ga Yúche ga Chiquéü̃wa nax naxũxü̃.

Yochué 10:36

Rü guma ĩane ga Egróü̃wa inaxĩãchi rü ĩane ga Ebróü̃wa naxĩ rü naxca̱x ínayaxüãchi.

Ãẽ̱xgacügü ga guxchaxü̃güarü mexẽxẽruü̃gü 1:9

Rü yema Yudátanüxü̃ rü yemawena nayadai ga yema Canaáü̃tanüxü̃ ga máxpü̱xanexü̃gu rü Négueanegu rü ínadoxonexü̃gu ãchiü̃güxü̃.