Popera ga Chantiágu ümatüxü̃ 5:9 - Tupanaarü Ore

⁹ Pa Chauenexẽgüx, name nixĩ i nüxü̃ perüxoe nax pegü pixuechaü̃ nax tama ngẽmaca̱x pexna naca̱xaxü̃ca̱x ya Tupana. Erü marü ningaica nax ínanguxü̃ nax duü̃xü̃güxü̃ yacagüxü̃ca̱x i norü maxü̃chiga.

Popera ga Chantiágu ümatüxü̃ 5:9 Referans Kwoze

Lebítanüxü̃arü puracüchiga 19:18

Rü tama name nax namaxã cunuxwa̱xexü̃ i cutanüxü̃ rü bai nax naxchi cuxaixü̃. ¡Rü cumücüxü̃ nangechaü̃, ñoma cugütama cungechaü̃xü̃rüxü̃! Rü choma nixĩ ya Cori ya Tupana.

1 Corintios 4:5

Rü ngẽmaca̱x tama name nax yaxtacüma texéxü̃ pengugüarü maxü̃ã́xü̃. Natürü name nixĩ i ípenangu̱xẽxẽ nax núma naxũxü̃ ya tórü Cori. Rü nüma tá nixĩ i nango̱xẽẽãxü̃ i guxü̃ma i ngẽma ñu̱xma icúxü̃ rü guxü̃ma i ngẽma duü̃xü̃gü naãẽwa nagu rüxĩnüexü̃. Rü ngẽxguma tá nixĩ ya Tupana i tüxü̃ yacua̱xüxü̃ ya wüxichigü ya yíxema aixcüma mexü̃ ügüxe.

Popera ga Chantiágu ümatüxü̃ 4:11

Pa Chauenexẽgüx, ¡Taxṹ i chixexü̃maxã pegü pixugüxü̃! Erü yíxema chixexü̃maxã tümaenexẽchigagu idexáxe rüe̱xna chixexü̃maxã nüxü̃ dawenüxẽ, rü chixexü̃ nüxü̃ tawogü ta i Tupanaarü mugü. Rü ngẽxguma chixexü̃gu Tupanaarü mugümaxã curüxĩnügu, rü Tupanaarü mugüarü yexera cugü quixĩxẽẽchaü̃, rü tama aixcüma naga cuxĩnü.

Ore i mexü̃ ga Matéu ümatüxü̃ 24:33

Rü ngẽmaãcü tá nixĩ i ngẽxguma nagúxchaü̃gu i naane. Erü ngẽxguma nüxü̃ peda̱u̱xgu nax nangupetüxü̃ i guxü̃ma i ngẽma pemaxã nüxü̃ chixuxü̃, rü ngẽmawa tá nüxü̃ pecua̱x nax marü yangaicaxüchixü̃ nax ínanguxü̃ ya Tupana Nane ya duü̃xü̃xü̃ ixĩcü.

Nüxíraxü̃xü̃ ga popera ga Pedru ümatüxü̃ 4:9

¡Rü wüxichigü i pemax, rü name i mea pegü peyauxgü i pechiü̃wa! Rü tama name i tümamaxã penuãẽãcüma tüxü̃ peyauxgü.

Naanearü ügüchiga 4:7

Rü ngẽxguma chi aixcüma mexü̃ cuxü̱xgu rü chi cutaãẽchametü. Natürü ngẽma nax tama mexü̃ cuxüxü̃, rü ngẽma chixexü̃ rü ínamemare nax cuxü̃ naporamaexü̃. Natürü ega cuma rü tama naga cuxĩnügu rü tá nüxü̃ curüyexera i ngẽma chixexü̃ —ñanagürü.

Gálatas 5:26

Rü tama name i yigü ticua̱xüü̃gü rü yigü ítarüta rü bai nax togüxü̃ rüyexeragüchaü̃xü̃, rü bai nax ta̱xacüca̱x ixãũxãchixü̃.

Nüxíraxü̃xü̃ ga popera ga Pedru ümatüxü̃ 4:5

Natürü nümagü rü tá Tupanape̱xewa nangugü nax namaxã nüxü̃ yaxugüxü̃ca̱x nax ñuxãcü namaxẽxü̃. Rü nüma ya Tupana rü ínamemare nax nüxna yacachigüxü̃ca̱x i guxü̃ma i duü̃xü̃gü i maxẽxü̃ rü duü̃xü̃gü i yuexü̃.

Gálatas 5:14

Erü guxü̃ma i Tupanaarü mugü rü wüxitama i muwa nüxü̃ nixu rü ñanagürü: “¡Nüxü̃ nangechaü̃ i cumücü nax cugütama cungechaü̃xü̃rüxü̃!” ñanagürü.

1 Corintios 10:11

Rü guxü̃ma ga yema nũxcümaü̃güxü̃ ga tórü o̱xigüxü̃ ngupetüxü̃, rü tórü cua̱xruxü̃ nixĩ. Rü naxümatü nax ngẽmawa nüxü̃ icuáxü̃ca̱x nax ñuxãcü Tupana naxwa̱xexü̃ nax imaxẽxü̃ i yixema i ñomaü̃cüü.

Ore i mexü̃ ga Márcu ümatüxü̃ 13:29

Rü ngẽxgumarüxü̃ ta, rü ngẽxguma nüxü̃ peda̱u̱xgu nax nangupetüxü̃ i ngẽma pemaxã nüxü̃ chixuxü̃, rü ngẽmawa tá nüxü̃ pecua̱x nax paxa tá ínanguxü̃ ya Tupana Nane ya duü̃xü̃xü̃ ixĩcü.

2 Corintios 9:7

Rü wüxichigü tanaxwa̱xe nax ngĩxü̃ itaxãxü̃ i ngẽma ngĩgu tarüxĩnücü nax ñuxre ngĩxü̃ itaxãxchaü̃xü̃. Rü tama name i aüãcüma ngĩxü̃ itaxã rü ẽ̱xna texé tüxü̃ muãcüma ngĩxü̃ itaxã. Erü Tupana rü nüxü̃ nangechaü̃ i ngẽma duü̃xü̃ i taãẽãcüma ngĩxü̃ ixãxü̃.

Ore i mexü̃ ga Márcu ümatüxü̃ 6:19

Rü yemaca̱x ga Erodía rü poraãcü Cuáü̃chi ixai, rü inaxwa̱xe nax yamáaxü̃, natürü taxucürüwa íiyama̱x.

Yema Cuáü̃ nüxü̃ dauxü̃ i yixcüra tá ngupetüxü̃chiga 3:20

Rü dücax, choma rü ĩã̱xwa changẽxma rü ngéma rü tu tu tu, ñacharügü. Rü ngẽxguma chi texé choxü̃ ĩnügu rü cha̱u̱xca̱x tayawãxnagu, rü tá tümaxü̃tagu chaxücu. Rü tümamaxã tá chachibü rü tüma i chomaxã.

Echequié 7:12

Marü nawa nangu i ngẽma ngunexü̃, rü ínangu i ngẽma ora. Rü ngẽma taxetanüxü̃ rü taxuca̱xma ta̱xacüca̱x nataãxẽ, rü ngẽma naxca̱x taxexü̃ rü taxuca̱xma ta̱xacüca̱x nangechaxü̃. Erü chorü numaxã tá chanapoxcu i guxü̃ma i ngẽma Iraétanüxü̃ i ñu̱xma nügü icua̱xüü̃güxü̃.

Popera ga Chantiágu ümatüxü̃ 4:12

Tupanaxicatama nixĩ ya tüxna naxãcü i norü mugü, rü ñu̱xũchi nümatama nixĩ i cagüruxü̃ yixĩxü̃. Rü nümatama nixĩ i nüxü̃́ nangẽxmaxü̃ i pora nax tüxü̃ namaxẽxẽẽxü̃ rü ẽ̱xna tüxü̃ napoxcuexü̃. ¿Rü texé quixĩxü̃ i cumax rü ngẽmaca̱x cunangugüxü̃ nax ñuxãcü namaxü̃xü̃ i cumücü?

Popera ga Chantiágu ümatüxü̃ 5:7

Rü ñu̱xma Pa Chauenexẽgüx, rü name nixĩ i mea ípenangu̱xẽxẽ ñu̱xmatata ínangu ya tórü Cori. Rü yíxema naanewa puracüxe rü mea ítanangu̱xẽxẽ ya pucü nax naxügüxü̃ca̱x i tümanetü. Rü ñu̱xũchi ítanangu̱xẽxẽ nax nayaxü̃ i tümanetüarü o, rü ngẽxguma rü tá tayabuxgü.

Popera ga Chantiágu ümatüxü̃ 5:10

Pa Chauenexẽgüx, name nixĩ i nüxna pecua̱xãchie ga yema nũxcümaü̃güxü̃ ga Tupanaarü orearü uruü̃gü ga yáxna namaxã naxĩnüexü̃ ga yexguma ngúxü̃ yangegügu. Rü name nixĩ i pema rü ta ngẽxgumarüxü̃ yáxna namaxã pexĩnüe ega ngúxü̃ pingegügu.