Popera ga Chantiágu ümatüxü̃ 5:4 - Tupanaarü Ore

⁴ Rü pema rü tama nüxü̃́ ngĩxü̃ pexütanü ga yema diẽru ga ngĩxca̱x napuracüecü ga perü puracütanüxü̃. Rü ngẽmaca̱x i ngẽma perü puracütanüxü̃ rü ngĩxca̱x nidexagü ga yema diẽru ga tama nüxna ngĩxü̃ pexãcü. Rü nüma ya Cori ya Tupana ya Guxü̃étüwa Ngẽxmacü rü marü ngẽma duü̃xü̃güxü̃ naxĩnü nax ngĩxca̱x yadexagüxü̃ ga yema diẽru ga nüxü̃́ ngĩxü̃ pengetanücü.

Popera ga Chantiágu ümatüxü̃ 5:4 Referans Kwoze

Lebítanüxü̃arü puracüchiga 19:13

¡Rü taxṹ i cumücüxü̃ cuxãxũnexü̃ rü taxṹ i nüxna cunapuxü̃ i norü ngẽmaxü̃gü! ¡Rü taxṹ i curü puracütanüxü̃na cunachu̱xuxü̃ i norü diẽru nax moxü̃ãcüama nüxü̃́ cunaxütanüxü̃ca̱x!

Yeremía 22:13

Rü nüma ga Cori ya Tupana rü ãẽ̱xgacü ga Yoachíü̃chiga ñanagürü: —Pa Ãẽ̱xgacüx, wüxi i ngechaü̃ nixĩ i cuxca̱x, erü cuma rü cunaxü ya ãẽ̱xgacüpata rü naigü ya ĩpatagü ya itaxü̃ne, natürü chixexü̃ cuxü erü tama tüxü̃́ cunaxütanü ya yíxema cuxü̃́ naxügüxe.

Romanos 9:29

Rü nümatama ga Ichaía, rü ñanagürü ga ü̃pa: “Ngẽxguma chi nüma ya tórü Cori ya Guxü̃étüwa Ngẽxmacü rü taxũchima íyaxügüxẽẽãgu i ñuxre i tatanüxü̃ i Yudíugü, rü chi itayarüxoxochi, yexgumarüxü̃ nax iyanaxogüxü̃ ga gumá ĩanegü ga Chodóma rü Gomóra namaxã ga guxü̃ma ga yema duü̃xü̃gü ga yéma yexmagüxü̃”, ñanagürü ga Ichaía.

Maraquía 3:5

Rü nüma ya Cori ya Tupana ya Guxãétüwa Ngẽxmacü rü ñanagürü: —Choma rü tá aixcüma pexna chaca i perü chixexü̃ca̱x. Rü chomatátama nüxü̃ chixugüe i ngẽma yuüexü̃, rü ngẽma nai i ngexü̃maxã maxẽxü̃, rü ngẽma doramaxã nügü ípoxü̃xü̃, rü ngẽma norü puracütanüxü̃maxã rü ngẽma yutegüxemaxã, rü ngẽma taxcutagümaxã chixri icua̱xgüxü̃. Rü ngẽxgumarüxü̃ tá ta nüxü̃ chixugüe i ngẽma chixri tümamaxã icua̱xgüxü̃ ya duü̃xẽgü ya to i nachixü̃anecüã̱xgü, rü ngẽma tama chauga ĩnüexü̃ —ñanagürü.

Ínachoxü̃xü̃chiga 22:27

Erü ngexicatama nixĩ i tümachiru i namaxã tidüxüxü̃ ega nagáuanegu. Rü ngẽxguma tama tüxü̃́ cunatáeguxẽẽgu ¿rü ta̱xacümaxã tá tidüxü? Rü ngẽxguma tüma rü ngü̃xẽẽca̱x choxna caxgux rü choma rü tá tüxü̃ charüngü̃xẽxẽ erü choxü̃́ tangechaxü̃tümüxü̃.

Ore i mexü̃ ga Luca ümatüxü̃ 18:7

¿Taux ẽ̱xna ya Tupana rü paxa tüxü̃ ínapoxü̃xü̃ ya yíxema duü̃xẽ ya tüxü̃ nayaxúxe i ngẽxguma chütacü rü ngunecü rü norü ngü̃xẽẽca̱x nüxna tacaxgu i tümaarü yumüxẽwa?

Wiyaegü 9:12

Rü nüma ya Tupana rü tümaca̱x nanu ya yíxema togü chixri tümamaxã icua̱xgüxe. Rü tama nüxü̃ inarüngüma i ngẽma tümaarü axu ya yíxema ngúxü̃ ingegüxe.

Yox 34:28

Rü chixri tümamaxã inacua̱xgü ya yíxema ngearü diẽruã̱xgüxe. Rü ngẽmaca̱x nüma ya Tupana rü nüxü̃ naxĩnü nax aita taxüexü̃ rü ngü̃xẽẽca̱x ítacagüxü̃ ya yíxema ngearü diẽruã̱xgüxe.

Ínachoxü̃xü̃chiga 3:9

Rü dücax, rü marü nüxü̃ chaxĩnü nax ñuxãcü ngẽma Equítuanecüã̱xgüxü̃ ínaxuaxü̃güxü̃ i ngẽma Iraétanüxü̃, rü nüxü̃ chadau nax ñuxãcü poraãcü chixri namaxã nachopetüxü̃.

Naanearü ügüchiga 4:10

Natürü nüma ga Cori ya Tupana rü ñanagürü nüxü̃: —¿Tü̱xcüü̃ cueneexü̃ quima̱x? Erü yimá nagü ya waixü̃mügu bacü rü ñoma nümatama ya cuenexẽ choxna cagüxü̃rüü̃tama nixĩ i choxna nacagüxü̃ nax cuxü̃ ínaxuaxü̃xü̃ nax cuxü̃ chapoxcuxü̃ca̱x.

Colosenses 4:1

Rü pemax, Pa Corigüx, rü name nixĩ i perü duü̃xü̃gümaxã pemecümagüxü̃, rü tama penawomüxẽẽxü̃. ¡Rü nüxna pecua̱xãchie nax pema rü ta pexü̃́ nangẽxmaxü̃ ya perü Cori ya daxũgucü!

Abacú 2:11

Rü woo yima omütagü rü nutagü i perü ĩanegüarü poxeguxü̃wa ngẽxmagüxü̃ rü tá pechiga aixta naxüe nax pexü̃ yaxugüexü̃.

Ichaía 5:7

Rü ngẽma norü úbanecü i nüxü̃́ ngúchaü̃xü̃ ya Cori ya Tupana ya Guxãxétüwa Ngẽxmacü, rü ngẽma nixĩ i Iraétanüxü̃ i Yudáanewa ngẽxmagüxü̃. Rü nüma ya Cori ya Tupana rü nanaxwa̱xe i nagu naxĩxü̃ i ngẽma norü mugü. Natürü ngẽma Iraétanüxü̃ rü máetaguxicatama narüxĩnüe. Rü nüma ya Tupana rü ínananguxẽxẽ nax nügü nangechaü̃güxü̃, natürü ngẽma natanüwa nüxü̃ ĩnüxü̃ nixĩ nax ngúxü̃maxã aita naxüexü̃.

Ichaía 1:9

Ega ngẽxguma Cori ya Tupana ya Guxãétüwa Ngẽxmacü taxũchima ñuxre i yixema nua tüxü̃ yaxügüxẽẽgu, rü Yerucharéü̃ rü Chodómarüxü̃ rü Gomórarüxü̃ nixĩ.

Wenaxarü naxümatü ga Tupanaarü mugü 15:9

Rü tama name nax cugüãẽwa cunguxẽẽxü̃ i ñaa ĩnü i chixexü̃ i ñaxü̃: “Marü ningaica ya yimá taunecü ya ngetanü nagu nüxü̃ irüngümaecü, rü ngẽmaca̱x naguxcha nax diẽru nüxna chaxãxü̃”, ñacuxü̃. Rü ngẽxguma namaxã cuxaügu rü tama nüxna cunaxãxgu, rü nüma rü tá Tupanamaxã cuxü̃ nixu, rü ngẽma cuxüxü̃ rü pecadu tá nixĩ.

Ichaía 5:9

Rü Cori ya Tupana ya Guxãétüwa Ngẽxmacü rü nanaxuegu rü ñanagürü: —Rü muxü̃nema ya ĩpatagü rü tá niwa̱xtaü̃gü. Rü woo yima ĩpatagü rü nimexẽchi natürü taxúetama nawa tangexma.

Ore i mexü̃ ga Matéu ümatüxü̃ 9:37

Rü yexguma ga Ngechuchu rü ñanagürü nüxü̃ ga norü ngúexü̃gü: —Aixcüma pemaxã nüxü̃ chixu rü nangẽxma i muxũchixü̃ i duü̃xü̃gü i ímemaregüxü̃ nax yaxõgüãxü̃ i Tupanaarü ore. Natürü nanoxree̱xpü̱x i puracütanüxü̃ nax namaxã nüxü̃ yaxugüxü̃ca̱x i ngẽma mexü̃ i ore.

Yox 7:2

Rü ñoma wüxi i mugüruxü̃ i ga̱u̱xetüxü̃wa yáxna rüngü̱̃xü̃rüxü̃ tixĩgü. Rü ñoma wüxi i puracütanüxü̃ i norü puracütanü i diẽru ínanguxẽẽxü̃rüxü̃ tixĩgü.