Popera ga Chantiágu ümatüxü̃ 5:8 - Tupanaarü Ore

⁸ Rü pema rü ngẽxgumarüxü̃ ta rü penaxwa̱xe nax mea ípenangu̱xẽẽxü̃ nax ínanguxü̃ ya tórü Cori. ¡Rü taxṹ i nüxü̃ perüchauexü̃ nax ípenangu̱xẽẽxü̃! Erü marü ningaica nax ínanguxü̃ ya tórü Cori.

Popera ga Chantiágu ümatüxü̃ 5:8 Referans Kwoze

Popera ga Chantiágu ümatüxü̃ 5:9

Pa Chauenexẽgüx, name nixĩ i nüxü̃ perüxoe nax pegü pixuechaü̃ nax tama ngẽmaca̱x pexna naca̱xaxü̃ca̱x ya Tupana. Erü marü ningaica nax ínanguxü̃ nax duü̃xü̃güxü̃ yacagüxü̃ca̱x i norü maxü̃chiga.

Gálatas 5:22

Natürü ngẽxguma Tupanaãxẽ ya Üünecü tawa ngẽxmagu, rü yigü tangechaü̃gü, rü tataãẽgü, rü tama yigümaxã tanue, rü yáxna yigümaxã taxĩnüe, rü yigümaxã tamecümagü, rü yigü tarüngü̃xẽẽgü, rü tayanguxẽxẽ i ngẽma nüxü̃ ixuxü̃ rü aixcüma Tupanaaxü̃́ tayaxõgü.

Wiyaegü 37:7

Rü name nax cungea̱xmarexü̃ nape̱xewa ya Cori ya Tupana. ¡Rü yáxna naxĩnü! Rü nüma rü tá cuxü̃ narüngü̃xẽxẽ. ¡Rü taxṹ i quixãũãchixü̃ ega ngẽma chixexü̃ ügüxü̃ rü namuarü ngẽmaxü̃ã̱xgügu rü mea yaxũxgu i ngẽma nagu naxĩnüexü̃!

Nüxíraxü̃xü̃ ga popera ga Pedru ümatüxü̃ 4:7

Rü marü ningaica nax nagúxü̃ i ñoma i naane rü guxü̃ma i ta̱xacü i nawa ngẽxmaxü̃. Rü ngẽmaca̱x name nixĩ nax pexuãẽgüxü̃, rü mea peãxẽxü̃ pecuáxü̃, rü guxü̃guma peyumüxẽgüxü̃.

Filipenses 4:5

Rü chanaxwa̱xe i mea pemaxẽ nax guxü̃ma i duü̃xü̃gü pexü̃ nacua̱xgüxü̃ca̱x nax aixcüma mexü̃ i duü̃xü̃gü pixĩgüxü̃. ¡Rü nüxna pecua̱xãchie nax tórü Cori rü paxa tá nataeguxü̃ nax núma naxũxü̃!

Wiyaegü 27:14

¡Ẽcü nüxü̃́ yaxõ ya Cori! ¡Rü cugü naporaxẽxẽ rü taxṹ i nüxü̃ curüxoxü̃ nax cuyaxõxü̃! Rü cumaxã nüxü̃ chixu rü ¡nagu yaxõ ya Cori ya Tupana!

Yema Cuáü̃ nüxü̃ dauxü̃ i yixcüra tá ngupetüxü̃chiga 22:20

Rü yimá nüxü̃ ixucü i ñaa ore, rü ñanagürü: “Ngẽmáacüx, paxa tá íchangu”, ñanagürü. Rü ngẽmaãcü yixĩ. ¡Nua naxũ Pa Cori ya Ngechuchu!

1 Tesalonicenses 3:13

Rü tanaxwa̱xegü nax tórü Cori ya Ngechuchu pexü̃ rüngü̃xẽẽxü̃ nax peãẽwa aixcüma mea peyaxõgüxü̃ca̱x rü norü duü̃xü̃gü i aixcüma mexü̃gü nax pixĩgüxü̃ca̱x rü nax nataxuxü̃ca̱x i perü pecadugü i nape̱xewa ya Tanatü ya Tupana i ngẽxguma wena núma naxũxgu ya tórü Cori ya Ngechuchu ya Cristu namaxã i guxü̃ma i ngẽma Tupanaarü Duü̃xü̃gü i Üünexü̃. Rü ngẽmaãcü yixĩx.

Miquéa 7:7

Natürü i chomax rü Cori ya Tupanaaxü̃́ tá chayaxõõma. Rü tá nüxü̃́ chayaxõ ya yimá Tupana ya chorü poxü̃ruxü̃ ixĩcü. Rü nüma rü tá choxü̃ naxĩnü.

2 Tesalonicenses 3:5

Rü tanaxwa̱xe i tórü Cori ya Ngechuchu pexü̃ narüngü̃xẽxẽ nax pegü pengechaü̃güxü̃ca̱x, ngẽma Tupana tüxü̃ ngechaü̃xü̃rüxü̃. Rü naxca̱x ítaca nax pexü̃ naporaexẽẽxü̃ca̱x nax Cristurüxü̃ namaxã peporaexü̃ca̱x i ngẽma ngúxü̃gü i pexca̱x íngugüxü̃.

Romanos 8:25

Natürü ngẽxguma tauta nüxü̃ idaugügu i ngẽma írüngu̱xẽẽgüxü̃, rü name nax mea ínangu̱xẽẽgüxü̃ ñu̱xmata nüxü̃ idaugü woo ngúxü̃ ingegügu.

Wiyaegü 130:5

Rü guxü̃ma i chorü maxü̃maxã cuxü̃ íchanangu̱xẽxẽ, Pa Corix, rü nagu chayaxõ i curü ore.

1 Tesalonicenses 1:10

Rü nüxü̃ nixugügü ta nax aixcüma ípenangu̱xẽẽxü̃ nax wenaxarü tá daxũwa ne naxũxü̃ ya Ngechuchu ya Tupana Nane ga yuwa ínadaxẽẽãcü. Rü yimá Ngechuchu nixĩ ya tüxü̃ ínguxü̃xẽẽcü nüxna i ngẽma poxcu i ãũcümaxü̃ i tá ínguxü̃.

Abacú 2:3

Rü ñu̱xma rü taxũta nawa nangu nax yanguxü̃ ga yema cuxü̃ chawéxü̃. Natürü taxũtáma nangupetümare nax yanguxü̃. ¡Cumax rü mea ínanguxẽxẽ ega woo tama paxa yanguxgu! Erü aixcüma tá ningu i ngẽxguma norü ngunexü̃wa nanguxgux.

Naanearü ügüchiga 49:18

“¡Pa Corix, choxü̃ ínapoxü̃!”

Echequié 7:12

Marü nawa nangu i ngẽma ngunexü̃, rü ínangu i ngẽma ora. Rü ngẽma taxetanüxü̃ rü taxuca̱xma ta̱xacüca̱x nataãxẽ, rü ngẽma naxca̱x taxexü̃ rü taxuca̱xma ta̱xacüca̱x nangechaxü̃. Erü chorü numaxã tá chanapoxcu i guxü̃ma i ngẽma Iraétanüxü̃ i ñu̱xma nügü icua̱xüü̃güxü̃.

Ore i mexü̃ ga Luca ümatüxü̃ 21:19

Rü ngẽxguma aixcüma peyaxõgüamagu rü tama choxü̃ ípeta̱xgu, rü tá penayauxgü i maxü̃ i taguma gúxü̃.

Ore i mexü̃ ga Cuáü̃ ümatüxü̃ 21:22

Rü Ngechuchu nanangãxü̃, rü ñanagürü nüxü̃: —Ngẽxguma choma chanaxwa̱xegu nax namaxü̃xü̃ ñu̱xmatáta wena núma chaxũ, ¿rü tü̱xcüü̃ i nagu curüxĩnüxü̃ i ngẽma? Rü cuma ¡rü chowe rüxũ! —ñanagürü.

1 Tesalonicenses 2:19

Natürü ngẽxguma wenaxarü núma naxũxgu ya tórü Cori ya Ngechuchu ya Cristu rü ¿texémaxã tá nixĩ i nape̱xewa togü ticua̱xüü̃güxü̃ rü tataãxẽgüxü̃? Rü aixcüma pewa tá nixĩ i ítanangu̱xẽẽxü̃ nax tomaxã nataãẽxü̃ i ngẽxguma wenaxarü núma naxũxgu.

Popera ga Chantiágu ümatüxü̃ 5:3

Perü úiru rü perü diẽru rü ngẽxma naxãü̃tanü. Rü ngẽma norü ãü̃tanü rü wüxi i perü cua̱xruxü̃ tá nixĩ nax pema rü tá ta ipeyarütauxexü̃ ñoma ta̱xacü üxüwa ixaxü̃rüxü̃. Tupana ngĩxü̃ nadau i perü diẽru i ngĩmaxã penguxü̃marecü, rü ngẽmaca̱x tá pepoxcue i naanearü gu̱xgu.